Jeremiah 24:8 - Yn Vible Casherick 1775 1819

⁸ As myr ny drogh figgyn, nagh vel son ee, t’ad cha olk shen; (son shickyrys myr shoh ta’n Chiarn dy ghra,) Myr shen livrey-yms Zedekiah ree Yudah, as e phrinceyn, as fooilliagh Yerusalem ta faagit ’sy cheer shoh, as adsyn ta cummal ayns cheer Egypt;

Jeremiah 24:8 ပူးပေါင်းရင်းမြစ်များ

1 Recortyssyn 3:15

As va mec Josiah; yn chied er, Johanan, yn nah er, Jehoiakim, yn trass, Zedekiah, yn chiarroo, Shallum.

Jeremiah 13:7

Eisht hie mee gys Euphrates, as chleiy mee, as ghow mee yn cryss veih’n boayl raad dollee mee eh; as cur-my-ner, va’n cryss loau, cha beeagh eh veg.

Jeremiah 21:10

Son ta mee er hoiaghey m’eddin noi’n ard-valley shoh, son olk, as cha nee son mie, ta’n Chiarn dy ghra; bee eh er ny livrey gys laue ree Vabylon, as loshtee eshyn eh lesh aile.

Jeremiah 24:2

Va ’sy derrey vaskad figgyn feer vie, eer casley rish figgyn appee yn vess toshee; as va ’sy vaskad elley figgyn feer olk, nagh voddagh ve eeit, v’ad cha loau shen.

Jeremiah 24:5

Myr shoh ta’n Chiarn, Jee Israel, dy ghra, Casley rish ny figgyn mie shoh, myr shen goym’s roosyn dy Yudah ta er n’gholl ayns cappeeys; adsyn ta mee er choyrt magh ass yn ynnyd shoh gys cheer ny Caldeanee son foays daue.

Jeremiah 37:10

Son ga dy beagh shiu er woalley slane armee ny Caldeanee ta caggey nyn ’oï, as nagh beagh faagit jeu agh deiney lhottit; ny-yeih yinnagh eer ad shen girree seose dagh dooinney ayns e chabbane, as loshtagh ad yn ard-valley shoh lesh aile.

Jeremiah 37:17

Eisht hug y ree Zedekiah fys dy ghoaill ass eh, as dênee eh jeh dy follit ayns e hie, as dooyrt eh, Vel fockle erbee veih yn Chiarn? As dooyrt Jeremiah, Ta: son dooyrt eh, Bee oo livreït gys laue ree Vabylon.

Jeremiah 43:1

As haink eh gy-kione, erreish da Jeremiah v’er loayrt rish ooilley yn pobble ooilley goan y chaghteraght va’n Chiarn nyn Yee er choyrt huc liorishyn, eer ooilley ny goan shoh,

Jeremiah 44:1

Yn goo haink gys Jeremiah, mychione ooilley ny Hewnyn ta cummal ayns cheer Egypt, ec Migdol, as ec Tahpanhes, as ec Noph, as ayns cheer Phathros, gra,