Jeremiah 24:7 - Yn Vible Casherick 1775 1819

⁷ As ver-ym daue cree dy chur enney orrym’s, dy nee mish y Chiarn; as bee adsyn y pobble aym’s, as beem’s yn Jee ocsyn: son nee ad chyndaa reesht hym’s lesh nyn slane cree.

Jeremiah 24:7 ပူးပေါင်းရင်းမြစ်များ

2 Recortyssyn 6:38

My hyndaa-ys ad reesht hood’s lesh ooilley nyn gree, as lesh ooilley nyn annym, ayns cheer nyn gappeeys, huggey t’ad er nyn goyrt lhieu, as dy gow ad padjer lesh nyn eddin gys y cheer shoh hug oo da nyn ayraghyn, as gys yn ard-valley t’ou er reih, as gys y thie ta mish er hroggal son dt’ennym:

Psalmyn 119:2

Bannit t’adsyn ta freayll ny recortyssyn echey: as shirrey er e hon lesh ooilley nyn gree.

Isaiah 51:16

As ta mee er choyrt my ghoan ayns dty veeal, as er dty choodaghey ayns scadoo my laue, dy choamrey ny niaughyn, as dy hoiaghey undinyn y thallooin, as dy ghra rish Zion, Uss my phobble.

Jeremiah 11:4

Shen hug mee ayns currym da nyn ayraghyn ’sy laa hug mee lhiam magh ad veih cheer Egypt, veih’n choirrey yiarn, gra, Bee-jee biallagh da goan my choraa, as jean-jee ad y chooilleeney, cordail rish ooilley ta mee dy harey diu: myr shen bee shiuish yn pobble aym’s, as beem’s yn Jee euish;

Jeremiah 29:10

Son shoh myr ta’n Chiarn dy ghra, Lurg diu v’er n’yannoo magh three-feed bleïn as jeih ec Babylon, jeeagh-yms erriu, as cooilleen-yms my ockle mie erriuish, ayns coyrt erriu dy hyndaa reesht gys yn ynnyd shoh.

Jeremiah 3:10

As ny-yeih son ooilley shoh, cha vel y chuyr foalsey eck Judah er hyndaa hym’s lesh e slane cree, agh ayns molteyrys, ta’n Chiarn dy ghra.

Jeremiah 30:22

As bee shiuish yn pobble aym’s, as beem’s yn Jee euish.

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Ezekiel 11:17

Shen-y-fa, abbyr uss, Myr shoh ta’n Chiarn Jee dy ghra, Ver-yms lhiam shiu dy jarroo veih mastey yn pobble, as neem’s shiu y haglym ass ny cheeraghyn, raad va shiu er nyn skeayley, as ver-yms diu thalloo Israel.

Ezekiel 14:11

Nagh jed thie Israel arragh er-shaghryn voym’s, chamoo jannoo ad-hene dwoaiagh lesh obbraghyn eajee, agh dy bee adsyn yn pobble aym’s, as mish yn Jee ocsyn, ta’n Chiarn Jee dy ghra.

Ezekiel 16:62

As neem’s my chonaant y hickyraghey rhyt, as bee fys ayd, dy nee mish y Chiarn.

Ezekiel 37:23

Chamoo nee ad oolee jeu hene arragh, lesh nyn yallooyn, ny lesh nyn reddyn dwoaiagh, ny lesh nyn loghtyn: agh neem’s ad y livrey veih ooilley ny ynnydyn, raad t’ad er n’yannoo peccah, as glen-ym ad: myr shen bee adsyn y pobble aym’s, as beem’s yn Jee ocsyn.

Ezekiel 37:27

Bee my chabbane-agglish neesht mâroosyn: s’feer eh dy beem’s yn Jee ocsyn, as bee adsyn y pobble aym’s.

Ezekiel 39:22

Myr shen bee fys ec thie Israel, dy nee mish y Chiarn yn Jee ocsyn, veih’n laa shen as maghey shen.

Hosea 2:22

As ver y thalloo clashtyn da’n arroo, as da’n feeyn, as da’n ooil, as ver adsyn clashtyn da Jezreel.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Zechariah 8:8

As ver-ym lhiam ad, as nee ad cummal ayns mean Yerusalem, as bee ad my phobble’s, as beem’s yn Jee ocsyn ayns firrinys as ynrickys.

Romanee 6:17

Agh booise dy row gys Jee, son wheesh as dy row shiu roïe sharvaantyn peccah; dy vel shiu nish er choyrt biallys veih’n chree da’n cummey dy ynsagh v’er ny livrey diu.

Hebrewnee 11:16

Agh nish t’ad geearree cheer share, ta shen, cheer flaunyssagh: shen-y-fa cha vel Jee mooaraghey dy ve enmyssit yn Jee ocsyn: son t’eh er chiarail ard-valley er nyn son.

Hebrewnee 8:10

Son shoh’n conaant neem’s rish thie Israel lurg ny laghyn shen, ta’n Chiarn dy ghra; Ver-ym my leighyn ayns ny aignaghyn oc, as scrieu-ym ad er ny creeaghyn oc: as beem’s Jee dauesyn, as bee adsyn pobble dooys.

1 Samuel 7:3

As loayr Samuel rish ooilley thie Israel, gra, My ta shiu chyndaa gys y Chiarn lesh ooilley nyn gree, eisht cur-jee ersooyl ny jeeghyn joarree as Ashtaroth veih ny mast’ eu, as soie-jee nyn greeaghyn dy hirveish y Chiarn ny-lomarcan: as nee eh shiu y livrey ass laue ny Philistinee.