Jeremiah 24:5 - Yn Vible Casherick 1775 1819

⁵ Myr shoh ta’n Chiarn, Jee Israel, dy ghra, Casley rish ny figgyn mie shoh, myr shen goym’s roosyn dy Yudah ta er n’gholl ayns cappeeys; adsyn ta mee er choyrt magh ass yn ynnyd shoh gys cheer ny Caldeanee son foays daue.

Jeremiah 24:5 ပူးပေါင်းရင်းမြစ်များ

Psalmyn 119:67

Roish my row mee seaghnit, hie mee er-shaghryn: agh nish ta mee er vreayll dty ghoo.

Psalmyn 119:71

S’mie te er my hon dy row mee ayns seaghyn: dy voddym gynsaghey dty lattyssyn.

Jeremiah 24:4

Reesht haink goo yn Chiarn hym, gra.

Jeremiah 29:11

Son ta fys aym cre t’ayns my chree nyn gour, ta’n Chiarn dy ghra, smooinaghtyn dy hee, as cha nee dy cherraghey, dy chur diu yn jerrey ta shiu jerkal er y hon.

Jeremiah 29:20

Clasht-jee, er-y-fa shen, goo yn Chiarn, ooilley shiuish jeh’n chappeeys, ta mee er choyrt veih Jerusalem gys Babylon:

Jeremiah 29:4

Myr shoh ta Chiarn ny flaunyssee, Jee Israel, dy ghra rish y slane cappeeys, ta mee er choyrt ersooyl veih Jerusalem gys Babylon,

Ezekiel 11:17

Shen-y-fa, abbyr uss, Myr shoh ta’n Chiarn Jee dy ghra, Ver-yms lhiam shiu dy jarroo veih mastey yn pobble, as neem’s shiu y haglym ass ny cheeraghyn, raad va shiu er nyn skeayley, as ver-yms diu thalloo Israel.

Ezekiel 11:20

Dy vod ad gimmeeaght ayns my lattyssyn, as freayll my oardaghyn, as ad y chooilleeney: as bee adsyn yn pobble aym’s, as beem’s y Jee ocsyn.

Leviticus 26:44

Agh ny-yeih, tra vees ad ayns cheer nyn noidyn, cha jean-ym ad y hilgey ersooyl, chamoo ver-ym feoh daue, dy stroie ad dy bollagh, dy vrishey my chonaant roo: son mish y Chiarn y Jee oc.

Nahum 1:7

Ta’n Chiarn dooie, fendeilagh lajer ayns y laa seaghnagh, as shione da adsyn ta treishteil aynsyn.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Noo Mian 25:12

Agh dreggyr eshyn as dooyrt eh, Dy firrinagh ta mee gra riu, nagh voddym goaill riu.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Romanee 8:28

As ta fys ain dy vel dy chooilley nhee gobbraghey cooidjagh son y chooid share, dauesyn ta graihagh er Jee, dauesyn t’er nyn eam cordail rish e aigney.

1 Corinthianee 8:3

Agh my ta dooinney erbee graihagh er Jee, ta’n fer cheddin er ny ghoaill rish liorishyn.

Galatianee 4:9

Agh nish erreish da enney ve eu er Jee, er-nonney lurg da enney ve ec Jee erriuish, kys te dy vel shiu chyndaa gys ny cliaghtaghyn faase as fardalagh, foue shen ta shiu geearree dy ve reesht ayns bondiaght?

Deuteronomy 8:16

Ren uss y veaghey ayns yn aasagh lesh manna, red nagh row fys ec dty ayraghyn cre ve, dy injillaghey oo, as dy phrowal oo, son y foays ayd ec y jerrey)

2 Timothy 2:19

Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.

Ashlish 3:19

Whilleen as ta mee graihagh orroo, ta mee cur oghsan daue, as dy smaghtaghey ad: bee jeean er-y-fa shen, as gow arrys.