Jeremiah 24:2 - Yn Vible Casherick 1775 1819

² Va ’sy derrey vaskad figgyn feer vie, eer casley rish figgyn appee yn vess toshee; as va ’sy vaskad elley figgyn feer olk, nagh voddagh ve eeit, v’ad cha loau shen.

Jeremiah 24:2 ပူးပေါင်းရင်းမြစ်များ

Isaiah 5:4

Cre smoo oddagh ve jeant son my gharey-feeyney, nagh vel mish er n’yannoo ayn? cre’n-fa eisht, tra yeeagh mee dy n’ymmyrkagh eh berrishyn-feeyney, dy dymmyrk eh berrishyn-feeyney feïe?

Isaiah 5:7

Son ta lught-thie Israel garey-feeyney Chiarn ny flaunyssee, as ta deiney Yudah yn billey eunyssagh echey: as yeeagh eh son briwnys, agh cur-my-ner tranlaase; son cairys, agh cur-my-ner eam.

Jeremiah 29:17

Ad shoh goan Chiarn ny sheshaghtyn flaunyssagh, Cur-my-ner, ver-yms orroo yn cliwe, yn ghortey, as y chramp, as nee’m ad y yannoo myr figgyn loau, nagh vod ve eeit, t’ad cha olk shen.

Hosea 9:10

Hooar mee Israel myr messyn-feeyney ayns yn aasagh: va nyn ayraghyn dooys myr mess toshee yn villey-figgagh ’sy chied imbagh: agh hie ad gys Baal-peor, as ren ad scarrey ad-hene gys y red naareydagh shen; as haink ad dy ve eajee, myr ny reddyn deiyr ad orroo.

Micah 7:1

Smerg dooys! son ta mee myr adsyn ta mysh chaglym ny messyn souree, as jeelym y fouyr-feeyney: cha vel dhossan aym jeu dy ee: ga dy vel my annym geearree yn vess toshee.

Nahum 3:12

Bee ooilley dty chashtallyn lajer goll-rish ny biljyn-figgagh as y chied-vess appee: my vees ad agh craait, tuittee ad eer ayns beeal yn eeder.

Earrooyn 18:13

As cre-erbee ta hoshiaght appee ’sy cheer, ver ad lhieu gys y Chiarn, bee eh lhiat’s; nee dy chooilley unnane, ta glen ayns dty hie, gee jeh.

Noo Mian 5:13

Shiuish sollan y thallooin: agh my ta’n sollan er choayl e vlass, kys hig e vree ayn reesht? cha vel ymmyd erbee sodjey ny chour, agh dy ve tilgit magh, as stampit fo cassyn deiney.