Jeremiah 23:9 - Yn Vible Casherick 1775 1819

⁹ Ta my chree brisht cheu-sthie jee’m kyndagh rish ny phadeyryn foalsey; ta ooilley my chraueyn er-creau: ta mee myr dooinney er-meshtey, as myr dooinney ta feeyn er ghoaill niart er, ayns my ghraih jeean gys y Chiarn, as gys goan e chasherickys.

Jeremiah 23:9 ပူးပေါင်းရင်းမြစ်များ

Psalmyn 60:3

T’ou er yeeaghyn da dty phobble reddyn trimshagh: t’ou er choyrt dooin jough feeyney baasoil.

Psalmyn 69:20

T’ou uss er hoiggal m’oghsan, my nearey, as my vee-onnor: ta my noidyn ooilley ayns dty hilley.

Isaiah 28:1

Smerg da’n attey dy voyrn, da meshtyllee Ephraim, ta’n aalid gloyroil oc ny vlaa fioghey, t’er kione ny coanyn mea ocsyn ta’n feeyn er ghoaill mainshtyraght orroo!

Isaiah 29:9

Fuirree-jee, as gow-jee yindys; eïe-jee magh, as yllee-jee, T’ad er-meshtey, agh cha nee lesh feeyn; t’ad loagan, agh cha nee lesh jough lajer.

Isaiah 51:21

Shen-y-fa clasht nish rish shoh, uss ta seaghnit, as er-meshtey, agh cha nee lesh feeyn:

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Jeremiah 36:16

Nish haink eh gy-kione, tra v’ad er chlashtyn ooilley ny goan, dy row aggle orroo ooilley dy cheilley, as dooyrt ad rish Baruch, Inshee mayd dy firrinagh da’n ree ooilley ny goan shoh.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Jeremiah 8:18

Tra ta mee son gerjagh y gheddyn noi trimshey, ta my chree traashtit cheu-sthie jee’m.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Dobberan 3:15

T’eh er my lhieeney lesh sherriuid, t’eh er n’yannoo mee er-meshtey lesh ullymar.

Ezekiel 13:3

Myr shoh ta’n Chiarn Jee dy ghra, Smerg da ny phadeyryn ommijagh, ta geiyrt er nyn spyrryd hene, as nagh vel er vakin monney.

Ezekiel 9:4

As dooyrt y Chiarn rishyn, Immee trooid mean yn ard-valley, trooid mean Yerusalem, as soie cowrey er glaare eddin ny deiney shen, ta gosnaghey, as gaccan son ooilley ny obbraghyn dwoaiagh t’er ny yannoo cheu-sthie j’ee.

Ezekiel 9:6

Stroie-jee dy bollagh shenn as aeg, chammah moidynyn as cloan veggey, as mraane: agh ny tar-jee coair dooinney erbee ta cowrit; as gow-jee toshiaght ec my ynnyd casherick: eisht, ghow ad toshiaght rish y chenndeeaght va kiongoyrt rish y thie.

Daniel 8:27

As huitt mish Daniel my-neealloo, as va mee ching son earish: lurg shen hrog mee orrym, as hie mee mysh cooishyn y ree, as va mee ayns yindys dowin ec yn ashlish, agh va shoh gyn-yss da fer erbee.

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.

Romanee 7:9

Son va mish dy jarroo bio un cheayrt fegooish y leigh; agh tra haink yn anney, vio-ee peccah, as va mish marroo.