Jeremiah 23:2 - Yn Vible Casherick 1775 1819

² Shen-y-fa myr shoh ta’n Chiarn, Jee Israel, dy ghra noi ny bochillyn ta harrish my phobble, Ta shiu er skeayley my hioltane, as er n’eiyrt ad ersooyl, as cha vel shiu er yeeaghyn daue: cur-my-ner, neem’s cooilleeney y ghoaill erriu son y drogh-yannoo eu, ta’n Chiarn dy ghra.

Jeremiah 23:2 ပူးပေါင်းရင်းမြစ်များ

Exodus 32:34

Immee nish, er-y-fa shen, jean y pobble y leeideil gys yn cheer mychione ta mee er loayrt rhyt: Cur-my-ner, hed my ainle royd: Ny-yeih, ayns laa yn cherraghey, neem’s cooinaghtyn er shoh nyn beccah.

Jeremiah 10:21

Son ta ny bochillyn bolvaneagh, as cha vel ad er hirrey lurg y Chiarn: shen-y-fa cha jean ad bishaghey, as bee ooilley ny shioltaneyn oc er nyn skeayley.

Jeremiah 11:22

Shen-y-fa shoh myr ta Chiarn ny sheshaghtyn flaunyssagh dy ghra, Cur-my-ner, neem’s ad y cherraghey; yiow ny deiney aegey oc baase liorish y chliwe, yiow ny mec as ny inneenyn oc baase lesh y ghortey;

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 13:20

Trog-jee seose nyn sooillyn, as cur-jee my-ner adsyn ta cheet veih’n twoaie; cre vel y chioltane va er dty churrym, eer dty hioltane aalin?

Jeremiah 13:21

Cre jir oo tra nee eh dty cherraghey? (son t’ou er n’ynsaghey ad dy ve nyn gaptanyn, as dy reill harryd;) nagh jean trimshey oo y ghreimmey, myr ben er-troailt?

Jeremiah 17:10

Ta mish y Chiarn ronsaghey yn cree, ta mee prowal ny meeghyn, eer dy chooilleeney da dy chooilley ghooinney corrym rish e raaidyn, as cordail rish mess e obbraghyn.

Jeremiah 21:12

O hie Ghavid, myr shoh ta’n Chiarn dy ghra, Cur-jee briwnys cairagh ’sy voghrey, as livrey-jee eshyn ta tranlaasit ass laue yn tranlaasagh, er-aggle dy jed m’eulys magh myr aile, as lostey nagh vod unnane erbee y vooghey eh, kyndagh rish olkys nyn ghrogh-yannoo.

Jeremiah 23:34

As er son y phadeyr, as y saggyrt, as y pobble, nee gra, Errey’n Chiarn, goym’s son shickyrys kerraghey er y dooinney shen as e hie.

Jeremiah 44:22

Myr shen nagh voddagh y Chiarn gymmyrkey ny-sodjey rish loght nyn yannoo, as ny cliaghtaghyn dwoaiagh ta shiu er chur roo: shen-y-fa ta’n cheer eu ny hraartys, as atchim, as mollaght, gyn cummaltagh, myr ec y laa t’ayn jiu.

Jeremiah 5:29

Nagh jean-yms kerraghey y ghoaill son ny peccaghyn shoh? ta’n Chiarn dy ghra: nagh jean m’annym cooilleeney y ghoaill er lheid yn ashoon shoh?

Jeremiah 5:9

Nagh jean-yms kerraghey son ny peccaghyn shoh? ta’n Chiarn dy ghra; as nagh jean m’annym’s cooilleeney ’ghoaill er lheid yn ashoon shoh?

Jeremiah 8:12

Row nearey orroo tra v’ad er n’yannoo yn peccah dwoaiagh? beggan, cha ghow ad veg y nearey, chamoo ren ad jiargaghey: shen-y-fa nee ad tuittym ny mast’ oc shen huittys; tra hig-yms orroo ayns kerraghey, bee ad lhieggit gys yn ooir, ta’n Chiarn dy ghra.

Ezekiel 34:5

As v’ad er nyn skeayley son nagh row bochilley oc: as haink ad dy ve bee son ooilley beishtyn y vagheragh, tra v’ad er nyn skeayley.

Hosea 2:13

As nee’m kerraghey urree laghyn Vaalim, ayndoo losht ee incense daue, as ren ee soiaghey magh ee hene lesh e fainaghyn-cleayshey, as e jewellyn, as hie ee geiyrt er e gimmanyn, as yarrood ee mish, ta’n Chiarn dy ghra.

Micah 7:4

Ta’n fer share jeu myr y dress as yn er s’jeeree jeu ny s’byrragh na’n cleiy drineagh: ta laa dty arreyderyn as dty cherraghey er jeet ort; nish hig nyn angaish anmey.

Zechariah 10:3

Va my chorree er ny vrasnaghey noi ny bochillyn, as ren mee kerraghey ny goair, son ta Chiarn my flaunyssee er yeeaghyn er e hioltane, thie Yudah, as t’eh er n’yannoo ad myr yn niagh trean ’sy chaggey.

Zechariah 11:16

Son cur-my-ner, trog-yms seose bochilley ayns y cheer, nagh jean jeeaghyn lurg ny [kirree] cailjey, chamoo shirrey son yn eayn, ny lheihys adsyn ta doghanit, ny gymmyrkey lesh shen ta er-troggloo: agh ee-ys eh feill ny roauyree, as raipee eh ny yngnyn oc ayns peeshyn.

Noo Mian 25:36

Rooisht, as ren shiu m’y choamrey: va mee ching, as haink shiu dy my yeeaghyn: va mee ayns pryssoon, as haink shiu hym.

Noo Mian 25:43

Va mee my yoarree, as cha ghow shiu stiagh mee: rooisht, as cha ren shiu m’y choamrey: ching, as ayns pryssoon, as cha daink shiu dy my yeeaghyn.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.