Jeremiah 22:8 - Yn Vible Casherick 1775 1819

⁸ As hed ymmodee ashoonyn shaghey yn ard-valley shoh, as jir ad dagh dooinney rish e naboo, Cre’n-fa ta’n Chiarn er n’yannoo myr shoh rish yn ard-valley mooar shoh?

Jeremiah 22:8 ပူးပေါင်းရင်းမြစ်များ

Jeremiah 16:10

As hig eh gy-kione, tra vees oo er hoilshaghey ooilley ny goan shoh da’n pobble shoh, as dy jir ad rhyt, Cre’n-fa ta’n Chiarn er n’ockley magh ooilley yn olk vooar shoh nyn ’oï? ny cre ta nyn loght? ny cre’n peccah ta shin er n’yannoo noi’n Chiarn nyn Yee?

Jeremiah 40:2

As ghow captan y ghard Jeremiah, as dooyrt eh rish, Ta’n Chiarn dty Yee er n’ockley magh yn kerraghey shoh er yn ynnyd shoh.

Jeremiah 40:3

Nish ta’n Chiarn er choyrt eh gy-kione, as er n’yannoo cordail rish e raa: er-yn-oyr dy vel shiu er n’yannoo peccah noi’n Chiarn, as nagh vel shiu er choyrt biallys da e choraa, shen-y-fa ta’n olk shoh er jeet erriu.

Dobberan 4:12

Cha voddagh reeaghyn ny hooirey, ny ooilley cummaltee yn theihll credjal dy darragh y noid stiagh er Jerusalem.

Ezekiel 12:16

Agh faag-yms kuse jeu veih’n chliwe, veih’n ghortey, as veih’n phaitt, dy vod adsyn ooilley nyn beccaghyn eajee y ockley magh mastey ny ashoonee, raad hig ad, as bee fys oc dy nee mish y Chiarn.

Ezekiel 14:23

As nee ad shiuish y gherjaghey, tra hee shiu nyn raaidyn as nyn obbraghyn: as bee fys eu, nagh vel mee er n’yannoo gyn oyr, ooilley ny ta mee er n’yannoo ayn, ta’n Chiarn Jee dy ghra.

Ezekiel 39:23

As bee toiggal ec ny ashoonee, dy jagh thie Israel ayns cappeeys son nyn ghrogh-yannoo: er-yn-oyr dy ren ad ard-loghtynys m’oï; shen-y-fa dollee mee my eddin vouesyn, as hug mee ad ayns laue nyn noidyn: myr shen huitt ad ooilley liorish y chliwe.

Ezekiel 5:15

Myr shen bee eh ny oltooan, as an-ghoo, as raaue, as yindys da ny ashoonyn ta mygeayrt-y-mood, tra neem’s my vriwnyssyn y chooilleeney ort’s, ayns corree, as ayns eulys, as ayns oghsan dewil; ta mish y Chiarn er loayrt eh.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.