Jeremiah 22:6 - Yn Vible Casherick 1775 1819

⁶ Son myr shoh ta’n Chiarn dy ghra rish thie ree Yudah, T’ou uss Gilead dooys, as mullagh Lebanon: ny-yeih son shickyrys neem’s faasagh y yannoo jeed, as ard-valjyn gyn cummaltee.

Jeremiah 22:6 ပူးပေါင်းရင်းမြစ်များ

Genesis 37:25

As hoie ad sheese, dy ghoaill beaghey: as hrog ad seose nyn sooillyn, as yeeagh ad, as cur-my-ner, haink sheshaght dy Ishmaeliteyn veih Gilead, lesh nyn camelyn, cur lhieu spiceyn, as balm, as myrrh, goll lesh sheese gys Egypt.

Psalmyn 107:34

Cheer messoil t’eh dy yannoo faase: er coontey’n drogh-yannoo ocsyn ta baghey ayn.

Arrane Solomon 4:1

Cur-my-ner t’ou uss aalin, my ghraih, cur-my-ner t’ou uss aalin, ta sooillyn calmane ayd fo dty vreidyn; ta dty olt myr shioltane dy ghoair, ta fassagh er cronk Ghilead.

Arrane Solomon 5:15

Ta ny lurgaghyn echey myr pillaryn marble soit er laanyn dy airh ghlen, ta’n eddin echey myr Lebanon, thollee myr ny cedaryn.

Isaiah 27:10

Ny-yeih, bee yn ard-valley fencit ny hraartys, as yn ynnyd-vaghee treigit, as faagit myr faasagh: shen y raad nee yn gauin gyndyr, as ayns shen nee eh lhie sheese, as caigney ny banglaneyn echey.

Isaiah 37:24

Liorish dty haghteryn t’ou er oltooaney yn Chiarn, as er ghra, Lesh earroo my ainee ta mee er jeet seose gys yrjid ny sleityn, gys slystyn Lebanon; as giare-ym sheese e viljyn thollee cedar, as e reih biljyn-juys: as hem seose er mullagh ny ardjyn echey, as gys keyll e Charmel.

Isaiah 6:11

Eisht dooyrt mee, Hiarn, caïd? As dreggyr eh, Derrey vees ny ard-valjyn naardey fegooish cummaltagh, as ny thieyn fegooish dooinney, as y cheer dy bollagh treigit.

Jeremiah 21:11

As mychione thie ree Yudah, abbyr, Clasht-jee goo yn Chiarn;

Jeremiah 21:14

Agh neem’s shiu y smaghtaghey cordail rish mess nyn obbraghyn, ta’n Chiarn dy ghra: as nee’m aile y oaddey ’sy cheyll echey, as nee eh stroie dy chooilley nhee mygeayrt-y-mysh.

Jeremiah 22:24

Myr s’bio mee, ta’n Chiarn dy ghra, ga dy beagh Coniah mac Yehoiakim ree Yudah yn cowrey er my laue yesh, foast yinnin oo y raipey veih shen;

Jeremiah 26:18

Ren Micah yn Morasthite phadeyrys rish lhing Hezekiah ree Yudah, as loayr eh rish ooilley pobble Yudah, gra, Myr shoh ta Chiarn ny sheshaghtyn flaunyssagh dy ghra, Bee Zion traaueit myr magher, as bee Jerusalem jeant ny holtanyn, as yrjid y thie myr ardjyn ny keylley.

Jeremiah 4:20

Ta traartys er traartys er ny eam, son ta’n slane cheer spooillit: doaltattym ta my chabbaneyn rooishtit, as my churtanyn ’sy tullogh.

Jeremiah 4:7

Ta’n lion er jeet seose veih e cheyll, as ta stroider ny ashoonee er e raad; t’eh er n’gholl magh veih e oayll dy yannoo dty heer ny hraartys: as bee dty ard-valjyn er nyn goyrt naardey fegooish cummaltagh.

Jeremiah 50:12

Bee nyn moir dy mooar seaghnit; bee ish dymmyrk shiu er-nearey: cur-my-ner, bee ish unnane jeh ny ashoonyn s’fardalee, faasagh, thalloo sponkit as reeastaneagh.

Jeremiah 7:34

Eisht ver-yms gys fea ayns ard-valjyn Yudah, as ayns straïdyn Yerusalem, yn coraa dy vingys, as y kiaull dy yennallys, coraa yn dooinney-poosee, as coraa yn ven-phoosee; son bee’n cheer ny hraartys.

Jeremiah 8:22

Vel veg y valm ayns Gilead? vel fer-lhee erbee ayns shen? Cre’n-fa eisht nagh vel aslaynt inneen my phobble er ny choural?

Jeremiah 9:11

As neem’s Jerusalem y yannoo ny holtanyn, as ooig dy ghragonyn; as neem’s ard-valjyn Yudah y yannoo ny hraartys, gyn cummaltagh.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Zechariah 11:1

Foshil dty ghorryssyn, O Lebanon, dy vod yn aile ny cedaryn ayd’s y stroie.

Earrooyn 32:1

Nish va ec cloan Reuben, as cloan Ghad earroo feer vooar dy ollagh: as tra honnick ad dy row thalloo Jazer, as thalloo Ghilead, pastyr mie son ollagh:

Deuteronomy 3:25

Ta mee guee ort, lhig dou goll harrish, as shilley ’gheddyn jeh’n cheer mie shen ta cheu elley dy Yordan, yn slieau aalin shen, Lebanon.