Jeremiah 22:5 - Yn Vible Casherick 1775 1819

⁵ Agh mannagh n’eaisht shiu rish ny goan shoh, Ta mee breearrey liorym pene, ta’n Chiarn dy ghra, dy bee’n thie shoh ny hraartys.

Jeremiah 22:5 ပူးပေါင်းရင်းမြစ်များ

Genesis 22:16

As dooyrt eh, Liorym pene ta mee er vreearrey ta’n Chiarn gra, son fakin dy vel oo er n’yannoo shoh, as nagh vel oo er vreayll voym’s dty vac, eer dty ynrycan vac;

2 Recortyssyn 7:19

Agh my hyndaa-ys shiu ersooyl, as my lattyssyn as my annaghyn ta mee er hoiaghey kiongoyrt riu y hreigeil, as my hed shiu dy hirveish jeeghyn elley, as ooashley ’chur daue:

2 Recortyssyn 7:21

As y thie shoh ta cha ard, bee eh son yindys da dagh unnane ta goll shaghey; myr shen dy jir eh, Cre’n-fa ta’n Chiarn er n’yannoo myr shoh rish y cheer shoh, as rish y thie shoh?

2 Recortyssyn 7:22

As shoh vees yn ansoor yiow eh, Er-yn-oyr dy hreig ad y Chiarn Jee nyn ayraghyn, hug lesh magh ad ass cheer Egypt, as dy dug ad nyn marrant er jeeghyn elley, as dy dug ad ooashley daue, as shirveish ad: shen-y-fa t’eh er chur lesh ooilley’n kerraghey shoh orroo.

Psalmyn 95:11

Dauesyn loo mee ayns my chorree: nagh ragh ad stiagh ayns m’ea.

Isaiah 1:20

Agh my ta shiu gobbal as girree-magh, bee shiuish er nyn stroie lesh y chliwe: son ta beeal y Chiarn er loayrt eh.

Jeremiah 12:7

Ta mee er hreigeil my hie, ta mee er chur voym my eiraght; ta mee er livrey ish va slane graih my chree gys laueyn e noidyn.

Jeremiah 17:27

Agh mannagh n’eaisht shiu rhym dy reayll yn doonaght casherick, as gyn laad y ymmyrkey, eer goll stiagh er giattyn Yerusalem er y doonaght; eisht neem’s aile y oaddey ayns ny giattyn eck; as nee eh plaaseyn Yerusalem y stroie, as cha bee eh er ny vooghey.

Jeremiah 26:4

As jir uss roo, Myr shoh ta’n Chiarn dy ghra, Mannagh n’eaisht shiuish rhym’s, dy immeeaght ayns my leigh’s ta mee er hoiaghey reue,

Jeremiah 39:8

As losht ny Caldeanee plaase y ree, as thieyn y phobble lesh aile, as lhieg ad voallaghyn Yerusalem.

Jeremiah 44:26

Shen-y-fa clasht-jee goo yn Chiarn, ooilley Yudah ta cummal ayns cheer Egypt; Cur-my-ner, ta mish er loo liorish my ennym ooasle, ta’n Chiarn gra, nagh bee my ennym ny smoo enmyssit ayns beeal dooinney erbee dy Yudah, ayns ooilley cheer Egypt, gra, Ta’n Chiarn Jee bio.

Amos 6:8

Ta’n Chiarn Jee er vreearrey liorish hene, ta’n Chiarn, Jee ny flaunyssee, gra, Ta dwoaie aym er mooaralys Yacob, as feoh aym er e chooyrtyn reeoil: shen-y-fa livrey-ym seose yn ard-valley, marish ooilley ny t’ayn.

Micah 3:12

Shen-y-fa kyndagh riuish bee Zion er ny hraaue myr magher, as hig Jerusalem dy ve carnaneyn, as bee slieau yn chiamble myr ard-aasaghyn ny keylley.

Noo Mian 23:38

Cur-my-ner, ta’n thie eu faagit diu follym-faase.

Hebrewnee 3:18

As quoi da ren eh loo, nagh ragh ad stiagh ’syn ea echey, agh dauesyn nagh ren credjal?

Hebrewnee 6:13

Son tra ren Jee gialdyn y yannoo da Abraham, er-yn-oyr nagh voddagh eh loo liorish fer syrjey, loo eh liorish hene,

Hebrewnee 6:17

Shen-y-fa myr va Jee booiagh er yn aght s’troshey dy hoilshaghey da eiraghyn y ghialdyn shickyrys gyn-caghlaa e aigney, ren eh shoh y niartaghey lesh loo: