Jeremiah 22:3 - Yn Vible Casherick 1775 1819

³ Myr shoh ta’n Chiarn dy ghra, Shirveish-jee briwnys cairagh as jeeragh, as livrey-jee eshyn ta tranlaasit veih laue yn tranlaasagh: as ny jean-jee aggair, ny tranlaase erbee er y joarree, yn lhiannoo gyn ayr, ny’n ven-treoghe, chamoo jean-jee fuill gyn-loght y gheayrtey ’syn ynnyd shoh.

Jeremiah 22:3 ပူးပေါင်းရင်းမြစ်များ

2 Samuel 23:3

Ta Jee Israel er ghra, ta creg Israel er loayrt rhym’s, Shegin dasyn ta reill harrish deiney ve cairagh, reill ayns aggle Yee:

2 Reeaghyn 24:4

As myrgeddin son yn uill neu-chyndagh gheayrt eh, (son lhieen eh Jerusalem lesh fuill gyn-loght,) nagh jinnagh y Chiarn pardooney.

Lioar Yob 22:9

T’ou er chur ny mraane-treoghe ersooyl follym, as er vrishey roihaghyn y chloan gyn ayr.

Lioar Yob 24:9

T’ad raipey yn chloan gyn ayr veih’n cheeagh, as goaill gioal veih’n voght;

Psalmyn 68:5

Eshyn ayr yn chloan gyn ayr, ta fendeil cooish ny mraane-treoghe: dy jarroo Jee ayns e ynnyd-vaghee casherick.

Psalmyn 82:4

Livrey-jee yn vooinjer ta treigit as ny boghtyn: saue-jee ad veih laue ny mee-chrauee.

Psalmyn 94:21

T’ad chaglym cooidjagh noi annym y dooinney cairagh: as deyrey gys baase yn uill neu-chyndagh.

Psalmyn 94:6

T’ad dunverys y ven-treoghe, as y joarree: as cur y lhiannoo gyn ayr dy baase.

Exodus 22:21

Cha jean oo seaghney joarree, chamoo nee oo tranlaase er: son va shiu hene nyn yoarreeyn ayns cheer Egypt.

Exodus 22:22

Cha jean oo tranlaase er y ven-treoghe, ny er y lhiannoo gyn ayr.

Raaghyn Creeney 23:10

Ny scugh yn chenn chagliagh; as ny brish stiagh er magheryn y chloan gyn ayr.

Raaghyn Creeney 6:17

Shilley moyrnagh, chengey vreagagh, as laueyn ta deayrtey yn uill neu-chyndagh.

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Isaiah 58:6

Nagh nee shoh yn trostey ta mee er reih? dy eaysley ny geulaghyn dy vee-chraueeaght, dy eddrymaghey ny erraghyn tromey, as dy chur nyn reamys dauesyn ta tranlaasit, as dy vrishey dy chooilley whing?

Isaiah 58:7

Nagh nee dy rheynn dty arran er ny accryssee, as dy der oo lhiat ny ymmyrchee ta gyn fastee gys dty hie? tra hee oo yn roosteen, dy der oo eaddagh da; as nagh jean oo oo hene y cheiltyn veih dty eill hene?

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 21:12

O hie Ghavid, myr shoh ta’n Chiarn dy ghra, Cur-jee briwnys cairagh ’sy voghrey, as livrey-jee eshyn ta tranlaasit ass laue yn tranlaasagh, er-aggle dy jed m’eulys magh myr aile, as lostey nagh vod unnane erbee y vooghey eh, kyndagh rish olkys nyn ghrogh-yannoo.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Jeremiah 26:16

Eisht dooyrt ny princeyn as ooilley’n pobble rish ny saggyrtyn, as rish ny phadeyryn, Cha vel y dooinney shoh toilchin baase; son t’eh er loayrt rooin ayns ennym y Chiarn nyn Yee.

Jeremiah 5:28

T’ad er n’aase roauyr, t’ad ayns callin vie, t’ad er n’gholl erskyn eer obbraghyn smessey ny mee-chrauee; cha vel ad briwnys yn chooish, cooish y chloan gyn ayr, ny-yeih t’ad bishaghey; as cooish chair yn ymmyrchagh cha vel ad reaghey.

Jeremiah 7:23

Agh shoh hug mee er y churrym oc, gra, Cur-jee biallys da my choraa, as beem’s yn Jee euish, as bee shiuish yn pobble aym’s; as jean-jee gimmeeaght ayns ooilley ny raaidyn ta mee er n’oardaghey diu, dy vod eh ve dy mie mêriu.

Jeremiah 9:24

Agh lhig dasyn ta boggyssagh, boggyssagh ayns shoh, dy vel toiggal as tushtey echey jeem’s, dy nee mish y Chiarn ta soilshaghey kenjallys-ghraihagh, briwnys, as cairys, er y thalloo: son ayns ny reddyn shoh ta mee goaill taitnys, ta’n Chiarn dy ghra.

Dobberan 3:36

Dy chassey dooinney ayns e chooish cha vel y Chiarn lowal jeh.

Ezekiel 18:12

T’er n’êginagh yn voght as yn ymmyrchagh, t’er roostey lesh laue lajer, nagh vel er jyndaa yn yioal, as t’er hroggal seose e hooillyn gys ny jallooyn, t’er n’yannoo ard-pheccah,

Ezekiel 18:7

As nagh vel er n’yannoo tranlaase er dooinney erbee, agh t’er chur reesht da’n jatter e yioal, nagh vel er spooilley dooinney erbee liorish aggair, er hirveish e arran er ny accryssee, as choodaghey yn roosteeyn lesh coamrey.

Ezekiel 22:7

Aynyd’s t’ad er hoiaghey beg jeh ayr as moir: ayns dty vean t’ad er n’yannoo tranlaase er y joarree: aynyd’s t’ad er heaghney yn chloan gyn ayr, as y ven-treoghe.

Ezekiel 45:9

Myr shoh ta’n Chiarn Jee dy ghra, S’lioar shoh diuish, O phrinceyn Israel: cur-jee veue tranlaase as spooilley, as jean-jee briwnys as cairys, trog-jee nyn laue-lajerys veih my phobble, ta’n Chiarn Jee dy ghra.

Joel 3:19

Bee Egypt ny hraartys, as bee Edom ny aasagh follym-feayn, son nyn ghewilys noi cloan Yudah; er-yn-oyr, dy vel ad er gheayrtey fuill gyn-loght ayns y cheer oc.

Leviticus 19:15

Cha jean shiu veg y neu-chairys ayns briwnys; cha jean oo soiaghey jeh persoon y voght, ny cur geill da persoon y verchagh: agh ayns cairys nee uss briwnys dty naboo.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Amos 5:24

Agh lhig da briwnys roie sheese myr ushtaghyn, as cairys myr thooilley niartal.

Micah 3:11

Ta ny briwnyn eck briwnys son leagh, as ny saggyrtyn eck gynsagh son faill, as ny phadeyryn eck phadeyrys son argid: ny-yeih t’ad goaill orroo dy ve ass lieh yn Chiarn, as gra, Nagh vel y Chiarn ny mast’ ain? cha jig olk erbee orrin.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Malachi 3:5

As hig-yms chion erriu gys briwnys; as beem’s my eanish gyere noi ny fir-obbee, as noi ocsyn ta brishey poosey, as noi ny looderyn-oaiagh, as noi ocsyn ta chionney er y labree ayns e aill, as jannoo tranlaase er y ven-treoghe, as er y chloan gyn ayr, as ta lhiettal veih’n joarree e chair, as nagh vel goaill aggle roym’s, ta Chiarn ny flaunyssee dy ghra.

Noo Mian 23:23

Smerg diu scrudeyryn as Phariseeyn, chrauee-oalsey; son ta shiu geeck jaghee jeh mynthey, anise as cummin, agh cha vel shiu er chooilleeney currymyn s’ymmyrchee yn leigh, cairys, myghin as firrinys: ad shoh lhisagh shiu v’er n’yannoo, fegooish y chooid elley y aagail gyn jannoo.

Deuteronomy 10:18

T’eh goaill seose cooish y chloan gyn ayr as y ven-treoghe, as shynney lesh y joarree, ayns coyrt da beaghey as coamrey.

Deuteronomy 24:17

Cha jean oo cassey briwnys y joarree ny’n lhiannoo gyn ayr, chamoo nee oo garmad ben-treoghe y ghoaill son gioal.

Deuteronomy 24:7

My vees dooinney er ny gheddyn dy gheid veg jeh e vraaraghyn cloan Israel, as jannoo marchantys jeh, ny creck eh; eisht bee’n maarliagh shen er ny choyrt gy-baase, as ver oo yn olk ersooyl veih ny mast’ eu.

Deuteronomy 25:1

My vees streeu eddyr deiney, as dy der ad lhieu yn chooish fenish ny briwnyn, eisht nee ad seyrey’n dooinney cairagh, as deyrey’n vee-chairagh.

Deuteronomy 27:19

Cursit t’eshyn, ta coyrt briwnys aggairagh ayns cooish y joarree, yn chloan gyn ayr, as y ven-treoghe, as jir ooilley’n pobble, Amen.

Jamys 1:27

Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.