Jeremiah 22:2 - Yn Vible Casherick 1775 1819

² As abbyr, Clasht rish goo yn Chiarn, O ree Yudah, ta dty hoie er stoyl-reeoil Ghavid, uss, as dty harvaantyn, as dty phobble ta goll stiagh er ny giattyn shoh;

Jeremiah 22:2 ပူးပေါင်းရင်းမြစ်များ

1 Reeaghyn 22:19

As dooyrt eh, Eaisht uss, er-y-fa shen, rish goo’n Chiarn: Honnick mee yn Chiarn ny hoie er e stoyl-reeoil, as ooilley sheshaght-flaunyss ny hassoo liorish, er e laue yesh as er e laue hoshtal.

Isaiah 1:10

Clasht-jee rish goo yn Chiarn, shiuish reiltee Sodom; eaisht-jee rish leigh yn Jee ain, shiuish phobble Ghomorrah:

Isaiah 28:14

Shen-y-fa eaisht-jee rish goo yn Chiarn, shiuish chraidoilee, ta reill yn pobble shoh t’ayns Jerusalem:

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Jeremiah 13:18

Abbyr rish y ree as y ven-reïn, Cur-jee veue nyn moyrn, soie-jee sheese dy injil; son bee ny rheamyn eu currit sheese, eer attey nyn ghloyr.

Jeremiah 19:3

As abbyr, Clasht-jee goo yn Chiarn, O reeaghyn Yudah, as shiuish chummaltee Yerusalem; myr shoh ta Chiarn ny sheshaghtyn flaunyssagh, Jee Israel, dy ghra, Cur-my-ner, ver-ym lhiam olk er y voayl shoh, quoi-erbee chlinnys eh, nee e chleayshyn feiyral.

Jeremiah 22:1

Myr shoh ta’n Chiarn dy ghra, Immee sheese gys thie ree Yudah, as loayr ayns shen ny goan shoh,

Jeremiah 22:4

Son dy firrinagh my nee shiu er yn aght shoh, eisht hed stiagh er giattyn y thie shoh reeaghyn, soie er stoyl-reeoil Ghavid, markiagh ayns fainee as er cabbil, eh-hene, as e harvaantyn, as e phobble.

Jeremiah 29:20

Clasht-jee, er-y-fa shen, goo yn Chiarn, ooilley shiuish jeh’n chappeeys, ta mee er choyrt veih Jerusalem gys Babylon:

Jeremiah 34:2

Myr shoh ta’n Chiarn, Jee Israel, dy ghra, Immee as loayr rish Zedekiah ree Yudah, as insh da; Myr shoh ta’n Chiarn gra, Cur-my-ner, ver-yms yn ard-valley shoh gys laue ree Vabylon, as nee eh lostey eh lesh aile.

Jeremiah 36:30

Shen-y-fa myr shoh ta’n Chiarn dy ghra mychione Jehoiakim ree Yudah, Cha bee dooinney echey dy hoie er stoyl-reeoil Ghavid; as bee yn corp marroo echey tilgit magh ’sy laa gys y chiass, as ’syn oie gys y rio.

Jeremiah 7:2

Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Ezekiel 34:7

Shen-y-fa shiuish vochillyn, eaisht-jee rish goo yn Chiarn,

Amos 7:16

Nish er-y-fa shen, eaisht uss rish goo yn Chiarn: t’ou gra, Ny jean phadeyrys noi Israel, as ny lhig fockle voïd noi thie Isaac.

Noo Luke 1:32

Bee eshyn cronnal, as enmyssit Mac yn Er-syrjey; as ver y Chiarn Jee dasyn stoyl-reeoil e ayr David.