Jeremiah 22:18 - Yn Vible Casherick 1775 1819

¹⁸ Shen-y-fa myr shoh ta’n Chiarn dy ghra mychione Jehoiakim mac Yosiah ree Yudah, Cha jean ad dobberan er e hon, gra, Ah treih my vraar! ny, Ah treih my huyr! cha jean ad dobberan er e hon, gra, Ah treih hiarn! ny, Ah treih e ghloyr!

Jeremiah 22:18 ပူးပေါင်းရင်းမြစ်များ

Jeremiah 16:6

Yiow chammah beg as mooar baase ’sy cheer shoh: cha bee ad er nyn oanluckey, chamoo nee sleih dobberan er nyn son, tayrn fuill orroo hene, ny jannoo ad-hene meayl er nyn son.

1 Reeaghyn 13:30

As ren eh goanluckey e chorp ’syn oaie echey hene; as ren ad dobberan harrish gra, Aless, my vraar!

Jeremiah 22:10

Ny keayn-jee son y varroo, chamoo bee-jee ayns trimshey er e hon; agh jean-jee dobberan sharroo er e hon-syn ta goll ersooyl: son cha jig eh arragh thie, chamoo ver eh my-ner cheer e ghooghys.

Jeremiah 16:4

Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Jeremiah 34:5

Agh yiow baase ayns shee: as lesh aile-oanluckee dty ayraghyn, ny reeaghyn va royd, myr shen loshtee ad spiceyn miljey er dty hon’s; as nee ad dobberan harryd, gra, Aless, hiarn! son ta mee er loayrt yn ockle, ta’n Chiarn dy ghra.

2 Recortyssyn 35:25

As ren Jeremiah dobberan son Josiah, as ren ooilley ny arranee chammah deiney as mraane gimraa er Josiah ayns nyn gronneeaght trimshagh gys y traa t’ayn, as va shoh son oardagh ayns Israel: as cur-my-ner, t’ad scruit ayns lioar y dobberan.

2 Samuel 1:26

Ta mee seaghnit er dty hon, my vraar Yonathan: s’dooie t’ou er ny ve dou, as graihagh orrym: as dty ghraih er my hon’s yindyssagh, erskyn graih mraane.

2 Reeaghyn 23:6

As hug eh lesh magh jalloo ny keylley veih thie yn Chiarn, cheu-mooie jeh Jerusalem, gys strooan Kidron, as losht eh eh ec strooan Kidron, as vroo eh eh cha meein as joan, as spreih eh yn joan er oaiaghyn cloan y phobble.

2 Reeaghyn 23:36

Va Jehoiakim queig bleeaney as feed dy eash tra ghow eh toshiaght dy reill; as va e reill un vleïn jeig ayns Jerusalem: as ennym e voir va Zebudah, inneen Pedaiah jeh Rumah.

2 Reeaghyn 24:6

Eisht chaddil Jehoiakim marish e ayraghyn: as ren Jehoiachin e vac reill ’syn ynnyd echey.

2 Recortyssyn 36:5

Va Jehoiakim queig bleeaney as feed d’eash tra ren eh toshiaght dy reill, as ren eh reill un vleïn jeig ayns Jerusalem: as ren eh shen ny va olk ayns shilley’n Chiarn e Yee.

Jeremiah 22:12

Agh yiow eh baase ayns cheer e chappeeys, as y cheer shoh cha jean eh fakin arragh.

1 Recortyssyn 3:15

As va mec Josiah; yn chied er, Johanan, yn nah er, Jehoiakim, yn trass, Zedekiah, yn chiarroo, Shallum.

Jeremiah 21:11

As mychione thie ree Yudah, abbyr, Clasht-jee goo yn Chiarn;

Jeremiah 36:30

Shen-y-fa myr shoh ta’n Chiarn dy ghra mychione Jehoiakim ree Yudah, Cha bee dooinney echey dy hoie er stoyl-reeoil Ghavid; as bee yn corp marroo echey tilgit magh ’sy laa gys y chiass, as ’syn oie gys y rio.