Jeremiah 22:16 - Yn Vible Casherick 1775 1819

¹⁶ Ren eh briwnys cooish yn voght, as yn ymmyrchagh; eisht haink eh dy mie lesh: nagh row shoh son dy bione da mish? ta’n Chiarn dy ghra.

Jeremiah 22:16 ပူးပေါင်းရင်းမြစ်များ

1 Recortyssyn 28:9

As uss Solomon, my vac, toig aigney Yee dty ayrey, as jean eh y hirveish lesh cree firrinagh, as lesh aigney arryltagh: son ta’n Chiarn ronsaghey magh dy chooilley chree, as toiggal ooilley ny smooinaghtyn t’ayndoo. My t’ou dy hirrey eh, bee eh er ny gheddyn liort; agh my hreigys oo eh, nee eh dty hreigeil son dy bragh.

Psalmyn 36:10

O sheeyn magh dty chenjallys-ghraihagh hucsyn ta coyrt enney ort: as dty chairys dauesyn ta firrinagh ayns cree.

Psalmyn 9:10

As adsyn shione daue dty Ennym, ver nyn dreishteil aynyd’s: son cha vel uss, Hiarn, rieau er hreigeil adsyn ta dy dty hirrey.

Raaghyn Creeney 31:9

Foshil dty veeal, cur briwnys cairal, as loayr ayns cooish ny boghtyn as ymmyrchee.

Isaiah 1:17

Ynsee-jee dy yannoo mie; shir-jee briwnys, cooin-jee lhieusyn ta tranlaasit; jean-jee briwnys son y chloan gyn ayr; Gow-jee seose cooish y ven-treoghe.

Jeremiah 5:28

T’ad er n’aase roauyr, t’ad ayns callin vie, t’ad er n’gholl erskyn eer obbraghyn smessey ny mee-chrauee; cha vel ad briwnys yn chooish, cooish y chloan gyn ayr, ny-yeih t’ad bishaghey; as cooish chair yn ymmyrchagh cha vel ad reaghey.

Jeremiah 9:16

Nee’m ad y skeayley myrgeddin mastey ny ashoonee, nagh row enney chamoo oc hene ny ec nyn ayraghyn orroo: as ver-ym magh y cliwe geiyrt orroo, derrey vee’m er stroie ad.

Jeremiah 9:24

Agh lhig dasyn ta boggyssagh, boggyssagh ayns shoh, dy vel toiggal as tushtey echey jeem’s, dy nee mish y Chiarn ta soilshaghey kenjallys-ghraihagh, briwnys, as cairys, er y thalloo: son ayns ny reddyn shoh ta mee goaill taitnys, ta’n Chiarn dy ghra.

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Micah 6:8

T’eh er hoilshaghey dhyt O ghooinney, cre ta’n mie; as cre ta’n Chiarn shirrey jeed, agh dy yannoo dy cairal, as dy chur graih da myghin, as dy immeeaght dy imlee marish dty Yee?

Noo Ean 16:3

As ny reddyn shoh nee ad riu, er-yn-oyr nagh vel enney oc er yn Ayr, ny orrym’s.

Noo Ean 17:3

As shoh yn vea veayn, tushtey y ve oc jeed’s yn ynrycan Jee firrinagh, as jeh Yeesey Creest t’ou uss er choyrt.

Noo Ean 17:6

Ta mee er hoilshaghey dty ennym gys ny deiney hug oo dou ass y theihll: lhiat’s v’ad, as hug oo ad dooys; as t’ad er vreayll dty ghoo.

Noo Ean 8:19

Eisht dooyrt ad rish, Cre vel dty Ayr? Dreggyr Yeesey, Cha vel enney eu orrym’s, ny er my Ayr: dy beagh enney er ve eu orrym’s, veagh enney er ve eu er my Ayr myrgeddin.

Titus 1:16

T’ad goaill orroo dy vel tushtey oc dy Yee; agh ayns nyn obbraghyn t’ad gobbal eh, feohdoil as mee-viallagh, as noi dy chooilley obbyr vie er nyn greoghey.

1 Samuel 2:2

Cha vel fer erbee casherick myr y Chiarn: son cha vel Chiarn erbee elley; chamoo ta creg erbee myr y Jee ain.