Jeremiah 21:4 - Yn Vible Casherick 1775 1819

⁴ Myr shoh ta’n Chiarn Jee Israel dy ghra, Cur-my-ner, chyndaa-ym ny greinyn-caggee t’ayns ny laueyn enish, lhieu ta shiu caggey noi ree Vabylon, as noi ny Caldeanee, ta chionney shiu stiagh lesh caggey cheu-mooie nyn voallaghyn, as nee’m ad y haglym gys mean yn ard-valley shoh.

Jeremiah 21:4 ပူးပေါင်းရင်းမြစ်များ

Isaiah 10:4

Treigit liorym’s nee ad croymmey sheese nyn bryssoonee, as tuittee ad mastey ny merriu. Son ooilley as shoh cha vel e yymmoose er ny hyndaa ersooyl, agh ta e laue foast er ny heeyney magh.

Isaiah 13:4

Feiyr ymmodee ayns ny sleityn, myr jeh pobble mooar; tharmane reeriaghtyn ny ashoonyn er nyn jaglym cooidjagh: ta Chiarn ny flaunyssee musteral e heshaght-chaggee:

Isaiah 5:5

Agh nish, tar-jee; insh-ym diu cre nee’m rish my gharey-feeyney: goym ersooyl yn cleiy echey, as bee eh er ny ee seose; as brish-ym sheese yn voalley echey, as bee eh er ny stampey sheese.

Jeremiah 20:4

Son myr shoh ta’n Chiarn dy ghra, Cur-my-ner, neem’s uss y yannoo dty atchim dhyt hene, as da ooilley dty chaarjyn, as tuittee ad liorish cliwe nyn noidyn, as ver dty hooillyn my-ner eh: as livrey-ym ooilley Judah gys laue ree Vabylon, as ver eh lesh ad ayns cappeeys gys Babylon, as stroie-ee eh ad lesh y chliwe.

Jeremiah 21:3

Eisht dooyrt Jeremiah roo, Shoh myr nee shiu gra rish Zedekiah,

Jeremiah 32:24

Cur-my-ner ny tooryn-caggee: t’ad er jeet gys yn ard-valley dy ghoaill eh; as ta’n ard-valley livreït gys laue ny Caldeanee ta caggey n’oï, lesh y chliwe as y ghortey, as y phaitt: as ta dty ghoan er nyn gooilleeney; as cur-my-ner, t’ou dy akin eh.

Jeremiah 32:3

Son va Zedekiah ree Yudah er yeigh seose eh, gra, Cre’n-fa t’ou uss phadeyrys, as gra, Myr shoh ta’n Chiarn dy ghra, Cur-my-ner, ver-yms yn ard-valley shoh gys laue ree Vabylon, as nee eh goaill eh;

Jeremiah 32:5

As ver eh lesh Zedekiah gys Babylon, as bee eh ayns shen derrey yeeagh-yms er, ta’n Chiarn dy ghra: ga dy jean shiu caggey rish ny Caldeanee, cha vow shiu laue yn eaghtyr?

Jeremiah 33:5

T’ad cheet dy chaggey rish ny Caldeanee, agh she dy lhieeney ad lesh kirp deiney marroo, ta mish er choyrt gy-baase ayns my chorree, as ayns my eulys, as son ooilley yn olkys oc ta mee er hyndaa my eddin veih’n ard-valley shoh.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Jeremiah 39:3

As haink ooilley princeyn ree Vabylon stiagh, as hoie ad ayns y yiat meanagh, eer Nergal-sharezer, Samgar-nebo, Sarsechim, Rab-saris, Rab-mag, marish y chooid elley jeh ard-gheiney ree Vabylon.

Jeremiah 52:18

Ny pannaghyn neesht, as ny sleaystyn, as ny smalyderyn, as ny meillaghyn, as ny spainyn, as ooilley ny siyn prashey, son shirveish y chiamble, ghow ad ersooyl.

Dobberan 2:3

T’eh ayns e yymmoose hrome er yiarey jeh ooilley troshid Israel: t’eh er hayrn back e laue roish nyn noidyn, as losht eh noi Jacob, myr lossey dy aile, ta stroie ooilley roish.

Dobberan 2:5

Va’n Chiarn myr noid: t’eh er lhuggey seose Israel, t’eh er lhuggey seose ooilley ny plaaseyn eck: t’eh er stroie e chashtallyn lajer, as t’eh er vishaghey trimshey as dobberan er inneen Yudah.

Dobberan 2:7

Ta’n Chiarn er n’yiooldey rish e altar: t’eh er chur dwoaie da e hiamble casherick: t’eh er livrey gys laue y noid voallaghyn ny plaaseyn eck; t’ad er hroggal seose nyn goraa ayns thie’n Chiarn, myr ayns laa’n feailley casherick.

Ezekiel 39:3

As bwoaill-ym dty vhow ass dty laue chiare, as ver-ym er dty hideyn dy huittym ass dty laue yesh.

Hosea 9:12

Ga dy vel ad troggal nyn gloan, ny-yeih neem’s ad y roostey, nagh bee dooinney jeu faagit: dy jarroo smerg dauesyn myrgeddin, tra nee’m ad y hreigeil.

Zechariah 14:2

Son chaglee-ym ooilley ny ashoonee noi Jerusalem dy chaggey, as bee’n ard-valley er ny ghoaill, as bee ny thieyn er ny roostey, as bee ny mraane goit er-êgin, as hed y derrey lieh jeh’n ard-valley magh ayns cappeeys, as cha bee yn chooid elley jeh’n pobble er ny yiarey jeh veih’n ard-valley.

Noo Mian 22:7

Agh tra cheayll y ree jeh v’eh feer chorree: as hug eh magh e heshaghtyn-caggee, as stroie eh ny dunveryn shen, as losht eh yn ard-valley oc.