Jeremiah 20:9 - Yn Vible Casherick 1775 1819

⁹ Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Jeremiah 20:9 ပူးပေါင်းရင်းမြစ်များ

Psalmyn 39:3

Chum mee my hengey, as cha loayr mee veg: va mee my host, dy jarroo veih goan mie; agh va shoh pian as trimshey dou.

Jeremiah 23:29

Nagh vel my ghoo’s myr aile? ta’n Chiarn dy ghra; as myr oayrd ta brishey yn chreg ayns peeshyn?

Jeremiah 23:9

Ta my chree brisht cheu-sthie jee’m kyndagh rish ny phadeyryn foalsey; ta ooilley my chraueyn er-creau: ta mee myr dooinney er-meshtey, as myr dooinney ta feeyn er ghoaill niart er, ayns my ghraih jeean gys y Chiarn, as gys goan e chasherickys.

Jeremiah 4:19

My veeghyn, my veeghyn! ta mee guint, eer ec my chree; ta my chree jannoo feiyr cheu-sthie jee’m: cha voddym ve my host, son t’ou er chlashtyn, O my annym, sheean y trumpet, yn larm-caggee.

Jeremiah 6:11

Shen-y-fa ta mee lane jeh eulys y Chiarn; te pian dou dy lhiettal eh: deayrt-ym magh eh er y chloan dy lhean, as er co-chruinnaght ny deiney aegey; son bee eer y dooinney marish e ven goit ersooyl, eshyn t’ayns slane eash mârishyn ta lane dy laghyn.

Ezekiel 3:14

Myr shen hrog y spyrryd mee seose, as ghow eh mee ersooyl, as hie mee ayns sou-aigney, as bree my spyrryd, agh va laue yn Chiarn niartal orrym.

Ezekiel 3:3

As dooyrt eh rhym, Vac y dooinney, cur er dty chleeau goaill stiagh, as lhieen dty volg lesh y lioar shoh ta mee dy choyrt dhyt: eisht d’ee mee eh, as ve ayns my veeal myr mill son miljid.

Amos 3:8

Ta’n lion er vuirroogh, quoi nagh gow aggle? ta’n Chiarn Jee er loayrt, quoi nagh jean phadeyrys?

Jonah 1:2

Trog ort, immee gys Nineveh yn ard-valley mooar shen, as trog seose dty choraa noi eck, son ta’n mee-chraueeaght oc er jeet seose kiongoyrt rhym.

Jonah 1:3

Agh dirree Jonah seose dy roie er-chea gys Tarshish veih fenish y Chiarn, as hie eh sheese gys Joppa; as hooar eh lhong goll gys Tarshish: myr shen deeck eh yn leagh-shiaullee, as hie eh er boayrd, dy gholl mâroo gys Tarshish, veih fenish y Chiarn.

Noo Luke 9:62

As dooyrt Yeesey rish, Dooinney erbee t’er chur e laue gys y cheeaght, as ta jeeaghyn back, t’eh an-chooie son reeriaght Yee.

Jannoo 17:16

Nish choud as va Paul farkiaght ec Athens, son ad dy heet, va e chree er ny ghreinnaghey cheu-sthie jeh, tra honnick eh yn slane ard-valley lhie ayns jalloonys.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 4:20

Son cha vod shinyn agh loayrt shen ny ta shin er vakin as er chlashtyn.