Jeremiah 20:8 - Yn Vible Casherick 1775 1819

⁸ Son neayr’s loayr mee, dyllee mee, hrog mee my choraa noi tranlaase as spooilley; son dy row goo yn Chiarn ny oltooan dou, as faghid gagh-laa.

Jeremiah 20:8 ပူးပေါင်းရင်းမြစ်များ

2 Reeaghyn 2:23

As hie eh seose veih shen, gys Beth-el: as myr v’eh goll seose er y raad, haink scollagyn aegey magh ass yn ard-valley, as ren ad craid jeh, as dooyrt ad rish, Seose lhiat, chione veayl; seose lhiat, chione veayl.

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Isaiah 57:4

Quoi er ta shiu jannoo gannidys? quoi er ta shiu dy lhean fosley nyn meeal, as sheeyney magh yn chengey? nagh vel shiuish cloan dy vee-chairys, sluight dy volteyrys;

Jeremiah 15:10

Smerg dooys, my voir, dy dug oo mee son y theihll my ghooinney ry-hoi streeu as argane rish ooilley’n seihll! cha vel mee er chur magh er use, chamoo ta mee er ghoaill er use; ny-yeih ta dy chooilley unnane jeu gwee mollaght orrym.

Jeremiah 15:15

O Hiarn, t’ou uss toiggal: cooinee, as jeeagh orrym, as gow cooilleeney jeh my hranlaasee er my hon; ny gow mee ersooyl ayns dty hurranse-foddey: cooinee dy nee er dty ghraih’s ta mee er hurranse oghsan.

Jeremiah 17:27

Agh mannagh n’eaisht shiu rhym dy reayll yn doonaght casherick, as gyn laad y ymmyrkey, eer goll stiagh er giattyn Yerusalem er y doonaght; eisht neem’s aile y oaddey ayns ny giattyn eck; as nee eh plaaseyn Yerusalem y stroie, as cha bee eh er ny vooghey.

Jeremiah 20:7

O Hiarn, Ghow dty choyrle’s niart orrym, as va mee fo marranys; t’ou uss ny s’troshey na mish, as ta’n varriaght ayd: ta mee ayns faghid gagh-laa, ta dy chooilley unnane jannoo craid jee’m.

Jeremiah 28:8

Ren ny phadeyryn ta er ny ve roym’s as royd’s ’sy chenn earish phadeyrys chammah noi ymmodee cheeraghyn, as reeriaghtyn niartal, mychione caggey, as seaghyn, as cramp.

Jeremiah 5:1

Roie-jee noon as noal trooid straïdyn Yerusalem, as jeeagh-jee nish, as shir-jee ayns e ynnydyn smoo taaghit, my oddys shiu dooinney y gheddyn, my ta fer erbee ta coyrt briwnys cairagh, ta shirrey magh yn ynrickys; as neem’s leih jee.

Jeremiah 5:6

Er-y-fa shen nee lion ass y cheyll adsyn y stroie, as nee moddey-oaldey ’syn astyr ad y raipey, nee leopard freayll arrey er ny ard-valjyn oc: bee dy chooilley unnane ta goll magh assdoo er ny raipey ayns peeshyn; er-yn-oyr dy vel y drogh-yannoo oc ymmodee, as y cooyl-skyrraghtyn oc goaill niart.

Jeremiah 6:10

Quoi rish loayr-ym as ver-ym raaue, dy vod ad clashtyn? Cur-my-ner, ta’n chleaysh oc chymmyltagh, as cha vod ad clashtyn: cur-my-ner, cha vel goo yn Chiarn agh craid dauesyn; cha vel veg y taitnys oc ayn.

Jeremiah 7:9

Jean shiu geid, jannoo dunverys, as brishey poosey, as loo dy oaiagh, as lostey incense gys Baal, as geiyrt er jeeghyn elley nagh vel enney eu orroo;

Habakkuk 1:3

Cre’n-fa t’ou jeeaghyn dou mee-chairys, as gêginaghey mee dy chur-my-ner seaghyn? son ta spooilley as tranlaase kiongoyrt rhym: as ta nyn lheid ayn ta greesaghey seose streeu as boirey.

Noo Luke 11:45

Eisht dreggyr fer jeh fir-ynsee yn leigh, as dooyrt eh rish, Vainshter, liorish shen y ghra, t’ou dy oltooan shinyn myrgeddin.

Hebrewnee 11:26

Jeeaghyn er oltooan Chreest berchys smoo na tashtaghyn Egypt; son va sooill echey gys cooilleen yn leagh.

Hebrewnee 13:13

Lhig dooin er-y-fa shen goll magh huggeysyn cheu-mooie jeh’n champ, gymmyrkey yn scammylt echey.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.