Jeremiah 20:7 - Yn Vible Casherick 1775 1819

⁷ O Hiarn, Ghow dty choyrle’s niart orrym, as va mee fo marranys; t’ou uss ny s’troshey na mish, as ta’n varriaght ayd: ta mee ayns faghid gagh-laa, ta dy chooilley unnane jannoo craid jee’m.

Jeremiah 20:7 ပူးပေါင်းရင်းမြစ်များ

2 Reeaghyn 2:23

As hie eh seose veih shen, gys Beth-el: as myr v’eh goll seose er y raad, haink scollagyn aegey magh ass yn ard-valley, as ren ad craid jeh, as dooyrt ad rish, Seose lhiat, chione veayl; seose lhiat, chione veayl.

Lioar Yob 12:4

Ta mish myr fer t’ec e naboo ayns faghid, ta geamagh gys Jee, as t’eh dy reggyrt eh: ta’n dooinney slane ynrick ayns faghid eu.

Lioar Yob 30:9

As nish cha vel mee agh son ronneeaght daue, dy jarroo, ta mee son an-ghoo oc.

Psalmyn 119:51

Ta mee ec ny mooaralee feer vooar ayns faghid: ny-yeih cha vel mee er skyrraghtyn veih dty leigh.

Isaiah 8:11

Son shoh myr loayr y Chiarn rhym lesh laue niartal, as hug eh roym, gyn dy immeeaght ayns raad y phobble shoh, gra,

Jeremiah 15:10

Smerg dooys, my voir, dy dug oo mee son y theihll my ghooinney ry-hoi streeu as argane rish ooilley’n seihll! cha vel mee er chur magh er use, chamoo ta mee er ghoaill er use; ny-yeih ta dy chooilley unnane jeu gwee mollaght orrym.

Jeremiah 15:18

Cre’n-fa ta my ghuin kinjagh? as my lhott nagh vel saase ny chour? bee uss dooys er aght erbee myr molteyr, as myr ny ushtaghyn ta failleil?

Jeremiah 17:16

Er my hon’s, cha row mee ayns siyr dy ghoaill orrym currym y chaghteraght shoh; chamoo ta mee er yeearree son y laa seaghnagh, myr shione dhyt: va shen haink ass my veillyn jeeragh kiongoyrt rhyt’s.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Jeremiah 29:26

Ta’n Chiarn er n’yannoo uss dty haggyrt ayns ynnyd Yehoiada yn saggyrt, shiuish dy ve fir-oik ayns thie yn Chiarn, son dy chooilley ghooinney ta ass e cheeayll, as goaill er hene dy ve phadeyr, dy choyrt eh ayns pryssoon, as ayns ny sthockyn:

Jeremiah 38:19

As dooyrt Zedekiah yn ree rish Jeremiah, Ta aggle orrym jeh ny Hewnyn ta er duittym lesh ny Caldeanee, dy jean ad m’y livrey gys y laue oc, as dy jean ad m’y oltooan.

Dobberan 3:14

Va mee son craid da ooilley my phobble, as yn ronneeaght oc fey-ny-laa.

Ezekiel 3:14

Myr shen hrog y spyrryd mee seose, as ghow eh mee ersooyl, as hie mee ayns sou-aigney, as bree my spyrryd, agh va laue yn Chiarn niartal orrym.

Hosea 9:7

Ta laghyn yn cherraghey er jeet, ta laghyn y chooilleeney er verraghtyn orroo, yiow Israel fys er: ta’n phadeyr ny ommydan, ta’n dooinney spyrrydoil ass e cheeayll, son mooadys dty vee-chraueeaght, as y jymmoose hrome.

Jonah 4:2

As ghow eh padjer gys y Chiarn, as dooyrt eh, Guee-ym ort, O Hiarn, nagh nee shoh va my raa, choud as va mee foast ayns my heer hene? shen-y-fa chossyn mee roym [dy gholl] gys Tarshish: son va fys aym dy vel oo Jee graysoil as myghinagh, moal gys corree, as jeh kenjallys vooar, as meiygh-chreeagh ayns kerraghey.

Micah 3:8

Agh dy firrinagh ta mish ayns slane bree liorish spyrryd y Chiarn, as lesh briwnys, as lesh niart, dy hoilshaghey da Jacob e vee-chairys, as da Israel e pheccah.

Noo Luke 16:14

As cheayll ny Phariseeyn myrgeddin va sayntoilagh, ooilley ny reddyn shoh: as ren ad gannidys er.

Noo Luke 23:11

As ren Herod as e gheiney-caggee beg y hoiaghey jeh, as chraid ad mysh, as choamree ad eh lesh coamrey moyrnagh, as hug ad eh reesht gys Pilate.

Jannoo 17:18

Eisht hoie shiartanse jeh fir-ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er dy hoiaghey seose Jeeghyn noa: er-yn-oyr dy row eh preacheil daue Yeesey, as yn irree-seose-reesht.

Jannoo 17:32

As tra cheayll ad jeh irree-seose-reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

1 Corinthianee 9:6

Ny nee mish as Barnabas ny-lomarcan nagh vel ec nyn reamys dy chur nyn geird dy lhiattee?

Hebrewnee 11:36

As va feallagh elley er nyn browal lesh craid dewil, as scuitchal, dy jarroo myrgeddin lesh geulaghyn as pryssooney.