Jeremiah 20:3 - Yn Vible Casherick 1775 1819

³ As haink eh gy-kione laa-ny-vairagh, dy dug Pashur lesh Jeremiah ass ny sthockyn. Eisht dooyrt Jeremiah rish, Cha vel y Chiarn er n’enmys oo Pashur, agh Magor-missabib.

Jeremiah 20:3 ပူးပေါင်းရင်းမြစ်များ

Genesis 17:15

As dooyrt Jee rish Abraham, Er son Sarai dty ven, cha jean oo ee y enmys Sarai, agh Sarah vees yn ennym eck.

Genesis 17:5

Chamoo vees dty ennym arragh Abram, agh Abraham vees dty ennym, son ta mee er n’yannoo uss ayr ymmodee ashoonyn.

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Psalmyn 31:13

Haink mee dy ve son oltooan mastey ooilley my noidyn, agh er-lheh mastey my naboonyn: as ren adsyn jeh m’ainjys roie er-chea voym, as adsyn honnick mee er y raad, ren ad m’y haghney.

Isaiah 8:3

As haink mee er-gerrey da my ven, as ren ee gientyn, as mac y ymmyrkey. Eisht dooyrt y Chiarn rhym, Jean genmys eh Maher-shalal-hash-baz:

Jeremiah 19:2

As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 19:6

Shen-y-fa, cur-my-ner, ta ny laghyn cheet, ta’n Chiarn dy ghra, nagh bee yn ynnyd shoh ny-sodjey enmyssit Tophet, ny, Coan mac Hinnom, agh, Coan y dunverys.

Jeremiah 20:10

Son cheayll mee ymmodee dy my oltooan, lesh Magor-missabib: Cur magh yn goo, as adsyn, as ver mayd mygeayrt eh. Va ooilley my chaarjyn foalsey as sooill oc er my raaidyn, gra, Hoiggal dy jig miolagh ny raad, as dy vow mayd yn varriaght er, as slane cooilleeney nyn aigney.

Jeremiah 29:29

As lhaih Zephaniah yn saggyrt yn screeuyn shoh ayns clashtyn Yeremiah yn phadeyr.

Jeremiah 46:5

Kys te, dy vel mee fakin ad agglit as cur cooyl? ta ny treanee oc lhieggit, as er roie er y hon, gyn jeeaghyn nyn yeï: son va aggle cruin mygeayrt-y-moo, ta’n Chiarn dy ghra.

Jeremiah 6:25

Ny gow-jee magh gys y vagher, chamoo shooyl-jee er y raad; son ta cliwe y noid as aggle er dy chooilley heu.

Jeremiah 7:32

Shen-y-fa, cur-my-ner, ta ny laghyn cheet, ta’n Chiarn dy ghra, nagh bee eh ny-sodjey enmyssit Tophet, ny, Coan mac Hinnom, agh, Coan ny kirp marroo: son nee ad goanluckey ayns Tophet derrey nagh bee boayl-oanluckee faagit.

Dobberan 2:22

T’ou er my chruinnaghey mygeayrt lesh seaghyn, myr feailley casherick lesh sheshaght; myr shen ayns laa jymmoose y Chiarn cha ren fer scapail ny cosney roish: adsyn ren mee y voandyrys, as y hroggal, ta my noid er stroie.

Ezekiel 13:9

As bee my laue er ny phadeyryn ta fakin fardalys, as ta jannoo phadeyrys breagagh, cha bee ad mastey sheshaght my phobble, chamoo vees ad er nyn scrieu ayns recortyssyn thie Israel, chamoo hed ad stiagh ayns thalloo Israel, as bee fys eu dy nee mish y Chiarn Jee.

Jannoo 16:30

As hug eh lesh ad magh, as dooyrt eh, Gheiney vie, cre t’orrym dy yannoo dy chosney saualtys?