As abbyr roo, Shoh myr ta’n ree dy ghra, Cur-jee yn fer shoh ayns pryssoon, as jean-jee eh y veaghey lesh arran dy heaghyn, as lesh ushtey dy heaghyn, derrey hig-yms reesht ayns shee.
Eisht va Asa jymmoosagh rish y phadeyr, as hug eh eh ayns pryssoon; son v’eh jiarg-chorree rish, son ny dooyrt eh. As ren Asa tranlaase er shiartanse jeh’n pobble ec y traa cheddin.
Eisht haink Zedekiah mac Chenaanah er-gerrey, as woaill eh Micaiah er e lieckan, as dooyrt eh, Cre’n raad ghow Spyrryd y Chiarn voym’s, dy loayrt rhyt’s?
Tra cheayll princeyn Yudah ny reddyn shoh, eisht haink ad seose veih thie yn ree gys thie yn Chiarn, as hoie ad sheese liorish giat noa thie yn Chiarn.
Nish haink eh gy-kione, erreish da Jeremiah v’er loayrt ooilley ny va’n Chiarn er n’oardaghey da dy loayrt rish ooilley’n pobble, dy ren ny saggyrtyn, as ny phadeyryn, as ooilley’n pobble, eh y ghreimmey, gra, Bee oo son shickyrys er dty choyrt gy-baase.
Ta’n Chiarn er n’yannoo uss dty haggyrt ayns ynnyd Yehoiada yn saggyrt, shiuish dy ve fir-oik ayns thie yn Chiarn, son dy chooilley ghooinney ta ass e cheeayll, as goaill er hene dy ve phadeyr, dy choyrt eh ayns pryssoon, as ayns ny sthockyn:
Agh doardee yn ree da Jerahmeel mac Hammelech, as Seraiah mac Azriel, as Shelemiah mac Abdeel, dy ghoaill yn scrudeyr Baruch, as Jeremiah yn phadeyr: agh ren y Chiarn ad y cheiltyn.
As myr v’eh goll magh er giat Venjamin, raad va captan arreyder, e ennym Irijah, mac Shelemiah, mac Hananiah, ghow eh Jeremiah yn phadeyr, gra, T’ou uss goll er cheu ny Caldeanee.
Eisht doardee Zedekiah yn ree Jeremiah dy ve ayns cooyrt y phryssoon, as dy choyrt da gagh laa lowanse arran veih straïd y fuinneyder, derrey veagh ooilley’n arran ’syn ard-valley baarit. Myr shoh duirree Jeremiah ayns cooyrt y phryssoon.
As bee yn slane cheer er ny hyndaa gys thalloo-rea veih Geba gys Rimmon, jiass jeh Jerusalem: as bee eh ayns ard-ghoo as lane dy chummaltee: veih giat Venjamin gys ynnyd y chied yiat gys y yiat corneilagh, as voish toor Hananeel gys doaghyn-feeyney yn ree.
As da’n choyrle echeysyn hug ad geill: as tra v’ad er n’eamagh er ny ostyllyn as er smaghtaghey ad, hug ad currym orroo gyn ad dy loayrt ayns ennym Yeesey, as lhig ad y raad daue.
Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys:
Ny gow aggle roish veg jeh ny reddyn shen nee oo surranse: cur-my-ner, nee yn drogh-spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver-yms dhyt attey dy vea.