Jeremiah 2:7 - Yn Vible Casherick 1775 1819

⁷ As hug mee lhiam shiu stiagh gys cheer messoil, dy ee yn mess as y foays echey: agh tra hie shiu stiagh, ren shiu my heer neu-ghlen, as my eiraght ren shiu dwoaiagh.

Jeremiah 2:7 ပူးပေါင်းရင်းမြစ်များ

Nehemiah 9:25

As ghow ad ard-valjyn lajer, as cheer messoil, as hooar ad ayns nyn gummal thieyn lane jeh dy chooilley nhee mie, chibbraghyn cleiyt, garaghyn-feeyney as olive, as biljyn messoil ayns palchey: myr shen d’ee ad, as v’ad jeant magh, as ghow ad riurid, as hooar ad slane soylley jeh dty vieys vooar.

Nehemiah 9:26

Son shoh as ooilley v’ad mee-viallagh, as dirree ad magh dt’oï, as hilg ad dty leigh cheu nyn gooylloo, as varr ad dt’adeyryn, ren gymmyrkey feanish nyn ’oï, dy hyndaa ad hood’s, as ren ad uss dy mooar y vrasnaghey.

Isaiah 19:25

Adsyn nee Chiarn ny flaunyssee bannaghey, gra, Bannit dy row Egypt my phobble, as Assyria obbyr my laueyn, as Israel my eiraght.

Jeremiah 16:18

As hoshiaght nee’m cooilleeney dooble y ghoaill son nyn mee-chairys as nyn beccah; er-yn-oyr dy vel ad er n’yannoo my heer neu-ghlen, t’ad er lhieeney my eiraght lesh callinyn nyn reddyn feohdoil as eajee.

Jeremiah 3:1

Jir ad, My ta dooinney scarrey rish e ven, as ee dy gholl voish, as cheet dy ve ben da fer elley, jean eh reesht goaill r’ee? nagh bee’n cheer shen fo loght neu-ghlennid? agh t’ou uss er n’yannoo oainjyrys rish maarderagh ny ghaa; ny-yeih chyndaa reesht hym’s, ta’n Chiarn dy ghra.

Jeremiah 3:2

Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Jeremiah 3:9

As shen myr ve, trooid an-ghoo e maarderys, dy ren ee yn cheer neu-ghlen, as poosey y vrishey rish jallooyn cloaie as fuygh.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Jeremiah 32:30

Son cha vel cloan Israel, as cloan Yudah, er n’yannoo monney agh ynrycan olk kiongoyrt rhym veih nyn aegid: son ta cloan Israel ooilley-cooidjagh er vrasnaghey my yymmoose lesh obbyr nyn laueyn, ta’n Chiarn dy ghra.

Ezekiel 20:24

Er-yn-oyr, nagh row ad er chooilleeney my vriwnyssyn, agh er hoiaghey beg jeh my lattyssyn, as er vrishey my ghooneeyn as dy row nyn sooillyn rouail lurg jallooyn nyn ayraghyn.

Ezekiel 20:28

Son tra hug mee lhiam ad stiagh ’sy cheer, er y hon ren mee breearrey, dy chur daue eh, eisht honnick ad dy chooilley chronk ard, as ooilley ny biljyn choo, as heb ad ayns shen nyn ourallyn, as ayns shen heb ad brasnaghey nyn jebballyn: ayns shen myrgeddin hoie ad magh nyn oural-arran, as gheayrt ad magh ayns shen nyn ourallyn-feeyney.

Ezekiel 20:6

Er y laa cheddin, er hrog mee seose my laue huc, dy chur lhiam ad magh veih cheer Egypt, gys cheer va mee er chronnaghey er nyn son, taal lesh mill as bainney; ta gloyr dagh cheer:

Ezekiel 23:35

Shen-y-fa, myr shoh ta’n Chiarn Jee dy ghra, Er-yn-oyr dy vel oo er my yarrood, as er chur cooyl rhym, shen-y-fa nee oo gymmyrkey kerraghey dty neu-heeltys, as dty vaarderys.

Ezekiel 36:17

Vac y dooinney, tra va thie Israel cummal ’sy thalloo oc hene, hayrn ad loght er liorish nyn raaidyn, as liorish yn drogh-yannoo oc hene: va’n raad oc kiongoyrt rhym’s, myr neu-ghlennid ben veeoil.

Hosea 9:3

Cha jean ad cummal ayns thalloo yn Chiarn; agh nee Ephraim chyndaa reesht gys Egypt, as nee ad gee reddyn neu-ghlen ayns Assyria.

Micah 2:10

Trog-jee erriu, as gow-jee reue, son cha nee shoh yn ynnyd-vaghee eu: er-yn-oyr dy vel eh neu-ghlen, nee eh shiu y stroie lesh stroialtys seiyjagh.

Earrooyn 13:27

As hoilshee ad da, as dooyrt ad, Haink shin gys y cheer raad hug oo shin, as son shickyrys te palchey lesh bainney as mill; as shoh’n mess echey.

Deuteronomy 21:23

Cha n’aag oo e chorp fud-ny-hoie er y villey, agh nee oo, son shickyrys, eh y oanluckey yn laa cheddin (son t’eshyn t’er ny chroghey fo mollaght veih Jee) nagh bee dty heer fo loght, ta’n Chiarn dty Yee coyrt dhyt son eiraght.

Deuteronomy 32:9

Son lesh y Chiarn e phobble; ta Jacob cronney e eiraght.

Deuteronomy 6:18

As nee oo shen ta cairagh as mie ayns shilley yn Chiarn; dy vod oo ve maynrey, as dy vod oo goll stiagh, as soylley y ghoaill jeh’n cheer mie shen, vreear y Chiarn da dty ayraghyn;