Jeremiah 2:31 - Yn Vible Casherick 1775 1819

³¹ O heeloghe, gow-jee tastey jeh goo yn Chiarn: Vel mee er ve ny aasagh da Israel? cheer dy ghorraghys? Cre’n-fa ta my phobble gra, Ta shin nyn mainshtyryn hene; cha jig mayd ny-sodjey hood’s?

Jeremiah 2:31 ပူးပေါင်းရင်းမြစ်များ

1 Reeaghyn 11:22

Eisht dooyrt Pharaoh rish, Agh row laccal erbee ort mârym’s, dy vel oo shirrey goll gys dty heer hene? As dreggyr eh, Cha row laccal erbee: ny-yeih er aght erbee lhig dou goll.

2 Recortyssyn 31:10

As dreggyr Azariah ard-saggyrt thie Zadok eh, as dooyrt eh, Er-dyn traa ren y pobble toshiaght dy chur lhieu ny ourallyn stiagh ayns thie yn Chiarn, ta dy liooar er ve ain son beaghey, as nyn saie fooilliagh: son ta’n Chiarn er vannaghey e phobble; as shen ny ta faagit, yn stoyr mooar shoh.

Lioar Yob 21:14

Shen-y-fa t’ad gra rish Jee, Faag voïd shin; son cha vel shin shirrey tushtey dty raaidyn.

Psalmyn 10:4

Ta’n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

Psalmyn 12:4

Adsyn ta er ghra, Lesh nyn jengey yiow mayd barriaght: shin hene lhisagh loayrt; quoi ta ny hiarn harrin?

Raaghyn Creeney 30:9

Er-aggle dy bee’m lane as dy jarrood-ym oo, gra, Quoi ta’n Chiarn? ny, er-aggle dy bee’m boght, as geid, as goaill ennym my Yee ayns fardail.

Isaiah 45:19

Cha vel mee er loayrt dy follit, ayns corneil dorraghey jeh’n theihll: cha dooyrt mee rish sluight Yacob, Shir-jee mee ayns fardail. Mish y Chiarn ta loayrt ynrickys, ta mee soilshaghey magh reddyn cairal.

Jeremiah 2:20

Son ’sy chenn earish ren mish dty whing y vrishey, as scoltey dty gheulaghyn; as dooyrt oo, Cha jean-ym olk y yannoo arragh; ec y traa cheddin er dy chooilley chronk ard, as fo dy chooilley villey glass, v’ou rouail mygeayrt, geiyrt er maarderys.

Jeremiah 2:25

Ny lhig da dty chass ve rooisht, ny dty scoarnagh ve paagh: agh dooyrt oo, Cha vel veg y hreishteil er-mayrn: cha vel; son joarreeyn bynney lhiam, as geiyrt orroosyn nee’m goll.

Jeremiah 5:5

Hem roym gys ny deiney mooarey, as loayr-ym roosyn; son t’adsyn er hoiggal raad y Chiarn, as briwnys nyn Yee: agh t’ad shoh ooilley-cooidjagh er vrishey’n whing, as er scoltey ny greïnyn.

Jeremiah 5:6

Er-y-fa shen nee lion ass y cheyll adsyn y stroie, as nee moddey-oaldey ’syn astyr ad y raipey, nee leopard freayll arrey er ny ard-valjyn oc: bee dy chooilley unnane ta goll magh assdoo er ny raipey ayns peeshyn; er-yn-oyr dy vel y drogh-yannoo oc ymmodee, as y cooyl-skyrraghtyn oc goaill niart.

Ezekiel 14:5

Dy voddym thie Israel y ghoaill ayns nyn gree hene, er-yn-oyr dy vel ad ooilley jannoo quaagh jee’m, trooid nyn yallooyn.

Hosea 13:6

Cordail rish nyn aber, myr shen v’ad jeant magh; v’ad er nyn lhieeney, as va’n cree oc er ny yrjaghey: shen-y-fa t’ad er my yarrood.

Amos 1:1

Ashlish Amos, va mastey bochillyn Tekoa, shen honnick eh mychione Israel rish lhing Uzziah ree Yudah, as rish lhing Yeroboam, mac Yoash ree Israel, daa vleïn roish yn craa-thallooin.

Micah 6:9

Ta coraa yn Chiarn geamagh gys yn ard-valley, as ver y dooinney tushtagh geill da dty ennym: gow-jee tastey jeh’n clatt, as jehsyn ren goardrail eh.

1 Corinthianee 4:8

Nish ta shiu jeant magh, nish ta shiu berchagh, ta shiu er reill myr reeaghyn nyn vegooish: as dy baillish Jee dy jinnagh shiu reill, dy voddagh shinyn reill myrgeddin mêriu.

Deuteronomy 31:20

Son erreish dou v’er choyrt lhiam ad gys y cheer, vreear mee da nyn ayraghyn, ta palchey ayns bainney as mill; as erreish daue v’er n’ee as er n’yannoo ad hene magh, as er n’aase rouanagh; eisht nee ad chyndaa gys jeeghyn elley, as shirveish ad, as brasnaghey mish, as brishey my chonaant.

Deuteronomy 32:15

Agh daase Jeshurun roauyr, as ren eh brebbal: t’ou uss er n’aase roauyr, as t’ou er n’ghoaill thummyd, t’ou coodit lesh saill; eisht hreig eh Jee ren eh y chroo, as hoie eh beg jeh creg e haualtys.

Deuteronomy 32:18

Er y Chiarn ren dty gheddyn, cha vel oo er chooinaghtyn, as y Jee ren dty chroo t’ou er yarrood.