Jeremiah 2:3 - Yn Vible Casherick 1775 1819

³ Va Israel casherickys gys y Chiarn, as yn chied-vess jeh e vishaghey: adsyn ooilley ta dy stroie eh, bee ad foiljagh; hig olk orroo shen, ta’n Chiarn dy ghra.

Jeremiah 2:3 ပူးပေါင်းရင်းမြစ်များ

Exodus 22:29

Cha lhig oo shaghey dy hebbal yn chied-vess jeh dty arroo creen, as y chied-lhiggey jeh dty ghoagh-feeyney: yn er shinney jeh dty vec ver oo dooys.

Exodus 23:16

As feailley ny fouyr, yn chied-vess jeh dty laboraght, t’ou er chuirr ’sy vagher: as feailley yn chur-stiagh, ta jerrey ny bleeaney, tra t’ou er choyrt stiagh dty hroar ass y vagher.

Isaiah 41:11

Cur-my-ner, bee nearey as atchim orroosyn ooilley ta ayns noidys rhyt: bee ad gyn veg; as nee adsyn ta streeu rhyt cherraghtyn.

Isaiah 47:6

Va mee jymmoosagh rish my phobble; ta mee er n’yannoo my eiraght feohdoil, as er livrey ad gys dty laue: cha ren oo myghin y hoilshaghey daue; er y chenndeeaght t’ou dy feer trome er lhie yn whing.

Jeremiah 12:14

Shoh myr ta’n Chiarn dy ghra noi ooilley my ghrogh naboonyn, ta jannoo assee er yn eiraght hug mee da my phobble Israel; Cur-my-ner, nee’m ad y astyrt ass y cheer, as livrey-ym thie Yudah veih ny mast’ oc.

Jeremiah 2:4

Clasht-jee goo’n Chiarn, O shiuish hie Yacob, as ooilley kynneeyn thie Israel:

Jeremiah 30:16

Shen-y-fa bee adsyn ooilley ta son coyrt oo naardey, ad-hene currit naardey; as hed ooilley dty noidyn gyn cappeeys; as bee adsyn ta dy dty spooilley son spooilley ad-hene; adsyn ooilley ta dty chraghey ver-ym seose gys y chragh.

Jeremiah 50:7

Quoi-erbee hooar ad, ren stroie ad: as dooyrt nyn noidyn, Cha vel shin ayns foill, son dy vel adsyn er n’yannoo peccah noi’n Chiarn, fendeilagh yn chairys; eer yn Chiarn, treishteil nyn ayraghyn.

Joel 1:3

Insh-jee shoh da nyn gloan, as lhig da yn chloan euish shen y insh da’n chloan ocsyn, as yn chloan ocsyn da yn nah heeloghe.

Amos 6:1

Smerg dauesyn t’ec aash ayns Zion, as coyrt nyn marrant er slieau Samaria, ta enmyssit ny ard-ashoonyn, hucsyn haink thie Israel.

Habakkuk 1:11

Eisht bee e chree er ny chaghlaa, as hed eh magh fo kerraghey, son lhiasaghey shoh e phooar gys e yee.

Zechariah 1:15

As ta mee erskyn-towse jymmoosagh rish ny ashoonee ta ec nyn aash: son ga dy row my chorree eddrym, hug adsyn my heaghyn er y hoshiaght.

Zechariah 2:8

Son myr shoh ta Chiarn ny flaunyssee dy ghra, Ta Jee ny ghloyr er my choyrt noi ny ashoonee ren shiuish y spooilley, son eshyn vennys riuish, t’eh bentyn rish clagh y thooill echeysyn.

Earrooyn 18:12

Ooilley’n chooid share jeh’n ooil, as ooilley’n chooid share jeh’n feeyn, as jeh’n churnaght, ny chied-vessyn jeu, nee ad chebbal gys y Chiarn, ad shen ta mee er choyrt dhyt.

Romanee 11:16

Nish my ta’n chied-vess casherick, ta’n slane myrgeddin casherick: as my ta’n fraue casherick, myr shen ta ny banglaneyn.

Romanee 16:5

Bannee-jee myrgeddin ny Creesteenyn t’ayns y thie oc. Bannee-jee my charrey graihagh Epenetus, yn chied-vess dy Chreest ayns Achaia.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Deuteronomy 14:2

Son pobble casherick oo gys y Chiarn dty Yee, as ta’n Chiarn er ghoaill oo son pobble reiht da hene, erskyn dy chooilley ashoon t’er y thalloo.

Deuteronomy 26:19

As dy hoiaghey oo seose, erskyn ooilley ny ashoonyn t’eh er chroo, ayns moylley, as ayns ennym, as ayns ooashley, dy vod oo ve ny phobble casherick da’n Chiarn dty Yee, myr t’eh er loayrt.

Deuteronomy 7:6

Son pobble casherick shiuish gys y Chiarn nyn Yee: ta’n Chiarn nyn Yee er reih shiu dy ve ny phobble er-lheh da hene, erskyn dy chooilley ashoon t’er feaï-ny-cruinney.

Jamys 1:18

Jeh e aigney hene ren eh shinyn y gheddyn, liorish goo ny firrinys, dy voddagh shin ve myr ny chied-vessyn jeh e chretooryn.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr v’ad ny chied messyn da Jee as da’n Eayn.