Jeremiah 2:26 - Yn Vible Casherick 1775 1819

²⁶ Myr ta nearey er y vaarliagh tra t’eh goit, myr shen ta nearey er thie Israel; orroo hene, nyn reeaghyn, nyn brinceyn, as nyn saggyrtyn, as nyn adeyryn,

Jeremiah 2:26 ပူးပေါင်းရင်းမြစ်များ

Ezra 9:7

Er-dy laghyn nyn ayraghyn, ta shin er ve fo loght trome, gys y laa t’ayn jiu; as son y drogh-yannoo ain, ta shin hene, ny reeaghyn, as ny saggyrtyn ain er ve livreit gys laue reeaghyn ny ashoonyn, gys y chliwe, gys cappeeys, gys spooilley, gys nearey eddin, myr te yn laa jiu.

Psalmyn 97:7

Bee adsyn ooilley er nyn goyrt gys nearey ta cur ooashley da jallooyn grainnit, as ta goaill taitnys ayns Jeeghyn fardalagh: cur-jee ooashley dasyn, ooilley shiuish Yeeghyn.

Isaiah 1:29

Son gowee ad nearey jeh ny biljyn-darragh, t’ad er yeearree, as bee shiuish seaghnit son ny garaghyn ta shiu er reih.

Isaiah 44:11

Cur-my-ner, bee nearey orroosyn ooilley ta taaghey huggey; as y nearey smoo ooilley er ny obbreeyn ren eh: lhig daue ooilley cheet dy cheilley, as shassoo seose ass e lieh; ny-yeih bee aggle as nearey orroo lesh y cheilley.

Isaiah 44:9

T’adsyn ooilley fardail ta jannoo jalloo grainnit; as cha bee couyr ny cooney ayns ny reddyn eunyssagh oc; as t’adsyn ad-hene nyn veanishyn gys y nearey oc hene, nagh vel ad fakin ny toiggal.

Jeremiah 2:36

Cre’n-fa t’ou goaill wheesh dy rouail ort dy chaghlaa dty raad? bee nearey ort myrgeddin son Egypt, myr va nearey ort son Assyria.

Jeremiah 22:22

Nee’n gheay sheebey ersooyl ooilley dty vochillyn, as hed dty chaarjyn graihagh roue ayns cappeeys: shickyr eisht bee oo coodit lesh nearey as atchim son ooilley dty vee-chraueeaght.

Jeremiah 32:32

Kyndagh rish ooilley yn drogh-yannoo ta cloan Israel as cloan Yudah er chur-rish dy my vrasnaghey gys corree, ad-hene, nyn reeaghyn, nyn brinceyn, nyn saggyrtyn, as ny phadeyryn oc, marish deiney Yudah, as fir-vaghee Yerusalem.

Jeremiah 4:9

As hig eh gy-kione er y laa shen, ta’n Chiarn dy ghra, dy jean cree yn ree failleil, as cree ny princeyn; as bee atchim er ny saggyrtyn, as nee ny phadeyryn goaill yindys.

Jeremiah 48:27

Son nagh row Israel hene son faghid dhyt? row eh ry-gheddyn mastey maarlee? son neayr’s loayr oo jeh, t’ou lheim son boggey.

Ezekiel 16:54

Dy vod oo dty nearey hene y ymmyrkey, as atchim’ ve ort son ooilley ny t’ou er n’yannoo, ayns dy vel oo son leshtal daue.

Ezekiel 22:26

Ta ny saggyrtyn eck er vrishey my leigh, as my reddyn casherick t’ad er vee-ooashlaghey: cha vel ad er n’yannoo soiaghey erbee eddyr casherick as neu-chasherick, chamoo ta scansh oc eddyr glen as neu-ghlen, as t’ad er n’ollaghey nyn sooillyn veih my ghooneeyn, as ta mee er my oltooaney by-chyndagh roo.

Zechariah 5:4

Ver-ym lhiam magh eh, ta Chiarn ny flaunyssee dy ghra, as hed eh stiagh ayns thie yn vaarliagh, as ayns y thie echeysyn ta loo dy foalsey liorish my ennym’s: as nee eh tannaghtyn ayns mean e hie, as ver eh naardey eh, marish y fuygh echey, as ny claghyn echey.

Romanee 6:21

Cre’n mess v’eu eisht ayns ny reddyn shen jeu ta shiu nish goaill nearey? son ta jerrey ny reddyn shen baase.