Jeremiah 2:24 - Yn Vible Casherick 1775 1819

²⁴ Assyl feïe ayns oayll yn aasagh, ta dy rouanagh stronnal seose yn gheay; tra t’ee er-aaghree quoi oddys ee y lhiettal? nee adsyn ooilley ta geiyrt urree coayl nyn obbyr; tra t’ee trome sharree yiow ad magh ee.

Jeremiah 2:24 ပူးပေါင်းရင်းမြစ်များ

Lioar Yob 11:12

Son baillish dooinney donney ve coontit creeney, ga dy vel eh er ny ruggey myr lhiy yn assyl fadane.

Lioar Yob 39:2

Vod uss goardrail ny meeaghyn t’ad goll; as nee foyd’s ta’n traa daue dy ymmyrkey nyn ingan?

Jeremiah 14:6

As hass ny assylyn feïe er ny sleityn, ren ad yn gheay y stronnal myr dragonyn; daase ny sooillyn oc moal, er-y-fa nagh row faiyr ry-gheddyn.

Jeremiah 2:27

Gra rish bun billey, She uss my ayr; as rish clagh, T’ou uss er my ymmyrkey: son t’ad er hyndaa nyn gooyl rhym’s, as cha nee nyn eddin; agh ayns earish nyn seaghyn jir ad, Trog seose, as saue shin.

Ezekiel 16:33

T’ad cur faill da streebeeyn elley, agh t’ou uss stowal dty yiootyn da ooilley dty ghimmanyn, as failley ad dy heet hood veih dy chooilley ard, son dty vaarderys.

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Hosea 8:9

Son dy vel ad er n’gholl seose gys Assyria, assyl oaldey er hene: ta Ephraim er vailley caarjyn.