Jeremiah 2:23 - Yn Vible Casherick 1775 1819

²³ Kys oddys oo gra, Cha vel mee neu-ghlen, cha vel mee er n’eiyrt er Baalim? Jeeagh reesht gys dty raad ’sy choan, cooinee er shen t’ou er n’yannoo: t’ou myr dromedaree bieau joltagh er y raad;

Jeremiah 2:23 ပူးပေါင်းရင်းမြစ်များ

Esther 8:16

Va ec ny Hewnyn, soilshey, as gennallys, as boggey, as ooashley.

Psalmyn 36:2

Son t’eh brynneraght rish hene ayns e hilley hene: derrey vees e pheccah eajee er ny gheddyn magh.

Psalmyn 50:21

Ny reddyn shoh t’ou er n’yannoo, as chum mish my hengey; as heill oo dy olkyssagh dy row mish eer dty lheid hene: agh ver-yms oghsan dhyt, as soie-ym kiongoyrt rhyt ny reddyn t’ou er n’yannoo.

Raaghyn Creeney 28:13

Eh ta coodaghey e pheccaghyn cha jean eh bishaghey: agh quoi-erbee ghoys roo, as treigys ad, yiow eh myghin.

Raaghyn Creeney 30:12

Ta sheeloghe ayn, ta glen ayns ny sooillyn oc hene, as foast cha vel ad nieet veih nyn mroïd.

Raaghyn Creeney 30:20

Lheid cheddin ta aght y streebagh; t’ee gee, as glenney e beeal, gra, Cha vel mee er n’yannoo olk erbee.

Jeremiah 14:10

Myr shoh ta’n Chiarn dy ghra rish y pobble shoh, Shoh myr bynney lhieu dy rouail mygeayrt, cha gow ny cassyn oc fea; shen-y-fa cha vel y Chiarn goaill roo: nee eh nish cooinaghtyn er y vee-chairys oc, as smaghtaghey nyn beccaghyn.

Jeremiah 16:10

As hig eh gy-kione, tra vees oo er hoilshaghey ooilley ny goan shoh da’n pobble shoh, as dy jir ad rhyt, Cre’n-fa ta’n Chiarn er n’ockley magh ooilley yn olk vooar shoh nyn ’oï? ny cre ta nyn loght? ny cre’n peccah ta shin er n’yannoo noi’n Chiarn nyn Yee?

Jeremiah 2:36

Cre’n-fa t’ou goaill wheesh dy rouail ort dy chaghlaa dty raad? bee nearey ort myrgeddin son Egypt, myr va nearey ort son Assyria.

Jeremiah 3:2

Trog seose dty hooillyn gys ny ard-ynnydyn, as fow magh yn boayl raad nagh vel oo er n’yannoo maarderys: er ny raaidyn t’ou er hoie er nyn son, myr yn Arabian lhie cooyl-chlea ’syn aasagh; as t’ou er choyrt y cheer fo broïd lesh dty vaarderys, as dty vee-chraueeaght.

Jeremiah 31:22

Caïd hed oo er-shaghryn, O uss inneen vee-viallagh? son ta’n Chiarn er chroo red noa er y thalloo, Nee ben [j’ee hene] dooinney y yientyn.

Jeremiah 7:31

As t’ad er hroggal altaryn ayns Tophet, ta ayns coan mac Hinnom, dy lostey ny mec as ny inneenyn oc ’syn aile; red nagh doardee mee daue, chamoo haink y lheid ayns my chree.

Jeremiah 9:14

Agh t’ad er n’eiyrt er smooinaghtyn nyn greeaghyn hene, as er Baalim, myr dynsee nyn ayraghyn daue:

Hosea 1:2

Toshiaght goo yn Chiarn liorish Hosea: as dooyrt y Chiarn rish Hosea, Immee, as gow hood ben vaarderagh, as cloan oainjyragh: son ta’n cheer er ve foiljagh jeh maarderys vooar, coyrt cooyl da’n Chiarn.

Noo Luke 10:29

Agh v’eshyn booiagh eh-hene y heyrey, as dooyrt eh rish Yeesey, As quoi my naboo?

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.