Jeremiah 2:22 - Yn Vible Casherick 1775 1819

²² Son ga dy jean oo niee oo hene lesh y nitre, as goaill mooarane sheeabyn dy dty ghlenney, foast ta dty vee-chraueeaght er ny chronnaghey kiongoyrt rhym’s, ta’n Chiarn Jee dy ghra.

Jeremiah 2:22 ပူးပေါင်းရင်းမြစ်များ

2 Samuel 11:12

As dooyrt David rish Uriah, Fuirree ayns shoh jiu neesht, as mairagh lhig-yms y raad dhyt. Myr shoh duirree Uriah ayns Jerusalem, yn laa shen as laa-ny-vairagh.

Lioar Yob 14:17

Ta my ghrogh-yannoo sealit seose dy shickyr, as my vee-chairys t’ou dy scrieu ayns dty lioar.

Psalmyn 130:3

My vees uss, Hiarn, gyere dy ghoaill tastey jeh nyn shaghrynys: O Hiarn, quoi oddys shassoo fo?

Psalmyn 90:8

T’ou er hoiaghey nyn ghrogh-yannoo kiongoyrt rhyt: as nyn beccaghyn follit ayns soilshey dt’eddin.

Jeremiah 16:17

Son ta my hooillyn er ooilley nyn raaidyn; cha vel ad follit veih my eddin, chamoo ta’n vee-chairys oc er ny cheiltyn veih my hooillyn.

Jeremiah 17:1

Ta peccah Yudah scruit lesh pen yiarn, as lesh baare diamond; te grainnit er glaare nyn gree, as er eairkyn nyn altaryn;

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Ezekiel 24:6

Shen-y-fa myr shoh ta’n Chiarn Jee dy ghra, Smerg da’n ard-valley folley, da’n phot, ta’n veeaylys echey ayn, as nagh vel y veeaylys echey er n’gholl magh ass, cur-jee lhieu magh eh, peesh as peesh, ny lhig da cronney erbee tuittym er.

Hosea 13:12

Ta mee-chairys Ephraim tashtit seose: ta e pheccah currit dy lhiattee.

Amos 8:7

Ta’n Chiarn er vreearrey liorish ooashley Yacob, Son shickyrys cha jarrood-ym dy bragh veg jeh ny obbraghyn oc.

Deuteronomy 32:34

Nagh vel shoh tashtit seose aym ayns stoyr, as sealit seose mastey my hashtaghyn?