Jeremiah 2:21 - Yn Vible Casherick 1775 1819

²¹ Ga dy row mee er hoiaghey oo dty villey-feeyney ooasle, jeh keint slane dooie: kys te eisht dy vel oo ceaghlit gys billey-feeyney neu-ghooghyssagh dooys?

Jeremiah 2:21 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Genesis 32:28

As dooyrt eh, Cha bee dty ennym ny sodjey Jacob, agh Israel: son myr prince ta pooar ayd marish Jee, as marish deiney, as t’ou er gheddyn y varriaght.

Psalmyn 105:6

O shiuish sluight Abraham e harvaant: shiuish chloan Yacob t’eh er reih.

Psalmyn 44:2

Kys t’ou er eiyrt magh ny ashoonyn-quaagh lesh dty laue, as er hoiaghey adsyn stiagh ’syn ynnyd oc: kys t’ou er stroie ny ashoonyn, as er n’eebyrt ad ersooyl.

Psalmyn 80:8

T’ou er choyrt lhiat billey-feeyney magh ass Egypt: t’ou er n’eiyrt magh ny ashoonyn-quaagh, as er hoiaghey eh.

Psalmyn 80:9

Ren oo ynnyd da: as tra ve er ghoaill fraue, lhieen eh yn cheer.

Exodus 15:17

Ver oo lhiat stiagh ad, as nee oo ad y hoiaghey er slieau dty eiraght, ’syn ynnyd, O Hiarn, t’ou er chiarail son dty chummal hene; ’syn ynnyd casherick, O Hiarn, ta dty laueyn er hickyraghey.

Isaiah 1:21

Kys ta’n ard-valley ynrick er jyndaa ny maarderagh! v’ee lane dy vriwnys; boallagh cairys cummal aynjee; agh nish dunveryn.

Isaiah 27:2

’Sy laa shen gow-jee arrane mychione eck, Garey-feeyney dy feeyn jiarg.

Isaiah 41:8

Agh t’ou uss Israel, my harvaant, Jacob ta mee er reih, sluight Abraham my charrey.

Isaiah 5:4

Cre smoo oddagh ve jeant son my gharey-feeyney, nagh vel mish er n’yannoo ayn? cre’n-fa eisht, tra yeeagh mee dy n’ymmyrkagh eh berrishyn-feeyney, dy dymmyrk eh berrishyn-feeyney feïe?

Isaiah 60:21

Bee dty phobble myrgeddin ooilley ynrick: bee yn cheer oc son eiraght beayn, banglane my hoiaghey, my obbyr-lauee hene, dy voddym’s v’er my ghloyraghey.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Jeremiah 11:16

Ren y Chiarn uss y enmys, Billey-olive glass, aalin, as lesh mess menoyr; lesh feiyr anveagh t’eh er voaddey aile er, as ta ny banglaneyn eck er ny vrishey.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 5:10

Seose-jee er ny voallaghyn eck, as stroie-jee ad; agh ny jean-jee slane jerrey orroo: gow-jee ersooyl ny tooryn eck; son cha nee lesh y Chiarn ad.

Dobberan 4:1

Kys ta’n airh er jeet dy ve dorraghey! kys ta’n airh s’glenney er ny chaghlaa! ta claghyn yn ynnyd casherick ceaut magh ayns kione dy chooilley straïd.

Ezekiel 15:2

Vac y dooinney, cre-woad share ta’n billey-feeyney na billey erbee elley, na banglane mastey biljyn ny keylley?

Noo Mian 21:33

Eaisht-jee rish coraa-dorraghey elley: Va fer-thie dy row ren garey-feeyney y hoiaghey, as ren eh cleigh y yannoo mysh, as chleiy eh press-feeyney ayn, as hrog eh toor, as hoie eh eh rish tannys, as hie eh gys cheer foddey.

Noo Mark 12:1

As ren eh toshiaght dy loayrt roo liorish coraaghyn-dorraghey. Va dooinney dy row ren garey-feeyney y hoiaghey, as ren eh cleigh mygeayrt-y-mysh, as chleiy eh ynnyd son y press-feeyney, as hrog eh toor, as hoie eh eh rish eirinnee, as hie eh gys cheer foddey.

Noo Luke 20:9

Eisht hie eh er e hoshiaght dy loayrt rish y pobble yn coraa-dorraghey shoh: Va dooinney dy row ren garey-feeyney y hoiaghey, as hoie eh eh rish eirinnee, as hie eh gys cheer foddey son choud shen dy hraa.

Noo Ean 15:1

Mish y billey-feeyney firrinagh, as my Ayr yn eirinnagh.

Deuteronomy 32:32

Son ta’n billey-feeyney ocsyn ny smessey na billey-feeyney Sodom, as magheryn Ghomorrah: ta ny smeyr-feeyney oc gall, ta ny dossanyn oc sharroo.

Deuteronomy 4:37

As son dy bynney lesh dty ayraghyn, er-y-fa shen ren eh reih nyn sluight nyn yeï, as hug eh lesh oo fo e reill hene, lesh pooar niartal, magh ass Egypt:

Joshua 24:31

As ren Israel shirveish y Chiarn rish slane lhing Yoshua, as lhing y chanstyr va bio lurg Joshua, as v’er vakin ooilley ny obbraghyn va’n Chiarn er n’yannoo son Israel.