Jeremiah 2:2 - Yn Vible Casherick 1775 1819

² Immee, cur eam ayns cleayshyn Yerusalem, gra, Myr shoh ta’n Chiarn dy ghra, Ta cooinaghtyn aym’s ort’s, er kenjallys dty aegid, er dty ghraih tra v’ou nasht rhym, tra deiyr oo orrym ’syn aasagh, ayns cheer nagh row rieau fo.

Jeremiah 2:2 ပူးပေါင်းရင်းမြစ်များ

Psalmyn 129:1

Shimmey keayrt t’ad er chaggey m’oï veih my aegid: foddee Israel nish gra;

Exodus 14:31

As honnick Israel yn obbyr vooar shen ren y Chiarn er ny Egyptianee: as ghow’n pobble aggle roish y Chiarn, as chred ad y Chiarn, as e harvaant Moses.

Exodus 16:8

As dooyrt Moses, Shoh myr vees eh, tra ver y Chiarn diuish ec yn astyr feill dy ee, as ayns y voghrey nyn saie arran; son dy vel y Chiarn clashtyn y plaiynt ta shiu jannoo n’oï? as cre ta shinyn? cha nee noi ainyn ta’n plaiynt eu; agh noi’n Chiarn.

Raaghyn Creeney 1:20

Ta creenaght geamagh cheu-mooie, t’ee troggal seose e coraa ayns ny straidyn.

Arrane Solomon 3:11

Immee-jee magh, O shiuish inneenyn Zion, as cur-jee my-ner, yn ree Solomon, ceau yn chrown ren e voir giootal da er laa e phoosey, eer laa gennallys e chree.

Arrane Solomon 3:6

Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Isaiah 58:1

Yllee dy ard, ny lhig sheese dty ghoo; trog seose dty choraa myr trumpet, as soilshee da my phobble nyn ghrogh-yannoo, as da thie Yacob nyn beccaghyn.

Jeremiah 11:6

Eisht dooyrt y Chiarn rhym, Jean ooilley ny goan shoh y ockley magh ayns ard-valjyn Yudah, as ayns straïdyn Yerusalem, gra, Clasht-jee goan y chonaant shoh, as jean-jee ad y chooilleeney.

Jeremiah 19:2

As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 2:1

Ny-sodjey haink goo yn Chiarn hym, gra,

Jeremiah 2:6

Chamoo t’ad er ghra, Cre vel y Chiarn hug lesh shin seose ass cheer Egypt, ren leeideil shin trooid yn aasagh; trooid cheer reeastaneagh, as ooiganagh; trooid cheer fowan-loshtee, as scadoo yn vaaish; cheer nagh jagh dooinney rieau ny hrooid, as raad nagh row dooinney erbee cummal?

Jeremiah 3:4

Nagh jean oo maghey shoh gaccan hym, gra, M’ayr, she uss leeideilagh my aegid?

Jeremiah 7:2

Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Ezekiel 16:22

As ayns ooilley dty olkys as dty vaarderys cha vel oo er chooinaghtyn er laghyn dty aegid, tra v’ou rooisht, as meayl, as sollit ayns dty uill hene.

Ezekiel 16:60

Ny-yeih, neem’s cooinaghtyn er my chonaant rhyt’s ayns laghyn dty aegid, as neem’s conaant dy bragh farraghtyn y hickyraghey rhyt.

Ezekiel 16:8

Nish tra hie mee shaghyd, as tra yeeagh mee ort, cur-my-ner v’ou ec eash lowal-poosee, as ren mee dty phoosey, as choodee mee dty nearey, dy feer, hug mee dhyt my vreearrey, as ren mee conaant rhyt, ta’n Chiarn Jee dy ghra, as haink oo dy ve lhiam pene.

Ezekiel 23:19

Ny-yeih, hie ee er e toshiaght ayns maarderys, ayns tayrn gys cooinaghtyn laghyn e aegid, tra ren ee maarderys ayns cheer Egypt.

Ezekiel 23:3

As deiyr ad er streebeeys ayns Egypt, hug ad rish maarderys ayns nyn aegid, ayns shen va nyn geeaghyn er ny hionney, as shen y raad va sheeintyn nyn moidynys er nyn mroo.

Ezekiel 23:8

Chamoo daag ee jeh yn vaarderys dynsee ee ayns Egypt: son ayns e aegid lhie ad mâree, as vroo ad keeaghyn e moidynys, as ren ad maarderys cadjin r’ee.

Hosea 11:1

Tra va Israel ny lhiannoo, eisht bynney lhiam eh, as deïe mee er my vac ass Egypt.

Hosea 2:15

As veih shen ver-ym jee e garaghyn-feeyney, as glione Achor son dorrys dy hreishteil, as nee ee arrane y ghoaill ayns shen, myr ayns laghyn e aegid, as myr ayns y laa haink ee seose ass thalloo Egypt.

Hosea 2:17

Son goym ersooyl enmyn Vaalim ass e beeal, as cha bee imraa sodjey jeu lurg ny enmyn shen.

Hosea 2:7

As hed ee geiyrt er e gimmanyn, agh cha berr ee orroo; nee ee shirrey nyn yeï, agh cha vow ee magh ad: eisht jir ee, Hem roym dy valley gys my chied heshey, son va mee ny s’maynrey mârishyn, na ta mee nish.

Hosea 8:1

CUR y trumpet gys dty veeal; hig eh myr urley noi thie yn Chiarn, er-yn-oyr dy vel ad er vrishey my chonaant, as er hoiaghey beg jeh my leigh.

Hosea 9:10

Hooar mee Israel myr messyn-feeyney ayns yn aasagh: va nyn ayraghyn dooys myr mess toshee yn villey-figgagh ’sy chied imbagh: agh hie ad gys Baal-peor, as ren ad scarrey ad-hene gys y red naareydagh shen; as haink ad dy ve eajee, myr ny reddyn deiyr ad orroo.

Jonah 1:2

Trog ort, immee gys Nineveh yn ard-valley mooar shen, as trog seose dty choraa noi eck, son ta’n mee-chraueeaght oc er jeet seose kiongoyrt rhym.

Noo Mian 11:15

Eshyn ta cleayshyn echey dy chlashtyn, lhig da clashtyn.

Noo Luke 12:13

As dooyrt fer jeh’n cheshaght rish, Vainshter, loayr rish my vraar eh dy rheynn yn eiraght rhym?

Deuteronomy 2:7

Son ta’n Chiarn dty Yee er dty vannaghey, ayns ooilley obbraghyn dty laue: shione da dty immeeaght trooid yn aasagh mooar shoh: rish da-eed bleïn nish, ta’n Chiarn dty Yee er ve mayrt, cha r’ou feme nhee erbee.

Deuteronomy 33:3

V’eh graihagh er e phobble; ta ooilley e nooghyn ayns dty laue: as hoie ad sheese ec dty chassyn; nee ad ooilley goaill-rish dty ghoan.

Deuteronomy 8:2

As nee oo cooinaghtyn er ooilley’n raad ren y Chiarn dty Yee dty leeideil, rish y da-eed bleïn shoh ’syn aasagh, dy dty injillaghey, as dy dty phrowal, dy hoilshaghey cre v’ayns dty chree, bailt’s e annaghyn y reayll, mannagh bailt.

Jamys 4:4

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da’n seihll, t’eh noid Yee.

Ashlish 2:4

Ny-yeih ta red ennagh aym dt’oï, er-yn-oyr dy vel oo er hreigeil dty chied ghraih.