Jeremiah 2:18 - Yn Vible Casherick 1775 1819

¹⁸ As nish, cre t’ayd’s dy yannoo rish raad Egypt, dy iu ushtaghyn Sihor? ny cre t’ayd’s dy yannoo rish raad Assyria, dy iu ushtaghyn yn awin?

Jeremiah 2:18 ပူးပေါင်းရင်းမြစ်များ

2 Recortyssyn 28:16

Ec y traa shen hug ree Ahaz fys gys ree Assyria dy chooney lesh.

Isaiah 23:3

As liorish ny ushtaghyn mooarey ta rass Sihor, fouyr yn awin, yn cheet-stiagh eck; as t’eeish ard-vargey ny ashoonyn.

Isaiah 31:1

Smerg dauesyn ta goll sheese gys Egypt son cooney, as coyrt nyn marrant er cabbil, as treishteil ayns fainee, er-yn-oyr dy vel ad ymmodee; as ayns markee, son dy vel ad feer lajer! agh cha vel ad jeeaghyn gys Jee casherick Israel, chamoo t’ad shirrey yn Chiarn.

Isaiah 7:20

Ayns y laa cheddin nee yn Chiarn baarey folt y ching as fynney ny cassyn, lesh razor failt, ta shen dy ghra, liorish ree Assyria, ta er cheu elley jeh’n awin, as nee eh myrgeddin giarey jeh yn aasaag.

Jeremiah 2:36

Cre’n-fa t’ou goaill wheesh dy rouail ort dy chaghlaa dty raad? bee nearey ort myrgeddin son Egypt, myr va nearey ort son Assyria.

Jeremiah 31:22

Caïd hed oo er-shaghryn, O uss inneen vee-viallagh? son ta’n Chiarn er chroo red noa er y thalloo, Nee ben [j’ee hene] dooinney y yientyn.

Dobberan 4:17

Er y hon ainyn, ta nyn sooillyn er vailleil trooid treishteil fardalagh nyn gooney: ayns nyn arrey yeeagh shin son ashoon, nagh voddagh sauail shin.

Dobberan 5:6

Ta shin er heeyney magh nyn laue gys ny Egyptianee, as gys ny Assyrianee, son greme dy arran.

Ezekiel 16:28

T’ou er n’yannoo maarderys myrgeddin rish ny Assyrianee, er-yn-oyr dy r’ou jollyssagh; t’ou er n’yannoo maarderys roo, as ny-yeih cha voddagh oo ve jeant magh.

Ezekiel 17:15

Agh dirree eh magh n’oï, ayns cur e haghteryn reeoil gys Egypt, son cabbil, as niart sleih: jean eh bishaghey, vod aïgh mie ve leshyn ta jannoo lheid shoh? as bee eshyn er ny livrey ta brishey yn conaant?

Ezekiel 23:30

As neem’s ny reddyn shoh y yannoo rhyt, er-yn-oyr dy vel oo er n’eiyrt er maarderys rish ny ashoonee, er-yn-oyr dy vel oo jeant dwoaiagh lesh nyn yallooyn.

Hosea 5:13

Tra honnick Ephraim e hingys, as Judah e lhott, eisht hie Ephraim gys yn Assyrian, as hug eh fys gys ree Jareb: ny-yeih cha row eh son shiu y lheihys, ny nyn lhott y laanaghey.

Hosea 7:11

Ta Ephraim myrgeddin myr calmane ôney gyn cree; t’ad shirrey cooney veih Egypt, t’ad goll gys Assyria.

Joshua 13:3

Veih Sihor, ta liorish Egypt, choud’s ardjyn Ekron my-hwoaie, ta lesh ny Canaaniteyn: queig chiarnyn jeh ny Philistinee; ny Gazathiteyn, as ny Ashdothiteyn, ny Eshkaloniteyn, ny Gittiteyn, as ny Ekroniteyn; myrgeddin ny Aviteyn: