Jeremiah 2:13 - Yn Vible Casherick 1775 1819

¹³ Son ta my phobble er n’yannoo daa olk; t’ad er hreigeil mish, farrane ny ushtaghyn bio, as er chleiy daue hene cisternyn, cisternyn brisht, nagh gum veg yn ushtey.

Jeremiah 2:13 ပူးပေါင်းရင်းမြစ်များ

2 Reeaghyn 22:17

Er-yn-oyr dy vel ad er m’y hreigeil, as er lostey incense gys jeeghyn joarree, dy m’y vrasnaghey gys corree lesh ooilley obbraghyn nyn laueyn; shen-y-fa bee my yymmoose er ny ghreesagh noi yn ynnyd shoh, as cha bee eh er ny vooghey.

Psalmyn 36:9

Son mayrt’s ta farrane y vea: as ayns dty hoilshey nee mayd fakin soilshey.

Ecclesiastes 1:14

Ta mee er vakin ooilley ny obbraghyn ta jeant fo’n ghrian, as cur-my-ner, t’ad ooilley fardail as seaghney cree.

Ecclesiastes 1:2

Fardail dy ardalys ta’n preachoor dy ghra, fardail dy ardalys, ta ooilley fardail.

Ecclesiastes 12:8

Fardail dy ardailyn ta’n preachoor dy ghra; ta dy chooilley nhee fardail.

Ecclesiastes 2:11

Eisht yeeagh mee er ooilley ny obbraghyn, va my laueyn er n’yannoo, as er dy chooilley nhee, va mee er ghoaill orrym dy chooilleeney: as cur-my-ner, va ooilley fardail as seaghney cree, as nagh vel shickyrys ayns nhee erbee fo’n ghrian.

Ecclesiastes 2:21

Son ta dooinney ayn, ta e yannoo dy tarroogh ayns creenaght, as ayns tushtey, as ayns cairys: ny-yeih gys dooinney nagh vel er laboraght ayn, nee eh faagail eh son e chronney. Ta shoh myrgeddin fardail as olk vooar.

Ecclesiastes 2:26

Son ta Jee cur creenaght as tushtey, as gerjagh da’n dooinney ta mie ayns e hilley: agh da’n drogh ghooinney t’eh coyrt imnea, dy haglym as dy chruinnaghey cooid, dy ve faagit dasyn ta mie ayns shilley Yee. Ta shoh myrgeddin fardail as seaghney cree.

Ecclesiastes 4:4

Reesht smooinee mee er ooilley tooilleil dooinney, as er dy chooilley obbyr yeeragh, eer son shoh dy vel e naboo troo mysh. Ta shoh myrgeddin fardail, as seaghney cree.

Isaiah 1:3

Shione da’n dow yn er s’liesh eh, as yn assyl cratch e vainshtyr: agh cha nhione da Israel mish, cha vel my phobble smooinaghtyn orrym.

Isaiah 1:4

Ah, ashoon peccoil, pobble laadit lesh olk, sluight dy ghrogh-yantee, cloan stroialtagh! t’ad er hreigeil y Chiarn, t’ad er vrasnaghey jymmoose fer-casherick Israel, t’ad er hyndaa cooyl rhym.

Isaiah 12:3

Shen-y-fa nee shiu tayrn ushtey lesh boggey ass ny chibbraghyn dy haualtys.

Isaiah 5:13

Shen-y-fa ta my phobble er n’gholl ayns cappeeys, er-yn-oyr dy vel ad gyn tushtey; as ta ny deiney oc er n’gholl neeu ’sy ghortey, as ta’n slane pobble oc craghit lesh paays,

Isaiah 55:2

Cre’n-fa ta shiu baarail nyn argid er shen nagh nee arran eh, as nyn laboraght er shen nagh vel jannoo magh shiu? Eaisht-jee dy imneagh rhym’s, as ee-jee shen ny ta mie, as lhig da’n annym eu goaill soylley ayns riurid.

Isaiah 63:8

Son dooyrt eh, Shickyr she my phobble ad, cloan nagh jean breg: myr shen v’eshyn nyn Saualtagh.

Jeremiah 1:16

As neem’s my vriwnyssyn y ockley magh noi oc son ooilley yn vee-chraueeaght ocsyn, t’er my hreigeil, as er lostey incense da jeeghyn elley, as er choyrt ooashley da obbraghyn nyn laueyn hene.

Jeremiah 14:3

As ta ny chiarnyn oc er chur magh nyn mooinjer veggey gys ny ushtaghyn: haink ad gys ny puill, as cha row bine ry-gheddyn; hyndaa ad reesht lesh nyn siyn follym; v’ad mooar-seaghnit as ec kione nyn geiley, as dollee ad nyn eddin.

Jeremiah 15:6

T’ou er hreigeil mish, ta’n Chiarn dy ghra, t’ou er chur cooyl rhym; shen-y-fa sheeyn-ym magh ort my laue, as nee’m dty stroie; ta mee skee lesh surranse-foddey rhyt.

Jeremiah 17:13

O Hiarn, treishteil Israel, bee ooilley adsyn ta dty hreigeil er nyn goyrt gys nearey, as adsyn ta cur cooyl rhym’s bee ad scruit ’sy joan, er-yn-oyr dy vel ad er hreigeil y Chiarn, yn farrane dy ushtaghyn bio.

Jeremiah 18:14

Jean dooinney treigeil meeaylys y vagher, son sniaghtey Lebanon, ta cheet veih’n chreg? ny bee ny ushtaghyn follan-feayr treigit, son ushtaghyn veih boayl elley?

Jeremiah 19:4

Er-yn-oyr dy vel ad er my hreigeil, as er an-chasherickey yn voayl shoh, as er lostey incense ayn da jeeghyn joarree, nagh row enney oc hene orroo, ny ec nyn ayraghyn, ny ec reeaghyn Yudah, as dy vel ad er lhieeney yn voayl shoh lesh fuill gyn-loght.

Jeremiah 2:11

Vel ashoon er chaghlaa ny jeeghyn oc, nagh nee foast jeeghyn ad? agh ta my phobble’s er chaghlaa nyn ghloyr son shen nagh vel foays ayn.

Jeremiah 2:17

Nagh vel oo er dayrn shoh ort hene, liorish dy vel oo er hreigeil yn Chiarn dty Yee, va dty leeideilagh raaidey?

Jeremiah 2:26

Myr ta nearey er y vaarliagh tra t’eh goit, myr shen ta nearey er thie Israel; orroo hene, nyn reeaghyn, nyn brinceyn, as nyn saggyrtyn, as nyn adeyryn,

Jeremiah 4:22

Son ta my phobble ommijagh, cha vel ad er chur enney orrym’s; t’ad cloan vee-cheeayllagh, as cha vel veg y toiggal oc: ta keeayll oc dy yannoo olk, agh dy yannoo mie cha vel oc veg y tushtey.

Jeremiah 5:26

Son mastey my phobble ta drogh gheiney ry-gheddyn: t’ad lhie farkiaght myr y chelgeyr; t’ad soiaghey ribbey, t’ad tayrtyn deiney.

Jeremiah 5:31

Ta ny phadeyryn jannoo phadeyrys foalsey, as lesh y chooney ocsyn ta ny princeyn gymmyrkey reill; as ta my phobble booiagh lesh myr shen dy ve: as cre’n erree hig erriu son ooilley shoh?

Ezekiel 14:5

Dy voddym thie Israel y ghoaill ayns nyn gree hene, er-yn-oyr dy vel ad ooilley jannoo quaagh jee’m, trooid nyn yallooyn.

Ezekiel 47:1

Ny lurg shen hug eh lesh mee reesht gys dorrys y chiamble, as cur-my-ner, va ushtey geill magh fo laare y dorrys lesh y niar: son va eddin y thie shassoo lesh y niar, as haink ny ushtaghyn veih fo lhiattee yesh y thie, cheu-jiass jeh’n altar.

Micah 2:8

Dy jarroo er y gherrit shoh ta my phobble er n’irree seose myr noid: ta shiu roostey yn coamrey, as y garmad jeh ny troailtee sheeoil, sleih nagh vel son caggey.

Micah 6:3

O my phobble, cre ta mee er n’yannoo rhyt, as cre ayns ta mee er n’yannoo deinagh jeed? jean gymmyrkey feanish m’oï.

Zechariah 13:1

As ayns y laa shen bee farrane er ny osley da thie Ghavid, as da cummaltee Yerusalem, son peccah, as son neu-ghlennid.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Noo Ean 4:11

Dooyrt y ven rish, Vainshter, cha vel red erbee ayd dy hayrn lesh, as ta’n chibbyr dowin: cre voish eisht ta’n ushtey bio shen ayd?

Noo Ean 4:14

Agh quoi-erbee iu-ys jeh’n ushtey ver-yms da, cha bee eh dy bragh paagh: agh bee yn ushtey ver-ym da ny farrane ushtey ayn nee geill gys y vea ta dy bragh farraghtyn.

Noo Ean 7:37

Er y laa s’jerree, laa mooar ny feailley, hass Yeesey, as deïe eh, gra, My ta dooinney erbee paagh, lhig da cheet hym’s as giu.

Deuteronomy 31:16

As dooyrt y Chiarn rish Moses, Cur-my-ner, nee uss cadley marish dty ayraghyn, as nee’n pobble shoh girree magh, as geiyrt er maarderys [spyrrydoil] rish jeeghyn joarree y cheer, raad t’ad goll dy vaghey, as nee ad m’y hreigeil, as brishey my chonaant, ta mee er n’yannoo roo.

2 Peddyr 2:17

T’ad shoh chibbraghyn fegooish ushtey, bodjallyn eebrit lesh dorrin, nyn gour ta’n chay dy ghorraghys freilt er son dy bragh.

Ashlish 21:6

As dooyrt eh rhym, Te cooilleenit. Mish Alpha as Omega, yn toshiaght as y jerrey: ver-yms dasyn ta paagh farrane ushtey’n vea nastee.

Ashlish 22:1

As yeeagh eh dou awin glen dy ushtey yn vea, sollys myr crystal, geill magh ass stoyl-reeoil Yee, as yn Eayn.

Ashlish 22:17

As ta’n Spyrryd as ben y phoosee gra, Tar-jee. As lhig dasyn ta clashtyn, gra, Tar-jee. As lhig dasyn ta paagh cheet: As lhig da quoi-erbee saillish goaill ushtey yn vea nastee.

Briwnyn 10:13

Ny-yeih ta shiu er m’y hreigeil, as er hirveish jeeghyn elley: shen-y-fa cha livrey-ym shiu arragh.

1 Samuel 12:10

As deïe ad gys y Chiarn, as dooyrt ad, Ta shin er n’yannoo peccah, er-yn-oyr dy vel shin er hreigeil y Chiarn, as er hirveish Baalim as Ashtaroth: agh nish livrey shin veih laueyn nyn noidyn, as nee mayd uss y hirveish.