Jeremiah 2:11 - Yn Vible Casherick 1775 1819

¹¹ Vel ashoon er chaghlaa ny jeeghyn oc, nagh nee foast jeeghyn ad? agh ta my phobble’s er chaghlaa nyn ghloyr son shen nagh vel foays ayn.

Jeremiah 2:11 ပူးပေါင်းရင်းမြစ်များ

1 Reeaghyn 11:33

Er-yn-oyr dy vel ad er m’y hreigeil, as er chur ooashley da Ashtoreth, jee ny Zidonianee, Chemosh jee ny Moabiteyn, as Milcom jee cloan Ammon; as nagh vel ad er n’immeeaght ayns my raaidyn’s, dy yannoo shen ny ta cairagh ayns my hilley, as dy reayll my lattyssyn as my vriwnyssyn, myr ren David e ayr.

2 Reeaghyn 1:3

As dooyrt ainle y Chiarn rish Elijah yn Tishbite, Trog ort, as gow sheese quail chaghteryn ree Samaria, as abbyr roo, Nee son nagh vel Jee ayns Israel, dy vel shiuish goll dy vriaght jeh Baal-zebub, jee Ekron?

2 Recortyssyn 13:9

Nagh vel shiu er hilgey magh saggyrtyn y Chiarn mec Aaron, as ny Leviteyn, as er n’yannoo diu hene saggyrtyn lurg cliaghtey ny ashoonyn jeh cheeraghyn elley? myr shen quoi-erbee ta chebbal eh-hene dy ve ny haggyrt lesh dow aeg as shiaght reaghyn, foddee eh ve ny haggyrt dauesyn nagh nee jeeghyn ad.

Psalmyn 106:20

Myr shoh chaghlaa ad nyn ghloyr: gys co-chaslys baagh ta gee faiyr;

Psalmyn 115:4

Ta ny jallooyn oc argid as airh: eer obbyr laueyn deiney.

Psalmyn 3:3

Agh uss, O Hiarn, m’endeilagh: uss my ooashley, as y fer ta cummal seose my chione.

Isaiah 37:19

As er hilgey ny jeeghyn oc ’syn aile: son cha nee jeeghyn v’ad, agh obbyr-lauee gheiney, fuygh as clagh; shen-y-fa t’ad er stroie ad.

Jeremiah 16:20

Jean dooinney jeeghyn y yannoo da hene, as cha nee jeeghyn ad?

Jeremiah 18:13

Shen-y-fa shoh myr ta’n Chiarn dy ghra, Brie-jee nish mastey ny ashoonee, quoi t’er chlashtyn y lheid roïe? ta moidyn Israel er n’yannoo red feer atchimagh.

Jeremiah 2:5

Myr shoh ta’n Chiarn dy ghra, Cre’n aggair ta nyn ayraghyn er gheddyn aynym’s, dy vel ad er n’immeeaght foddey voym, as er n’eiyrt er fardail, as moyrn giare-cheeayllagh?

Jeremiah 2:8

Cha dooyrt ny fir-ynsee, Cre vel y Chiarn? as adsyn va’n leigh er nyn gurrym, cha bione daue mee: ny fir-reill myrgeddin ren ad olk m’oï, as ren ny phadeyryn phadeyrys liorish Baal, as hie ad geiyrt er fardail gyn-ymmyd.

Jeremiah 5:7

Caïd nee’m shoh y leih dhyt? ta dty chloan er my hreigeil, as er loo lioroosyn nagh nee jeeghyn ad: tra va mee er n’yannoo magh ad gys nyn yeeilley, eisht vrish ad poosey, taaghey ayns troopyn ny thieyn streebee.

Ezekiel 14:5

Dy voddym thie Israel y ghoaill ayns nyn gree hene, er-yn-oyr dy vel ad ooilley jannoo quaagh jee’m, trooid nyn yallooyn.

Ezekiel 5:7

Shen-y-fa, myr shoh ta’n Chiarn Jee dy ghra, Er-yn-oyr dy vel shiuish er nyn mishaghey ny smoo na ny ashoonyn ta mygeayrt-y-miu, as nagh vel shiu er n’immeeaght ayns my lattyssyn, chamoo er reaylley my vriwnyssyn, ny er n’yannoo cordail rish briwnyssyn ny ashoonyn ta mygeayrt-y-miu;

Micah 4:5

Son nee dy chooilley phobble gimmeeaght dagh fer ayns ennym e yee hene, as nee shinyn gimmeeaght ayns ennym y Chiarn y Jee ain, son dy bragh as dy bragh.

Romanee 1:23

As cheaghil ad gloyr y Jee nagh vod goll naardey, gys jalloo casley rish dooinney ta goll naardey, as eeanlee, as beïyn kiare-chassagh, as beishteigyn.

1 Corinthianee 8:4

Mychione gee ny reddyn shen eisht t’er ny hebbal ayns oural gys jallooyn, ta fys ain nagh vel jalloo monney ’sy theihll, as nagh vel Jee erbee elley ayn agh unnane.

Galatianee 4:8

Agh ny-yeih, tra nagh row enney eu er Jee, va shiu ayns bondiaght dauesyn nagh nee jeeghyn ad liorish dooghys.

Deuteronomy 32:16

Ren ad eh y vrasnaghey gys corree, lesh jeeghyn joarree, lesh nyn obbraghyn eajee vrasnee ad eh.

Deuteronomy 32:21

T’ad er my ghreinnaghey gys corree, lesh shen nagh nee jee eh, t’ad er m’ vrasnaghey gys jymmoose, lesh nyn jallooyn: as neem’s adsyn y ghreinnaghey gys eadaghey lioroosyn nagh nee pobble ad, nee’m ad y vrasnaghey gys corree lesh ashoon fardalagh.

Deuteronomy 33:29

S’maynrey t’ou, O Israel! quoi ta goll rhyt’s, O phobble ta fo coadey’n Chiarn, eilley-caggee dty chooney, as cliwe dty ard-ooashley! as bee dty noidyn er nyn goyrt foyd, as nee oo stampey er ny ynnydyn ardey oc.

1 Peddyr 1:18

Son wheesh as dy vel fys eu nagh row shiu er nyn gionnaghey lesh reddyn ta goll mow, myr argid as airh, veih ny cliaghtaghyn fardalagh v’er nyn livrey diu veih nyn ayraghyn;

1 Samuel 4:21

Agh denmys ee yn lhiannoo I-chabod, gra, Ta’n ghloyr er n’immeeaght veih Israel: (er-yn-oyr dy row arg Yee goit, as er graih yn ayr-’sy-leigh eck as e sheshey:)