Jeremiah 2:10 - Yn Vible Casherick 1775 1819

¹⁰ Son gow-jee trooid ellanyn Chittim, as jeeagh-jee; cur-jee chaghteryn gys Kedar, as gow-jee tastey vie, as jeeagh-jee my ta lheid y red:

Jeremiah 2:10 ပူးပေါင်းရင်းမြစ်များ

Genesis 25:13

As ad shoh enmyn mec Ishmael liorish nyn enmyn, cordail rish ny sheelogheyn oc: mac by-hinney Ishmael, va Nebajoth: as Kedar as Abdeel, as Mibsam.

1 Reeaghyn 9:9

As nee ad freggyrt, Er-yn-oyr dy hreig ad y Chiarn yn Jee oc, hug lesh magh nyn ayraghyn ass thalloo Egypt, as t’ad er lhiantyn gys jeeghyn elley, as er chur ooashley daue, as er hirveish ad: shen-y-fa ta’n Chiarn er chur lesh ooilley’n olk shoh orroo.

1 Recortyssyn 1:7

As mec Javan; Elisha, as Tarshish, Kittim, as Dodanim.

1 Recortyssyn 23:1

Myr shen tra va David shenn, as ymmodee laghyn er gholl harrish, ren eh Solomon e vac ny ree harrish Israel.

1 Recortyssyn 23:12

Mec Kohath; Amram, Izhar, Hebron, as Uzziel, kiare.

Psalmyn 120:5

Ta m’annym’s er chummal foddey ny-vud ocsyn: ta nyn noidyn da shee.

Isaiah 21:16

Son myr shoh ta’n Chiarn er ghra rhym, Cheu-sthie jeh bleïn, rere bleeantyn fer ny faillee, as hed ooilley gloyr Chedar naardey.

Isaiah 23:1

Errey Tyre. Gull-jee, shiuish lhongyn Tarshish; son te ny hraartys, myr shen nagh vel thie faagit, ny boayl erbee dy gholl stiagh ayn: veih cheer Chittim te er ny ockley magh orroo.

Isaiah 23:12

As dooyrt eh, Cha jean oo arragh boggey y ghoaill, O voidyn tranlaasit, inneen Zidon: trog ort, gow harrish gys Chittim; ayns shen neesht cha vow veg y fea.

Jeremiah 49:28

Mychione Kedar, as mychione reeriaghtyn Hazor, nee Nebuchadrezzar ree Vabylon y woalley, myr shoh ta’n Chiarn dy ghra, Trog-jee erriu, seose-jee gys Kedar, as stroie-jee deiney yn shiar.

Ezekiel 16:16

As t’ou er ghoaill jeh dty choamraghyn, as er hoiaghey magh dty ard-ynnydyn lesh caghlaaghyn daah, as er n’yannoo maarderys orroo: y lheid nagh lhisagh ve jeant, chamoo lhisagh y ve.

Ezekiel 27:21

Arabia, as ooilley princeyn Chedar, ren dellal rhyt’s ayns eayin, as reaghyn, as goair: ayndoo shoh v’ad dty ghellaryn.

Ezekiel 27:6

Jeh biljyn-darragh Vashan t’ad er n’yannoo dty vaidjyn-raue: ta sheshaght ny Ashuriteyn er n’yannoo ny beckyn ayd jeh ivory, veih ellanyn Chittim.

Ezekiel 5:7

Shen-y-fa, myr shoh ta’n Chiarn Jee dy ghra, Er-yn-oyr dy vel shiuish er nyn mishaghey ny smoo na ny ashoonyn ta mygeayrt-y-miu, as nagh vel shiu er n’immeeaght ayns my lattyssyn, chamoo er reaylley my vriwnyssyn, ny er n’yannoo cordail rish briwnyssyn ny ashoonyn ta mygeayrt-y-miu;

Daniel 11:18

Lurg shoh, nee eh e eddin y hyndaa gys ny ellanyn, as ymmodee jeu y ghoaill: agh nee prince elley ass e lieh hene goaill ersooyl yn oltooan haink voishyn; fegooish oltooan da hene, ver eh er dy hyndaa ersyn.

Daniel 11:30

Son hig lhongyn Chittim n’oï: shen-y-fa, bee eh seaghnit, as chyndaa-ee eh, as bee eh jymmoosagh noi yn chonaant casherick: shoh myr nee eh jannoo, chyndaa-ee eh dy jarroo, as gowee eh coyrle follit mâroosyn ta treigeil y chonaant casherick.

Earrooyn 24:24

As nee lhongyn cheet veih ardjyn Chittim, as seaghney Ashur, as seaghney Eber, as nee eshyn myrgeddin cherraghtyn son dy bragh.

1 Corinthianee 5:1

Te goo cadjin dy vel maarderys nyn mast’ eu, as lheid y vaarderys as nagh vel wheesh as er ny enmys mastey ny Ashoonyn-quaagh, dy jinnagh fer goaill da hene ben e ayrey.

Briwnyn 19:30

As shen myr ve, dy dooyrt ooilley ny honnick eh, Cha row lheid yn olk jeant ny er ny akin, er-dyn laa haink cloan Israel seose magh ass Egypt gys y laa jiu: smooinee-jee er, gow-jee coyrle, as insh-jee nyn aigney.