Jeremiah 19:2 - Yn Vible Casherick 1775 1819

² As gow magh gys coan mac Hinnom, ta er-gerrey da’n raad myr t’ou goll stiagh er y yiat har, as jean fockley-magh ayns shen ny goan ver-yms royd;

Jeremiah 19:2 ပူးပေါင်းရင်းမြစ်များ

2 Reeaghyn 23:10

As ren eh torran jeh Topheth, ta ayns coan cloan Hinnom, nagh jinnagh dooinney erbee er e vac ny e inneen dy gholl trooid yn aile gys Molech.

2 Recortyssyn 28:3

Marish shoh, ren eh lostey incense ayns coan mac Hinnom, as heb eh e chloan son oural-losht, lurg cliaghtey eajee ny ashoonee va’n Chiarn er n’imman magh roish cloan Israel.

2 Recortyssyn 33:6

As hug eh er e chloan dy gholl trooid yn aile, ayns coan mac Hinnom: myrgeddin hug eh geill da traaghyn, as deiyr eh er obbeeys, as chliaghtee eh buitcheraght, as ren eh dellal rish spyrrydyn faishnee, as rish fir-obbee: dobbree eh shen ny va olk ayns shilley yn Chiarn, dy vrasnaghey eh gys corree.

Nehemiah 3:29

Ny lurg oc shoh, choamree Zadok mac Immer jeeragh er e hie: ny lurg-syn choamree Shemaiah mac Shechaniah, er va currym y yiat har.

Jeremiah 1:7

Agh dooyrt y Chiarn rhym, Ny abbyr, Cha vel mee agh scollag: son hed oo hucsyn ooilley ver-ym oo er chaghteraght, as cre-erbee ver-yms er dty churrym, shen loayrys oo.

Jeremiah 11:6

Eisht dooyrt y Chiarn rhym, Jean ooilley ny goan shoh y ockley magh ayns ard-valjyn Yudah, as ayns straïdyn Yerusalem, gra, Clasht-jee goan y chonaant shoh, as jean-jee ad y chooilleeney.

Jeremiah 18:2

Trog ort, as gow sheese gys thie yn phasheyder, as ayns shen ver-ym ort dy chlashtyn my ghoan’s.

Jeremiah 26:2

Myr shoh ta’n Chiarn dy ghra, Shass ayns cooyrt thie yn Chiarn, as loayr rish ooilley ard-valjyn Yudah, ta cheet dy ooashlaghey ayns thie yn Chiarn, ooilley ny goan, ta mee coyrt er dty churrym dy loayrt roo; ny lhig sheese fockle jeh:

Jeremiah 3:12

Gow royd, as jean ny goan shoh y ockley magh gys y twoaie, as abbyr, Chyndaa uss reesht, Israel chooyl-skyrraghtyn, ta’n Chiarn dy ghra, as cha lhig-ym da my chorree dy huittym ort; son ta mish myghinagh, ta’n Chiarn dy ghra, as cha jean-ym jymmoose y reayll son dy bragh.

Jeremiah 32:35

As hrog ad altaryn Vaal, ta ayns coan mac Hinnom, dy choyrt er nyn mec as nyn inneenyn dy gholl trooid yn aile gys Molech, red nagh doardee mee daue, chamoo haink eh ayns my aigney, dy jinnagh ad lheid yn eajeeys shoh, dy hayrn Judah fo loght peccah.

Jeremiah 7:2

Shass ayns giat thie’n Chiarn, as jean fockley-magh ayns shen ny goan shoh, as abbyr, Clasht-jee goo yn Chiarn, ooilley shiuish sleih Yudah, ta goll stiagh er ny giattyn shoh dy chur ooashley da’n Chiarn:

Jonah 3:2

Trog ort, immee gys Nineveh yn ard-valley mooar shen, as jean preacheil ayn ny goan ver-ym royd.

Noo Mian 10:27

Shen ta mish dy insh diu ayns folliaght, fockle-jee shiuish magh eh dy foshlit: as shen ta shiu er chlashtyn myr hannish voym’s, jean-jee y phreacheil er mullagh ny dhieyn.

Jannoo 20:27

Son cha vel mee er haghney dy hoilshaghey diu slane coyrle Yee.

Jannoo 5:20

Immee-jee, as shass-jee, as loayr-jee ayns y chiamble rish y pobble ooilley goan y vea shoh.

Joshua 15:8

As hie’n chagliagh seose rish coan mac Hinnom, gys cheu-jiass y Jebusite; ta shen Jerusalem: as hie eh seose gys mullagh y clieau erskyn coan Hinnom sheear, ta ec kione-twoaie coan ny foawir: