Jeremiah 18:9 - Yn Vible Casherick 1775 1819

⁹ As cre-erbee’n traa loayr-yms mychione ashoon, as mychione reeriaght, dy hroggal, as dy hoiaghey seose eh:

Jeremiah 18:9 ပူးပေါင်းရင်းမြစ်များ

Ecclesiastes 3:2

Traa dy ve ruggit, as traa dy gheddyn baase: traa dy hoiaghey, as traa dy astyrt shen ny va soit:

Jeremiah 1:10

Jeeagh, ta mee jiu er hoiaghey oo harrish ny ashoonyn, as harrish ny reeriaghtyn, dy astyrt ass ny fraueyn, as dy raipey sheese, as dy stroie, as dy lhieggal, dy hroggal, as dy hoiaghey.

Jeremiah 11:17

Son ta Chiarn ny sheshaghtyn flaunyssagh ren dty hoiaghey er n’ockley magh olk dt’oï, son drogh-yannoo thie Israel, as thie Yudah, t’ad er n’yannoo gys yn assee oc hene, dy my vrasnaghey gys corree, liorish chebbal incense da Baal.

Jeremiah 30:18

Shoh myr ta’n Chiarn dy ghra, Cur-my-ner, ver-ym lhiam reesht cappeeys cabbaneyn Yacob, as bee myghin aym er ny ynnydyn-vaghee echey; as bee yn ard-valley troggit reesht er e shenn undin, as bee yn chiamble shassoo myr ve roïe.

Jeremiah 31:28

As hig eh gy-kione, ’naght myr va sooill aym orroo, dy phluckey neose, as dy vrishey sheese, as dy lhieggal, as dy stroie, as dy heaghney; myr shen bee sooill aym orroo, dy hroggal, as dy hoiaghey ta’n Chiarn dy ghra.

Jeremiah 31:38

Cur-my-ner, ta ny laghyn cheet, ta’n Chiarn dy ghra, dy bee yn ard-valley troggit reesht gys y Chiarn, veih toor Hananeel gys y yiat chorneilagh.

Jeremiah 31:4

Nee’m oo y hroggal reesht, as bee oo troggit, O voidyn Israel: bee oo foast soit magh lesh dty ghreinyn-kiaullee, as hed oo magh ayns y daunsin ocsyn ta jannoo gennal.

Jeremiah 32:41

Neem’s eer boggey ’ghoaill harrystoo dy yannoo mie daue, as ver-ym daue cummal shickyr ’sy cheer shoh lesh ooilley my chree, as ooilley my annym.