Jeremiah 18:7 - Yn Vible Casherick 1775 1819

⁷ Cre-erbee yn traa loayr-yms mychione ashoon, as mychione reeriaght, dy astyrt, as dy lhieggal, as dy stroie eh:

Jeremiah 18:7 ပူးပေါင်းရင်းမြစ်များ

Genesis 6:6

As ghow yn Chiarn arrys dy row eh er chroo dooinney er y thalloo, as v’eh seaghnit ayns e chree.

Jeremiah 1:10

Jeeagh, ta mee jiu er hoiaghey oo harrish ny ashoonyn, as harrish ny reeriaghtyn, dy astyrt ass ny fraueyn, as dy raipey sheese, as dy stroie, as dy lhieggal, dy hroggal, as dy hoiaghey.

Jeremiah 26:3

My she shen dy jean ad geaishtagh, as dy chooilley ghooinney chyndaa veih e ghrogh raad, dy voddyms myrgeddin chyndaa ersooyl yn olk ta mee kiarail nyn gour son ooilley nyn ghrogh-yannoo.

Jeremiah 31:28

As hig eh gy-kione, ’naght myr va sooill aym orroo, dy phluckey neose, as dy vrishey sheese, as dy lhieggal, as dy stroie, as dy heaghney; myr shen bee sooill aym orroo, dy hroggal, as dy hoiaghey ta’n Chiarn dy ghra.

Jeremiah 42:10

My uirrys shiu ’sy cheer shoh, eisht nee’m shiu y hroggal, as cha nee y lhieggal; as nee’m shiu y hoiaghey, as cha nee y astyrt: son s’mooar lhiam yn olk ta mee hannah er choyrt erriu.

Jeremiah 45:4

Myr shoh nee oo gra rish, Shoh ta’n Chiarn dy ghra, Cur-my-ner, shen ny ta mee er droggal nee’m lhieggal, as shen ta mee er hoiaghey astyr-ym ass ny fraueyn, eer yn slane cheer shoh.

Ezekiel 33:14

Reesht, tra ta mee gra rish y vee-chrauee, Yiow dy shickyr baase: my nee eshyn chyndaa veih e pheccah, as jannoo shen ta lowal as jeeragh;

Daniel 11:4

As tra nee eh shassoo seose, bee yn reeriaght echeysyn er ny vrishey, as er ny rheynn gys ny kiare geayghyn yn aer; as cha nee gys y sluight echey hene, ny cordail rish e reeriaght v’eh dy reill: son bee yn reeriaght echey tilgit bun-ry-skyn, eer son feallagh elley cheu-mooie jeusyn.

Amos 9:8

Cur-my-ner, ta sooillyn y Chiarn Jee soit noi yn reeriaght peccoil, as ver-ym naardey ad er eaghtyr y thallooin; agh ny-yeih, cha jean-ym dy bollagh stroie thie Yacob, ta’n Chiarn dy ghra.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Jonah 3:4

As ghow Jonah toshiaght dy gholl stiagh ’syn ard-valley lesh jurnah laa, as dockle eh magh e choraa, as dooyrt eh, Foast ec kione da-eed laa, as bee Nineveh er ny stroie.