Jeremiah 17:9 - Yn Vible Casherick 1775 1819

⁹ Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?

Jeremiah 17:9 ပူးပေါင်းရင်းမြစ်များ

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

2 Samuel 11:15

As hug eh ayns y screeuyn, gra, Soie-jee Uriah ayns eer toshiaght ny rankyn, raad s’dewilley ta’n caggey, as tayrn-jee veih, dy vod eh tuittym, as geddyn baase.

Psalmyn 51:5

Cur-my-ner va mee er my chummey ayns olkys: as ayns peccah ren my voir m’y yiennaghtyn.

Psalmyn 64:7

Agh nee Jee lhiggey doaltattym orroo lesh side: dy bee ad dy leah lhottit.

Raaghyn Creeney 28:26

Eh ta treishteil gys e chree hene, t’eh ny ommydan: agh bee eshyn sauchey ta shooyl dy creeney.

Ecclesiastes 9:3

Ta shoh neesht mastey ny huilk smessey ta fo’n ghrian, dy vel yn taghyrt cheddin cheet er ooilley: ta creeaghyn cloan gheiney myrgeddin lane dy olk, as ta mee-hushtey ayns nyn gree choud as t’ad bio, as shoh myr t’ad geddyn baase.

Isaiah 1:5

Cre’n-fa veagh shiu ny-sodjey er nyn gerraghey? nee shiu girree-magh ny smoo as ny smoo. Ta’n kione ooilley ching, as yn cree ooilley faiynt.

Isaiah 1:6

Veih boyn ny coshey eer gys y chione cha vel slaynt erbee ayn; agh lhottyn, as brooghyn, as chingyn yngyragh: cha vel ad er ve glennit ny soïlit, chamoo er ny veiyghey lesh shelliu.

Isaiah 6:10

Bee cree yn phobble shoh jeant roauyr, as bee far-chlashtyn ayns nyn gleayshyn, as nee ad jeigh nyn sooillyn; er-aggle dy vaik ad lesh nyn sooillyn, as dy glin ad lesh nyn gleayshyn, as dy doig ad lesh nyn gree, as dy bee ad er nyn jyndaa, as er nyn lheihys.

Jeremiah 16:12

As ta shiuish er n’yannoo ny smessey na nyn ayraghyn; son cur-my-ner, ta shiu gimmeeaght dy chooilley ghooinney lurg roonid e chree mee-chrauee hene, nagh n’eaisht ad rhym’s;

Jeremiah 7:24

Agh cha ren ad geaishtagh, ny croymmey nyn gleaysh, agh jimmee ad lurg coyrle as smooinaghtyn yn chree roonagh oc hene, as hie ad back, as cha nee er nyn doshiaght.

Noo Mian 13:15

Son ta cree yn phobble shoh er n’aase roauyr, as ta ny cleayshyn oc moal dy chlashtyn, as ny sooillyn oc t’ad er n’yeigh; er-aggle dy vaikagh ad lesh nyn sooillyn, as dy gluinnagh ad lesh nyn gleayshyn, as dy doiggagh ad lesh nyn gree, as dy beagh ad er nyn jyndaa, as dy jinnin ad y lheihys.

Noo Mian 15:19

Son magh veih’n chree ta cheet drogh smooinaghtyn, dunverys, brishey-poosey, maarderys, maarlys, feanish foalsey, goan mollaghtagh.

Noo Mark 2:17

Tra cheayll Yeesey shoh, dooyrt eh roo, Cha vel feme ocsyn ta slane er yn er-lhee, agh ec sleih chingey: cha daink mish dy eamagh er y vooinjer chairagh, agh er peccee gys arrys.

Romanee 1:21

Er-yn-oyr tra va toiggal oc dy Yee, cha ren ad eh y ghloyraghey myr Jee, chamoo v’ad booisal, agh haink ad dy ve fardalagh ayns nyn smooinaghtyn; as va’n cree ommijagh oc fo dorraghys.

Romanee 7:11

Son peccah goaill vondeish liorish yn anney, ren m’y volley, as liorish ren eh m’y varroo.

Ephesianee 4:22

Mychione yn ymmyrkey-bea eu t’er n’gholl shaghey, dy der shiu jeh yn chenn ghooinney, ta neu-ghlen cordail rish yeearreeyn molteyragh ny foalley.

Hebrewnee 3:12

Cur-jee twoaie, vraaraghyn, nagh bee ayns veg eu drogh chree dy vee-chredjue, ayns treigeil y Jee bio.