Jeremiah 17:7 - Yn Vible Casherick 1775 1819

⁷ Bannit ta’n dooinney ta coyrt e varrant er y Chiarn, as ta’n Chiarn e hreishteil:

Jeremiah 17:7 ပူးပေါင်းရင်းမြစ်များ

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 146:5

Ta er chroo niau as thalloo, yn faarkey, as ooilley ny t’ayndoo: ta freayll e yialdyn son dy bragh;

Psalmyn 2:12

Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.

Psalmyn 20:8

T’adsyn er nyn goyrt fo-chosh, as er duittym: agh ta shinyn er droggal, as shassoo dy shickyr.

Psalmyn 34:8

O blasht-jee, as jeeagh-jee, cre cha graysoil ta’n Chiarn: bannit yn dooinney ta coyrt e varrant ersyn.

Psalmyn 40:4

Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Psalmyn 71:5

Liort’s ta mee er ny chummal seose neayr as ruggyr mee: uss ren m’y ghoaill ass breïn my vayrey; bee my voylley dy bragh jeed’s.

Psalmyn 84:12

Son ta’n Chiarn Jee ny hoilshey as fendeilagh: ver y Chiarn grayse as gloyr: as cha bee nhee mie erbee er ny chummal vouesyn ta leeideil bea chrauee.

Raaghyn Creeney 16:20

Eshyn ta gymmyrkey eh-hene dy creeney ayns cooish erbee, hig eh jeh dy mie; as quoi-erbee treishtys ayns y Chiarn, s’maynrey t’eh.

Isaiah 30:18

As shen-y-fa nee’n Chiarn farkiaght dy ve graysoil diu, as shen-y-fa, bee eh er ny ghloyraghey, dy vod eh jannoo myghin erriu: son ta’n Chiarn ny Yee dy vriwnys: bannit t’adsyn ooilley ta farkiaght ersyn.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Jeremiah 39:18

Son neem’s dy shickyr uss y livrey, as cha duitt oo liorish y chliwe; agh cosnee oo ersooyl lesh dty vioys, er-yn-oyr dy vel oo er hreishteil aynym’s, ta’n Chiarn dy ghra.

Daniel 3:28

Eisht loayr Nebuchadnezzar, as dooyrt eh, Bannit dy row Jee Shadrach, Meshach as Abed-nego, ta er choyrt e ainle, as er livrey e harvaantyn, hug nyn marrant er, as er chaghlaa goo yn ree, as er livrey seose nyn girp, nagh jinnagh ad shirveish, ny ooashlaghey jee erbee, er-lhimmey jeh’n Jee oc hene.

Zephaniah 3:12

Faag-yms myrgeddin ayns y vean ayd’s pobble treih as seaghnit, as ver ad nyn marrant er ennym y Chiarn.

Ephesianee 1:12

Dy beagh shinyn, ren hoshiaght treishteil ayns Creest, gys moylley e ghloyr.