Jeremiah 17:5 - Yn Vible Casherick 1775 1819

⁵ Myr shoh ta’n Chiarn dy ghra, Dy row mollaght ersyn ta cur e varrant er dooinney, as goaill mac dooinney son e endeilys, as ta ayns e chree treigeil y Chiarn.

Jeremiah 17:5 ပူးပေါင်းရင်းမြစ်များ

2 Recortyssyn 16:12

As ayns y nuyoo vleïn jeig as feed jeh e reill, va Asa dourinagh ’sy chassyn, derrey va e ghoghan erskyn-towse dewil: ny-yeih ayns e ghoghan cha jagh eh gys y Chiarn (son cooney) agh gys ny fir-lhee.

2 Recortyssyn 32:8

Mârishyn ta niart y roih foalley, agh mârinyn ta’n Chiarn nyn Yee, dy chooney lhien, as dy chaggey ass nyn lieh. As hug y pobble nyn marrant er goan Hezekiah ree Yudah.

Psalmyn 18:21

Son dy vel mee er vreayll raaidyn y Chiarn: as nagh vel mee er hreigeil my Yee, myr ta ny mee-chrauee dy yannoo.

Psalmyn 62:9

Er son cloan gheiney, cha vel ad agh fardail: ta cloan gheiney molteyragh er ny meihaghyn, t’ad ooilley-cooidjagh ny s’eddrym na fardalys hene.

Isaiah 2:22

Ny treisht-jee ayns dooinney, ta e ennal ayns e stroanyn; son cre ayns ta soiaghey dy ve jeant jeh?

Isaiah 20:5

As bee ad agglagh as naareydagh jeh Ethiopia nyn marrant, as jeh Egypt nyn moggyssagh.

Isaiah 36:6

Cur-my-ner, t’ou cur dty varrant er lorg yn chuirtlagh vroojit shoh, eer er Egypt; er my ver dooinney barrant, nee eh roie ayns e laue, as lhottey eh: shen myr ta Pharaoh ree Egypt da dagh unnane ta treishteil huggeysyn.

Isaiah 59:15

Dy jarroo, ta’n ynrickys failleil; as t’eshyn ta shaghney yn olk coontit dy ve ass y raad: as honnick y Chiarn shoh, as v’eh jymmoosagh nagh row briwnys ayn.

Jeremiah 11:3

As abbyr uss roo, Myr shoh ta’n Chiarn Jee Israel dy ghra, Dy row mollaght er y dooinney nagh vel biallagh da goan y chonaant shoh,

Ezekiel 6:9

As nee ny scapailtee jiuish cooinaghtyn orrym’s, mastey ny ashoonyn, ayns cheer nyn gappeeys, er-yn-oyr dy vel mee seaghnit lesh nyn greeaghyn maarderagh, t’er nyn scarrey voym’s, as lesh nyn sooillyn, ta geiyrt er maarderys lurg nyn yallooyn: as ver ad dwoaie daue hene son ooilley ny huilk shen t’ad er n’yannoo, lesh ooilley nyn obbraghyn eajee.

Hosea 1:2

Toshiaght goo yn Chiarn liorish Hosea: as dooyrt y Chiarn rish Hosea, Immee, as gow hood ben vaarderagh, as cloan oainjyragh: son ta’n cheer er ve foiljagh jeh maarderys vooar, coyrt cooyl da’n Chiarn.