Jeremiah 17:4 - Yn Vible Casherick 1775 1819

⁴ As bee uss, dy jarroo oo hene, freilt magh ass dty eiraght hug mee dhyt; as ver-ym ort dy hirveish dty noidyn ayns cheer nagh nhione dhyt: son ta shiu er voaddey aile ayns my yymmoose, nee lostey son dy bragh.

Jeremiah 17:4 ပူးပေါင်းရင်းမြစ်များ

1 Reeaghyn 9:7

Eisht nee’m Israel y yiarey magh veih’n cheer ta mee er chur daue: as y thie shoh ta mee er chasherickey son my ennym, scugh-ym ass my hilley; as hig Israel dy ve son craid as an-ghoo mastey dy chooilley phobble:

2 Reeaghyn 25:21

As woaill ree Vabylon ad, as varr eh ad ec Riblah, ayns cheer Hamath. Shoh myr va Judah er nyn goyrt lhieu ass y cheer oc hene.

Nehemiah 9:28

Agh lurg da fea ’ve oc, ren ad ny va olk reesht kiongoyrt rhyt: er-y-fa shen, daag oo ad ayns laue nyn noidyn, myr shen dy row reill oc harrystoo: foast tra hyndaa ad, as deïe ad hood’s, cheayll oo ad veih niau, as shimmey’n traa ren oo ad y livrey, cordail rish dty vyghinyn:

Isaiah 14:3

As hig eh gy-kione, ayns y laa ver y Chiarn dhyt fea veih dty hrimshey, as veih dty aggle, as veih’n vondiaght ghewil, ayn v’ou êginit dy hirveish,

Isaiah 30:33

Son s’foddey neayr’s va Tophet er ny oardaghey, eer cour yn ree te kiarit; t’eh er n’yannoo eh dowin as lhean: ta yn chreagh echey aile as lane fuygh, ta ennal y Chiarn myr strooan dy vrimstone dy oaddey eh.

Isaiah 5:25

Shen-y-fa ta corree yn Chiarn er ny oaddey noi e phobble, as t’eh er heeyney magh e laue nyn ’oï, as er woalley ad: myr shen dy row ny croink er-creau, as va ny kirp marroo oc er ny raipey ayns mean ny straïdyn. Son ooilley shoh cha vel e chorree er ny hyndaa ersooyl, agh ta e laue foast er ny heeyney magh.

Isaiah 50:11

Cur-jee my-ner, ooilley shiuish ta greesaghey aile, t’er nyn gruinnaghey mygeayrt lesh smarageyn; shooill-jee ayns soilshey yn aile eu hene, as ny smarageyn ta shin hene er n’oaddey. Shoh ny vees eu veih my laue’s, nee shiu lhie sheese ayns trimshey.

Isaiah 66:24

As hed ad magh, dy yeeaghyn er kirp marroo ny deiney t’er n’irree-magh m’oï; son cha vow yn veishteig oc baase, chamoo vees yn aile oc er ny vooghey; as bee ad dwoaiagh da dy chooilley chretoor.

Jeremiah 12:7

Ta mee er hreigeil my hie, ta mee er chur voym my eiraght; ta mee er livrey ish va slane graih my chree gys laueyn e noidyn.

Jeremiah 15:14

As ver-ym ort dy gholl marish dty noidyn gys cheer nagh vel oayll ayd er; son ta aile er ny oaddey ayns my yymmoose, nee shiu y lostey.

Jeremiah 16:13

Shen-y-fa neem’s shiu y heebey magh ass y cheer shoh, gys cheer nagh nhione diu, chamoo shiuish ny nyn ayraghyn; as ayns shen nee shiu jeeghyn joarree y hirveish laa as oie, raad nagh jean-ym foayr y yeeaghyn diu.

Jeremiah 18:23

Ny-yeih, Hiarn, t’ou uss toiggal ooilley’n choyrle oc m’oï’s dy my stroie: ny jean yn vee-chairys oc y leih daue, chamoo cur y peccah oc ersooyl ass dty enish, agh lhig daue tuittym kiongoyrt rhyt’s: dell myr shoh roo ayns laa dty yymmoose.

Jeremiah 2:14

Vel Israel my harvaant? nee slave sthie-ruggit eh? cre’n-fa eisht t’eh er ny roostey?

Jeremiah 21:12

O hie Ghavid, myr shoh ta’n Chiarn dy ghra, Cur-jee briwnys cairagh ’sy voghrey, as livrey-jee eshyn ta tranlaasit ass laue yn tranlaasagh, er-aggle dy jed m’eulys magh myr aile, as lostey nagh vod unnane erbee y vooghey eh, kyndagh rish olkys nyn ghrogh-yannoo.

Jeremiah 22:28

Vel y dooinney shoh Coniah ny yalloo brisht tilgit ry-lhiattee? nee saagh brisht eh nagh vel gys veg yn ymmyd; dy vel ad tilgit magh, eshyn as e luight, as ceaut stiagh ayns cheer quaagh daue?

Jeremiah 5:19

As hig eh gy-kione, tra jir shiu, Cre’n-fa ta’n Chiarn yn Jee ain jannoo ooilley ny reddyn shoh rooin? eisht nee uss gansoor, ’Naght myr ta shiuish er hreigeil mish, as er hirveish jeeghyn joarree ayns y cheer eu hene; shen myr nee shiu joarreeyn y hirveish ayns cheer nagh nee lhieuish eh.

Jeremiah 5:29

Nagh jean-yms kerraghey y ghoaill son ny peccaghyn shoh? ta’n Chiarn dy ghra: nagh jean m’annym cooilleeney y ghoaill er lheid yn ashoon shoh?

Jeremiah 7:20

Shen-y-fa shoh myr ta’n Chiarn Jee dy ghra, Cur-my-ner, bee my chorree as my eulys er ny gheayrtey magh er y voayl shoh, er dooinney, as er baagh, as er biljyn y vagheragh, as er mess y thallooin; as nee eh lostey, as cha bee eh er ny vooghey.

Dobberan 1:12

Nagh vel scansh euish jeh, ooilley shiuish ta goll shaghey? cur-jee my-ner as jeeagh, my ta trimshey erbee goll-rish yn trimshey aym’s, t’er duittym orrym, lesh ta’n Chiarn er my laadey ayns laa e yymmoose hrome.

Dobberan 5:2

Ec joarreeyn ta nyn eiraght, as ny thieyn ain ec nyn noidyn.

Ezekiel 21:31

As deayrt-yms magh ort my yymmoose, neem’s sheidey dt’oï ayns aile my eulys, as livrey-ym oo gys laue deiney dewil, as schleioil dy stroie,

Ezekiel 7:24

Shen-y-fa ver-ym lhiam y chooid smessey jeh ny ashoonee, as gowee ad ny thieyn oc daue hene: ver-yms sheese myrgeddin mooaralys y vooinjer niartal, as bee nyn ynnydyn casherick ny chaitnys.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.