Jeremiah 17:18 - Yn Vible Casherick 1775 1819

¹⁸ Lhig dauesyn ve craghit ta jannoo tranlaase orrym, agh ny lhig dauesyn mish y chraghey; lhig dauesyn ve atchimit, agh ny lhig dooys ve atchimit: cur lhiat orroo yn laa doogh, as stroie ad lesh toyrt-mow ghooble.

Jeremiah 17:18 ပူးပေါင်းရင်းမြစ်များ

Lioar Yob 16:14

T’eh dy my vrishey lesh brishey er brishey; t’eh roie orrym myr dooinney caggee.

Psalmyn 35:4

Bee ad er nyn gastey, as er nyn goyrt gys nearey, ta shelg lurg m’annym: ver ad cooyl, as bee ad er nyn goyrt mow, ta kiarail olk m’oï.

Psalmyn 35:8

Hig toyrt-mow doaltattym ersyn gyn-yss, as nee’n ribbey t’eh er hoiaghey dy follit eh-hene y hayrtyn: dy vod eh tuittym ayns yn olkys echey hene.

Psalmyn 40:14

Ny tayrn dty vyghin ersooyl voym, O Hiarn: lhig da dty chenjallys-ghraihagh as dty irriney dy kinjagh mish y choadey.

Psalmyn 70:2

Lhig dauesyn v’er nyn goyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy scammyltagh, ta wooishal olk dou.

Psalmyn 71:1

Aynyd’s, O Hiarn, ta mee er choyrt my hreishteil; ny lhig dou dy bragh v’er my choyrt gys nearey: agh feayshil orrym, as livrey mee ayns dty chairys; croym dty chleaysh hym, as saue mee.

Jeremiah 1:17

Jean uss er-y-fa shen dty veeghyn y chryssey seose, trog ort, as loayr roo ooilley ny ta mee coyrt ayns sarey dhyt: ny bee aggle ort roish yn eddin oc, er-aggle dy jean-ym uss y stroie kiongoyrt roo.

Jeremiah 11:20

Agh, O Hiarn ny sheshaghtyn flaunyssagh, ta cur briwnys cairagh, ta prowal ny meeghyn as y cree, lhig dou fakin dty cherraghey orroo; son hood’s ta mee er hoilshaghey my chooish.

Jeremiah 12:3

Agh shione dhyt mish, O Hiarn; t’ou er m’akin, as er phrowal my chree dhyt hene: eiyr magh ad myr kirree ta kiarit dy baase, as cur dy lhiattee ad cour y laa t’ad dy gholl er stroie.

Jeremiah 14:17

Shen-y-fa jir oo ny goan shoh roo, Lhig da my hooillyn’s roie sheese lesh jeïr oie as laa, as ny lhig fea ’ve orroo: son ta brishey trome er jeet er y voidyn inneen my phobble, eer builley baaish.

Jeremiah 16:18

As hoshiaght nee’m cooilleeney dooble y ghoaill son nyn mee-chairys as nyn beccah; er-yn-oyr dy vel ad er n’yannoo my heer neu-ghlen, t’ad er lhieeney my eiraght lesh callinyn nyn reddyn feohdoil as eajee.

Jeremiah 17:13

O Hiarn, treishteil Israel, bee ooilley adsyn ta dty hreigeil er nyn goyrt gys nearey, as adsyn ta cur cooyl rhym’s bee ad scruit ’sy joan, er-yn-oyr dy vel ad er hreigeil y Chiarn, yn farrane dy ushtaghyn bio.

Jeremiah 17:16

Er my hon’s, cha row mee ayns siyr dy ghoaill orrym currym y chaghteraght shoh; chamoo ta mee er yeearree son y laa seaghnagh, myr shione dhyt: va shen haink ass my veillyn jeeragh kiongoyrt rhyt’s.

Jeremiah 17:19

Myr shoh dooyrt y Chiarn rhym, Gow royd as shass ayns giat cloan y phobble, er ta reeaghyn Yudah cheet stiagh as goll magh, as ayns ooilley giattyn Yerusalem;

Jeremiah 20:11

Agh ta’n Chiarn mârym’s myr fer-caggee niartal as atchimagh; shen-y-fa nee my hranlaasee tuittym, as cha vow ad yn varriaght; bee ad coodit lesh nearey; son cha jig eh lhieu; cha bee yn slane toyrt-mow oc dy bragh er ny yarrood.

Deuteronomy 33:11

Bannee, Hiarn, e chooid, jean soiaghey jeh obbyr e laueyn: bwoaill trooid ny meeghyn ocsyn ta girree n’oï, as ta dwoaie oc er, nagh n’irree ad arragh.

Ashlish 18:6

Jean-jee ish y chooilleeney eer myr t’eeish er chooilleeney shiuish, as cur-jee dooble jee cordail rish ny obbraghyn eck; ayns y chappan t’ee er lhieeney, lhieen-jee wheesh elley j’ee.