Jeremiah 17:16 - Yn Vible Casherick 1775 1819

¹⁶ Er my hon’s, cha row mee ayns siyr dy ghoaill orrym currym y chaghteraght shoh; chamoo ta mee er yeearree son y laa seaghnagh, myr shione dhyt: va shen haink ass my veillyn jeeragh kiongoyrt rhyt’s.

Jeremiah 17:16 ပူးပေါင်းရင်းမြစ်များ

Jeremiah 12:3

Agh shione dhyt mish, O Hiarn; t’ou er m’akin, as er phrowal my chree dhyt hene: eiyr magh ad myr kirree ta kiarit dy baase, as cur dy lhiattee ad cour y laa t’ad dy gholl er stroie.

Jeremiah 13:17

Agh mannagh n’eaisht shiu rish, nee m’annym’s dobberan ayns ynnydyn follit son y voyrn eu, as nee my hooill’s keayney dy sharroo, as roie sheese lesh jeïr, er-yn-oyr dy vel shioltane y Chiarn goit ersooyl ayns cappeeys.

Jeremiah 15:15

O Hiarn, t’ou uss toiggal: cooinee, as jeeagh orrym, as gow cooilleeney jeh my hranlaasee er my hon; ny gow mee ersooyl ayns dty hurranse-foddey: cooinee dy nee er dty ghraih’s ta mee er hurranse oghsan.

Jeremiah 18:20

Nee olk vees er ny chooilleeney son mie? son t’ad er chleiy ooig son m’annym. Cooinee dy hass mish seose kiongoyrt rhyt’s dy loayrt ass y lieh oc, as dy hyndaa ersooyl voue dty yymmoose.

Jeremiah 20:7

O Hiarn, Ghow dty choyrle’s niart orrym, as va mee fo marranys; t’ou uss ny s’troshey na mish, as ta’n varriaght ayd: ta mee ayns faghid gagh-laa, ta dy chooilley unnane jannoo craid jee’m.

Jeremiah 20:9

Eisht dooyrt mee, Cha jean-yms genmys eh, chamoo loayr-ym arragh ’syn ennym echey: agh va e ghoo ayns my chree myr aile lossey jeight seose ayns my chraueyn; ve pian dou dy phlooghey eh, as cha row niart aym dy reayll eh fo.

Jeremiah 9:1

O dy beagh my chione ny ushtaghyn, as my hooillyn farrane dy yeïr, dy voddin keayney oie as laa son cloan stroit inneen my phobble!

Amos 5:10

T’ad cur feoh dasyn, ta cur oghsan ’sy yiat, as dwoaie oc ersyn, ta loayrt dy ynrick.

Jannoo 20:20

As kys nagh dreill mee back nhee erbee veagh vondeishagh diuish, agh hoilshee mee diu, as dynsee mee shiu dy foshlit, as veih thie dy thie,

Jannoo 20:27

Son cha vel mee er haghney dy hoilshaghey diu slane coyrle Yee.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.

2 Corinthianee 2:17

Son cha vel shin myr ymmodee, ta soiaghey magh goo Yee dy molteyragh: agh myr jeh’n ynrickys agh myr jeh Jee, ayns shilley Yee ta shin loayrt ayns Creest.

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Jamys 3:1

My vraaraghyn, ny shir-jee dy ve ymmodee fir-ynsee, toiggal [liorish shoh] dy bee mayd ny s’gyere er nyn mriwnys.