Jeremiah 17:1 - Yn Vible Casherick 1775 1819

¹ Ta peccah Yudah scruit lesh pen yiarn, as lesh baare diamond; te grainnit er glaare nyn gree, as er eairkyn nyn altaryn;

Jeremiah 17:1 ပူးပေါင်းရင်းမြစ်များ

Raaghyn Creeney 3:3

Ny lhig da myghin, as firrinys treigeil oo: kiangle ad mysh dty wannal, scrieu ad er glaare dty chree.

Raaghyn Creeney 7:3

Kiangle ad er dty veïr, scrieu ad er glaare dty chree.

Isaiah 49:16

Cur-my-ner, ta mee er dty ghrainney er bassyn my laueyn; ta dty voallaghyn dy kinjagh kiongoyrt rhym.

Jeremiah 11:13

Son corrym rish earroo dty ard-valjyn va ny jeeghyn ayd’s, O Yudah; as corrym rish earroo straïdyn Yerusalem ta shiu er hroggal altaryn da’n red dwoaiagh shen, eer altaryn dy lostey incense da Baal.

Jeremiah 2:22

Son ga dy jean oo niee oo hene lesh y nitre, as goaill mooarane sheeabyn dy dty ghlenney, foast ta dty vee-chraueeaght er ny chronnaghey kiongoyrt rhym’s, ta’n Chiarn Jee dy ghra.

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Hosea 12:11

Vel an-chiartys ayns Gilead? t’ad son shickyrys fardalys, t’ad ouralley dew ayns Gilgal; dy jarroo ta ny altaryn oc myr carnaneyn fud creaghyn y vagheragh.

Hosea 7:2

As cha vel ad goaill gys nyn gree, dy vel mish cooinaghtyn er ooilley nyn olkys: nish ta nyn yannoo hene coyrt dy chion roo er dagh cheu, t’ad kiongoyrt rish my eddin.

Hosea 8:11

Er-yn-oyr dy vel Ephraim er n’yannoo ymmodee altaryn son peccah, bee ny altaryn son loght dasyn.

Leviticus 4:25

As nee’n saggyrt goaill jeh fuill yn oural-peccah er e vair, as coyrt eh er eairkyn altar yn oural-losht, as deayrtey magh yn uill echey rish grunt altar yn oural-losht.

Zechariah 7:12

Dy jarroo ren ad nyn greeaghyn [cha creoi] as y chlagh adamant, nagh glinnagh ad yn leigh, as ny goan, ta Chiarn ny flaunyssee er choyrt ayns e spyrryd liorish ny chied phadeyryn: er-y-fa shen haink jymmoose vooar orroo voish Chiarn ny flaunyssee.

2 Corinthianee 3:3

Son wheesh as dy vel shiu dy cronnal er nyn soilshaghey dy ve screeuyn Chreest, t’er ny hirveish liorinyn, scruit cha nee lesh ink, agh lesh Spyrryd yn Jee bio; cha nee er buird chloaie, agh er buird foalley’n chree.