Jeremiah 16:5 - Yn Vible Casherick 1775 1819

⁵ Son myr shoh ta’n Chiarn dy ghra, Ny gow stiagh ayns thie ny farrarey, chamoo dy yannoo keayney ny dobberan er nyn son: son ta mee er ghoaill ersooyl my hee’s veih’n pobble shoh, ta’n Chiarn dy ghra, eer my chenjallys ghooie as vyghinagh.

Jeremiah 16:5 ပူးပေါင်းရင်းမြစ်များ

Psalmyn 25:6

O ny cooinee er peccaghyn as loghtyn my aegid: agh cordail rish dty vyghin smooinee orrym, O Hiarn, er graih dty vieys.

Isaiah 27:11

Tra ta ny banganyn echey fiojit, bee ad er nyn mrishey jeh: ta ny mraane cheet as cur aile orroo; son she pobble mee-cheeayllagh ad: shen-y-fa eshyn chroo ad, cha jean eh myghin orroo, as eshyn ren ad y chiaddey, cha jeeagh eh veg y foayr daue.

Jeremiah 12:12

Ta ny roosteyryn er jeet er ooilley ny ard-ynnydyn fud yn aasagh: son nee cliwe yn Chiarn stroie veih’n derrey chione jeh’n cheer eer gys y chione elley: cha bee fea ec cretoor erbee.

Jeremiah 13:14

As scoltee-ym ad yn derrey yeh noi’n jeh elley, eer ny ayraghyn as ny mec ry-cheilley, ta’n Chiarn dy ghra; cha jean-ym chymmey, ny foayr, ny myghin y yeeaghyn, agh nee’m ad y stroie.

Jeremiah 16:13

Shen-y-fa neem’s shiu y heebey magh ass y cheer shoh, gys cheer nagh nhione diu, chamoo shiuish ny nyn ayraghyn; as ayns shen nee shiu jeeghyn joarree y hirveish laa as oie, raad nagh jean-ym foayr y yeeaghyn diu.

Dobberan 3:17

As t’ou er scughey my annym foddey veih shee: yarrood mee my vaynrys.

Zechariah 8:10

Son roish ny laghyn shen cha row faill son dooinney, ny faill son baagh, chamoo va shee ny chour-syn hie magh ny haink stiagh, kyndagh rish yn anvea: son vrasnee mee dagh dooinney noi e naboo.

Deuteronomy 31:17

Eisht bee my chorree er ny vrasnaghey nyn ’oï ’sy laa shen, as neem’s ad y hreigeil, as my eddin y hyndaa voue, as bee ad er nyn stroie, as nee ymmodee uilk, as dourinyn tuittym orroo, ayns wheesh as dy jir ad ec y traa shen, Nagh vel ny huilk shoh er jeet orrin, er-yn-oyr nagh vel y Chiarn nyn Yee ny mast’ ain?

Ashlish 6:4

As hie magh cabbyl elley va jiarg; as va pooar er ny choyrt dasyn va ny hoie er, dy ghoaill shee ersooyl voish y thalloo, as dy jinnagh yn derrey yeh coyrt yn jeh elley dy baase: as va cliwe mooar er ny choyrt da.