Jeremiah 16:4 - Yn Vible Casherick 1775 1819

⁴ Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Jeremiah 16:4 ပူးပေါင်းရင်းမြစ်များ

2 Reeaghyn 9:10

As nee ny moddee gee Jezebel ayns magher Jezreel, as cha bee unnane dy oanluckey ee. As doshil eh yn dorrys, as chossyn eh roish.

Psalmyn 78:64

Ren yn aile ny deiney aegey oc y stroie: as cha row ny moidynyn oc er nyn goyrt ayns poosey.

Psalmyn 83:10

Va er nyn stroie ec Endor: as haink dy ve myr eoylley er y thalloo.

Isaiah 18:6

Bee ad faagit cooidjagh da eeanlee ny sleityn, as da maase y vagheragh; nee ny eeanlee tannaghtyn orroo car y touree, as maase y vagheragh car y yeuree.

Isaiah 5:25

Shen-y-fa ta corree yn Chiarn er ny oaddey noi e phobble, as t’eh er heeyney magh e laue nyn ’oï, as er woalley ad: myr shen dy row ny croink er-creau, as va ny kirp marroo oc er ny raipey ayns mean ny straïdyn. Son ooilley shoh cha vel e chorree er ny hyndaa ersooyl, agh ta e laue foast er ny heeyney magh.

Jeremiah 19:7

As ver-ym shaghrynys er coyrle Yudah as Yerusalem ’sy voayl shoh; as ver-ym orroo tuittym liorish y chliwe roish nyn noidyn, as liorish ny laueyn ocsyn ta shirrey nyn mioys; as ver-ym ny kirp oc son beaghey da eeanlee’n aer, as da beishtyn y thallooin.

Jeremiah 21:6

As bwoaill-yms cummaltee yn ard-valley shoh, chammah dooinney as baagh; yiow ad baase liorish cragh paittoil.

Jeremiah 25:33

As bee merriu yn Chiarn ec y laa shen veih kione dy kione ny hooirey: cha bee dobberan jeant harrystoo, chamoo hed ad er jaglym, ny er n’oanluckey; agh bee ad myr eoylley er y thalloo.

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 34:20

Ver-yms ad dy feer gys laue nyn noidyn, as gys y laue ocsyn ren shirrey nyn mioys; as bee ny callinyn oc son beaghey da eeanlee yn aer, as da beishtyn y thallooin.

Jeremiah 36:30

Shen-y-fa myr shoh ta’n Chiarn dy ghra mychione Jehoiakim ree Yudah, Cha bee dooinney echey dy hoie er stoyl-reeoil Ghavid; as bee yn corp marroo echey tilgit magh ’sy laa gys y chiass, as ’syn oie gys y rio.

Jeremiah 44:12

As goyms fooilliagh Yudah, t’er hoiaghey nyn eddin dy gholl gys cheer Egypt dy chummal ayns shen, as hed ad ooilley naardey, as nee ad tuittym ayns cheer Egypt; bee ad dy feer stroit liorish y chliwe, as y ghortey; yiow ad ooilley baase, beg as mooar, lesh y chliwe as y ghortey: as bee ad son ard-vollaght, as son atchim, as son mollaght-mynney, as son oltooan.

Jeremiah 44:27

Cur-my-ner bee sooill aym’s orroo son olk, as cha nee son mie; as bee ooilley deiney Yudah ta ayns cheer Egypt er nyn stroie liorish y chliwe as liorish y chramp, derrey vees slane jerrey orroo.

Jeremiah 7:33

As bee callinyn y phobble shoh son beaghey da eeanlee’n aer, as son beishtyn y thallooin; as cha jean unnane erbee ad y agglagh ersooyl.

Jeremiah 9:22

Abbyr, Myr shoh ta’n Chiarn dy ghra, Dy jarroo myr eoylley tuittee kirp deiney er y vagher foshlit, as myr gleih-arroo lurg y beaynee, as cha jean unnane erbee ad y haglym.

Dobberan 4:9

Adsyn t’er nyn marroo lesh y chliwe, t’ad ny share jeh, na adsyn ta goll dy baase lesh accyrys: son t’ad shoh shymley ersooyl, as goll eig ayns feme messyn y vagheragh.

Ezekiel 24:21

Abbyr rish thie Israel, Myr shoh ta’n Chiarn dy ghra, Cur-my-ner, neem’s my ynnyd casherick ny hraartys, ard-vooaralys nyn niart, yeearree jeean nyn sooillyn, as shen ta nyn annym soit er: as nee ny mec, as ny inneenyn eu t’er-mayrn, tuittym liorish y chliwe.

Ezekiel 5:12

Yiow yn trass ayrn jeed baase lesh y phaitt, as lesh gortey bee ad er ny choyrt mow cheu-sthie jeed; as nee trass ayrn tuittym liorish y chliwe mygeayrt-y-mood; as trass ayrn nee’m y skeayley lesh dy chooilley gheay, as nee’m cliwe y hayrn geiyrt orroo.

Zephaniah 1:17

As ver-ym lhiam seaghyn er deiney, dy jean ad shooyl myr deiney doal, er-yn-oyr dy vel ad er n’yannoo peccah noi yn Chiarn: as bee yn uill oc deayrtit magh myr joan, as yn eill oc myr gaerr.

Deuteronomy 28:22

Nee’n Chiarn uss y woalley lesh doghan gyn-lheihys, as lesh y chiassaghey, as lesh att, as lesh chiass loshtee, as lesh y chliwe, as lesh blest, as lesh mergey: as lhiannee ad dhyt, derrey hed oo naardey.

Deuteronomy 28:26

As bee dty challin son beaghey, da ooilley eeanlee’n aer, as da beishtyn ny hooirey, as cha jean dooinney erbee nyn agglaghey ersooyl.