Jeremiah 16:2 - Yn Vible Casherick 1775 1819

² Cha jean oo ben y ghoaill dhyt hene, chamoo vees ayd mec ny inneenyn ’sy voayl shoh.

Jeremiah 16:2 ပူးပေါင်းရင်းမြစ်များ

Genesis 19:14

As hie Lot magh, as loayr eh rish e vec-’sy-leigh, va er phoosey e inneenyn, as dooyrt eh, Trog-jee erriu, cosne-jee ass yn ynnyd shoh, son nee yn Chiarn yn ard-valley shoh y stroie: agh yeeagh e vec-’sy-leigh er, myr fer va jannoo craid.

Jeremiah 16:1

Haink goo yn Chiarn hym ny-sodjey, gra,

Jeremiah 16:3

Son shoh myr ta’n Chiarn dy ghra mychione ny mec as ny inneenyn t’er nyn ruggey ’sy voayl shoh, as mychione ny mraane ren ad y ymmyrkey, as mychione nyn ayraghyn hooar ad ’sy cheer shoh;

Jeremiah 29:6

Poose-jee mraane, as jean-jee mec as inneenyn y gheddyn; as gow-jee mraane son ny mec eu, as cur-jee ny inneenyn eu ayns poosey, dy vod ad gymmyrkey mec as inneenyn; dy vod shiu bishaghey ayns shen, as gyn ve er nyn leodaghey.

Dobberan 2:22

T’ou er my chruinnaghey mygeayrt lesh seaghyn, myr feailley casherick lesh sheshaght; myr shen ayns laa jymmoose y Chiarn cha ren fer scapail ny cosney roish: adsyn ren mee y voandyrys, as y hroggal, ta my noid er stroie.

Noo Mian 24:19

As smerg dauesyn ta torragh, as dauesyn ta cur keeagh ayns ny laghyn shen.

Noo Luke 21:23

Agh smerg dauesyn ta torragh, as dauesyn ta cur keeagh ayns ny laghyn shen: son bee trimshey mooar ayns y cheer, as corree noi yn pobble shoh.

Noo Luke 23:29

Son cur-my-ner, ta ny laghyn cheet, tra jir ad, Bannit ta ny mraane gennish, as ny breïnyn nagh ren gymmyrkey, as ny keeaghyn nagh dug bainney.