Jeremiah 15:8 - Yn Vible Casherick 1775 1819

⁸ Ta ny mraane-treoghe oc ayns earroo erskyn genniagh ny marrey: ta mee er lhiggey magh orroo, noi moir ny deiney aegey, roosteyryn ec y vun-laa; ver-ym orroo dy huittym urree doaltattym, as atchim agglagh er yn ard-valley.

Jeremiah 15:8 ပူးပေါင်းရင်းမြစ်များ

Isaiah 3:25

Nee dty gheiney tuittym liorish y chliwe, as dty hreanee ayns y chaggey.

Isaiah 3:26

As nee ny giattyn eck keayney as dobberan, as ee hene lhie treigit er y thalloo.

Isaiah 4:1

As ayns y laa shen, nee shiaght mraane goaill greme er yn un dooinney, gra, Ee mayd yn arran ain hene, as nee mayd ceau yn coamrey ain hene; ynrycan lhig dooin ve cowrit liorish dty ennym’s, dy ghoaill ersooyl nyn oltooan.

Jeremiah 16:3

Son shoh myr ta’n Chiarn dy ghra mychione ny mec as ny inneenyn t’er nyn ruggey ’sy voayl shoh, as mychione ny mraane ren ad y ymmyrkey, as mychione nyn ayraghyn hooar ad ’sy cheer shoh;

Jeremiah 18:21

Shen-y-fa livrey uss seose nyn gloan da’n ghortey, as deayrt magh yn uill oc lesh niart y chliwe; as lhig da ny mraane oc ve er nyn roostey jeh nyn gloan, as ve nyn mraane-treoghe; as ny deiney oc ve er nyn goyrt gy-baase; lhig da ny deiney aegey oc ve stroit lesh y chliwe ayns caggey.

Jeremiah 22:7

As ver-ym stroideryn dt’oï, dy chooilley unnane lesh e ghreinyn; as giaree ad sheese dty reih biljyn-cedar, as tilgee ad ’syn aile ad.

Jeremiah 4:16

Jean-jee imraa jeh da ny ashoonyn; cur-my-ner, insh-jee magh eh noi Jerusalem, dy vel scrialtee cheet veih cheer foddey, as cur magh nyn goraa noi ard-valjyn Yudah.

Jeremiah 5:6

Er-y-fa shen nee lion ass y cheyll adsyn y stroie, as nee moddey-oaldey ’syn astyr ad y raipey, nee leopard freayll arrey er ny ard-valjyn oc: bee dy chooilley unnane ta goll magh assdoo er ny raipey ayns peeshyn; er-yn-oyr dy vel y drogh-yannoo oc ymmodee, as y cooyl-skyrraghtyn oc goaill niart.

Jeremiah 6:26

O inneen my phobble, jean aanrit-sack y chryssey mood, as seiy oo hene ’sy leoie; jean farrarey trimshagh myr son ynrycan mac, yn dobberan s’doogh: son hig y roosteyr doaltattym orrin.

Dobberan 5:3

Ta shin cloan treigit as gyn ayr, as ta nyn moiraghyn myr mraane-treoghe.

Ezekiel 22:25

Ta coardail follit mastey ny phadeyryn eck cheu-sthie j’ee, myr lion garveigagh lheim er y spooilley: t’ad er stroie anmeenyn: t’ad er ghoaill yn verchys, as yn chooid chostal: t’ad er n’yannoo ymmodee mraane-treoghe cheu-sthie j’ee.

Hosea 4:5

Shen-y-fa nee oo tuittym ’sy laa, as nee’n phadeyr tuittym mayrt ’syn oie, as stroie-yms dty voir.

Noo Luke 21:35

Son myr ribbey hig eh er ooilley cummaltee ny hooirey.