Jeremiah 15:5 - Yn Vible Casherick 1775 1819

⁵ Son quoi vees trocoil ort, O Yerusalem? ny quoi nee uss y ghobberan? ny quoi hed dy lhiattee dy ênaght kys t’ou?

Jeremiah 15:5 ပူးပေါင်းရင်းမြစ်များ

Lioar Yob 19:21

Gow-jee chymmey jee’m, gow-jee chymmey jee’m, O shiuish my chaarjyn; son ta laue Yee er ventyn rhym.

Psalmyn 69:20

T’ou uss er hoiggal m’oghsan, my nearey, as my vee-onnor: ta my noidyn ooilley ayns dty hilley.

Exodus 18:7

As hie Moses magh quail e ayr-’sy-leigh, as ren eh biallys da, as phaag eh eh: as vrie ad mychione slaynt y cheilley: as hie ad stiagh ’sy chabbane.

Isaiah 51:19

Ta’n daa olk shoh er jeet ort; quoi vees trimshagh er dty hon? traartys, as toyrt-mow, as yn ghenney, as yn cliwe: quoi liorish nee’m dty gherjaghey?

Jeremiah 13:14

As scoltee-ym ad yn derrey yeh noi’n jeh elley, eer ny ayraghyn as ny mec ry-cheilley, ta’n Chiarn dy ghra; cha jean-ym chymmey, ny foayr, ny myghin y yeeaghyn, agh nee’m ad y stroie.

Jeremiah 16:5

Son myr shoh ta’n Chiarn dy ghra, Ny gow stiagh ayns thie ny farrarey, chamoo dy yannoo keayney ny dobberan er nyn son: son ta mee er ghoaill ersooyl my hee’s veih’n pobble shoh, ta’n Chiarn dy ghra, eer my chenjallys ghooie as vyghinagh.

Jeremiah 21:7

As ny lurg shen, ta’n Chiarn dy ghra, neem’s Zedekiah ree Yudah, as e harvaantyn, as e phobble, as fooilliagh y chramp ’syn ard-valley shoh, as ny ta faagit veih’n chliwe, as veih’n ghortey, y livrey gys laue Nebuchadrezzar ree Vabylon, as gys laue nyn noidyn, as gys y laue ocsyn ta shirrey nyn mioys: as nee eh ad y woalley lesh foyr y chliwe; cha jean eh foayr y yeeaghyn daue, chamoo vees chymmey ny myghin echey orroo.

Dobberan 1:17

Ta Zion skeayley magh e laueyn, as cha vel fer erbee dy gherjaghey ee: ta’n Chiarn er harey mychione Jacob, dy beagh e noidyn mygeayrt-y-mysh: ta Jerusalem myr ben veeoil ny-vud oc.

Nahum 3:7

As hig eh gy-kione, dy jean adsyn ooilley ta jeeaghyn ort chea voïd, as gra, Ta Nineveh er ny choyrt naardey, quoi nee dobberan er e son? c’raad yioym fir-gherjee dhyt?

Briwnyn 18:15

As hyndaa ad gys shen, as haink ad gys y thie raad va’n dooinney aeg yn Levite, eer gys thie Vicah, as vannee ad da.

1 Samuel 10:4

As nee ad dty vannaghey, as ver ad dhyt daa willeen arran, nee oo y ghoaill veih nyn laueyn.

1 Samuel 17:22

As daag David e charriads fo laue fer dy ghoaill kiarail jeh, as roie eh gys y vagher-caggee, as haink eh, as vannee eh e vraaraghyn.

1 Samuel 25:5

As hug David magh jeih deiney aegey, as dooyrt David rish ny deiney aegey, Immee-jee seose gys Carmel, as gow-jee gys Nabal, as bannee-jee eh ayns m’ennym.