Jeremiah 15:4 - Yn Vible Casherick 1775 1819

⁴ As ver-ym orroo dy v’er nyn scughey gys ooilley reeriaghtyn y theihll, kyndagh rish Manasseh mac Hezekiah ree Yudah, son shen ny ren eh ayns Jerusalem.

Jeremiah 15:4 ပူးပေါင်းရင်းမြစ်များ

2 Reeaghyn 21:1

Va Manasseh daa vleïn jeig dy eash tra ghow eh toshiaght dy reill, as ren eh reill queig bleeaney jeig as da-eed ayns Jerusalem. As ennym e voir va Hephzibah.

2 Reeaghyn 21:15

Er-yn-oyr da vel ad er n’yannoo shen ny va olk ayns my hilley, as er m’y vrasnaghey gys corree, er-dyn laa haink nyn ayraghyn magh ass Egypt, eer gys y laa t’ayn jiu.

2 Reeaghyn 21:2

As ren eh shen ny va olk ayns shilley yn Chiarn, lurg peccaghyn eajee ny ashoonee, va’n Chiarn er n’astyrt magh roish cloan Israel.

2 Recortyssyn 33:1

Va Manasseh daa vleïn jeig d’eash tra ren eh toshiaght dy reill, as ren eh reill queig bleeaney jeig as da-eed ayns Jerusalem:

2 Recortyssyn 33:2

Agh ren eh shen ny va olk ayns shilley’n Chiarn, lurg peccaghyn dwoaiagh ny ashoonee, va’n Chiarn er n’eiyrt magh roish cloan Israel.

Jeremiah 24:9

As livrey-ym seose ad dy v’er nyn skeayley gys ooilley reeriaghtyn y thallooin, son nyn assee, dy ve son oltooan, as an-ghoo, as flout, as mollaght, dy chooilley raad nee’m geiyrt ad.

Jeremiah 29:18

As ver-ym eiyrtys orroo lesh y chliwe, yn ghortey, as y chramp, as nee’m ad y livrey dy ve scughit gys dy chooilley reeriaght ’sy theihll, dy ve son mollaght, as atchim, as faghid, as an-ghoo, mastey dy chooilley ashoon raad ta mee er n’eiyrt ad:

Jeremiah 34:17

Shen-y-fa shoh goo yn Chiarn, Cha vel shiu er n’eaishtagh rhym’s, ayns fockley magh reamys dagh dooinney da e vraar, as dy chooilley ghooinney da e naboo: cur-my-ner, ta mish fockley-magh reamys diuish, ta’n Chiarn dy ghra, gys y chliwe, gys y chramp, as gys y ghortey; as neem’s shiuish y scughey gys ooilley reeriaghtyn y thallooin.

Jeremiah 9:16

Nee’m ad y skeayley myrgeddin mastey ny ashoonee, nagh row enney chamoo oc hene ny ec nyn ayraghyn orroo: as ver-ym magh y cliwe geiyrt orroo, derrey vee’m er stroie ad.

Dobberan 1:8

S’mooar ta peccah Yerusalem er ve: t’ee er-y-fa shen er ny scarrey: ta adsyn ooilley v’ayns yn ammys eck soiaghey beg j’ee, son dy vel ad er vakin yn nearey eck: dy jarroo t’ee gosnaghey as chyndaa cooyl.

Ezekiel 18:19

Ny-yeih ta shiu gra, Cammah? nagh vel y mac gymmyrkey mee-chairys yn ayr? Tra ta’n mac er n’yannoo shen ta lowal as jeeragh, as er reayll ooilley my lattyssyn, as er n’immeeaght ayndoo, bee eh son shickyrys bio.

Ezekiel 23:46

Son myr shoh ta’n Chiarn Jee dy ghra, Ver-ym lhiam sheshaght orroo, as livrey-ym seose ad gys cappeeys as spooilley.

Leviticus 26:33

As nee’m nyn skeayley fud ny ashoonyn-quaagh, as y cliwe y hayrn nyn yeï: as bee’n cheer eu treigit, as nyn ard-valjyn follym-faase.

Deuteronomy 28:25

Ver y Chiarn ort dy ve er dty imman roish dty noidyn: hed oo magh un raad nyn ’oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

Deuteronomy 28:64

As nee’n Chiarn oo y skeayley mastey dy chooilley ashoon, veih’n derrey chione jeh’n theihll gys y chione elley; as ayns shen nee oo jeeghyn elley ’hirveish, nagh vel enney er ve ayd’s, ny ec dty ayraghyn orroo, eer fuygh as clagh.