Jeremiah 15:2 - Yn Vible Casherick 1775 1819

² As hig eh gy-kione, my jir ad rhyt, Cre’n raad hem mayd magh? eisht jir oo roo, Myr shoh ta’n Chiarn dy ghra, Nyn lheid as ta cour baase, dy baase; as lheid as ta cour y chliwe, da’n chliwe; as lheid as ta cour y ghortey, da’n ghortey; as lheid as ta cour cappeeys, gys cappeeys.

Jeremiah 15:2 ပူးပေါင်းရင်းမြစ်များ

Isaiah 10:4

Treigit liorym’s nee ad croymmey sheese nyn bryssoonee, as tuittee ad mastey ny merriu. Son ooilley as shoh cha vel e yymmoose er ny hyndaa ersooyl, agh ta e laue foast er ny heeyney magh.

Isaiah 24:18

As hig eh gy-kione, dy jean eshyn ta chea veih feiyr yn aggle tuittym ’syn ooig; as dy bee eshyn chosnys seose ass yn ooig goit ayns y ribbey: son ta uinniagyn yn yrjey foshlit, as ta undinyn y thallooin er-creau.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Jeremiah 14:16

As bee yn pobble daue t’ad phadeyrys er nyn dilgey magh ayns straïdyn Yerusalem, kyndagh rish y ghortey as y cliwe; as cha bee unnane erbee dy oanluckey ad, ad-hene, nyn mraane, ny nyn mec, ny nyn inneenyn; son neem’s kerraghey nyn mee-chraueeaght y gheayrtey magh orroo.

Jeremiah 16:4

Yiow ad baase atchimagh: cha bee dobberan jeant er nyn son, chamoo vees ad er n’oanluckey; agh bee ad myr eoylley er eaghtyr y thallooin; as hed ad er stroie lesh y chliwe, as lesh gortey; as bee ny callinyn oc son beaghey da eeanlee yn aer, as son beishtyn y thallooin.

Jeremiah 19:7

As ver-ym shaghrynys er coyrle Yudah as Yerusalem ’sy voayl shoh; as ver-ym orroo tuittym liorish y chliwe roish nyn noidyn, as liorish ny laueyn ocsyn ta shirrey nyn mioys; as ver-ym ny kirp oc son beaghey da eeanlee’n aer, as da beishtyn y thallooin.

Jeremiah 43:11

As tra hig eh, nee eh thalloo Egypt y woalley, as livrey lheid as ta son baase, gys baase; as lheid as ta son cappeeys, gys cappeeys; as lheid as ta son y chliwe, gys y chliwe.

Ezekiel 12:11

Abbyr roo, Ta mish son cowrey diu; myr ta mish er n’yannoo, shen myr vees eh jeant roosyn: nee ad garraghey, as goll ayns cappeeys.

Ezekiel 14:21

Son shoh myr ta’n Chiarn Jee dy ghra, Cre-woad smoo, tra ver-ym my chiare briwnyssyn trome er Jerusalem, yn cliwe, as y ghortey, as ny beishtyn dewilley, as y phaitt, dy yiarey jeh dooinney as baagh?

Ezekiel 33:27

Abbyr uss myr shoh roosyn, Shoh myr ta’n Chiarn Jee dy ghra, Myr ta mish bio, nee adsyn t’ayns ny fadaneyssyn son shickyrys tuittym liorish y chliwe, as eshyn ta ’sy vagher foshlit ver-yms da ny beishtyn, dy ve stroit: as adsyn t’ayns ny cashtallyn, as ny guaggyn yiow ad baase jeh’n phlaih.

Ezekiel 5:12

Yiow yn trass ayrn jeed baase lesh y phaitt, as lesh gortey bee ad er ny choyrt mow cheu-sthie jeed; as nee trass ayrn tuittym liorish y chliwe mygeayrt-y-mood; as trass ayrn nee’m y skeayley lesh dy chooilley gheay, as nee’m cliwe y hayrn geiyrt orroo.

Ezekiel 5:2

Yn trass ayrn nee oo lostey lesh aile ayns mean yn ard-valley, tra ta laghyn y chionney-stiagh noi eck er ny chooilleeney, as trass ayrn nee oo y ghoaill, as giarey dy myn eh lesh y skynn; as trass ayrn ver oo lesh y gheay, as neem’s cliwe y hayrn geiyrt orroo.

Daniel 9:12

As t’eh er chooilleeney e ghoan, loayr eh nyn ’oï, as noi ny briwnyn va dy vriwnys shin, liorish coyrt lesh orrin kerraghey trome: son fo ooilley niau cha row rieau y lheid as ta er ny ve jeant er Jerusalem.

Amos 5:19

Myr dooinney ta chea veih lion, as meeiteil muc-awin: ny goll stiagh gys e hie, as lhie e laue er y voalley, as ard-nieu dy lhottey eh.

Zechariah 11:9

Eisht dooyrt mee, Cha goym kiarail sodjey jeu: shen ta geddyn baase, lhig da goll gy-baase: as shen ta dy ve giarit jeh, lhig da ve giarit jeh; as lhig da’n chooid elley gee, dagh unnane feill y cheilley.

Ashlish 13:10

Eshyn ta leeideil gys cappeeys, hed [eh hene] gys cappeeys: Eshyn ta marroo lesh y chliwe, bee eh er ny varroo lesh y chliwe. Ayns shoh ta meenid as credjue ny nooghyn.