Jeremiah 15:1 - Yn Vible Casherick 1775 1819

¹ Eisht dooyrt y Chiarn rhym, Ga dy shassagh Moses as Samuel kiongoyrt rhym, ny-yeih cha vod my aigney y ve lesh y pobble shoh; ceau magh ad ass my hilley, as lhig daue goll.

Jeremiah 15:1 ပူးပေါင်းရင်းမြစ်များ

Genesis 19:27

As dirree Abraham dy moghey, gys yn ynnyd raad ren eh roïe accan kiongoyrt rish y Chiarn.

2 Reeaghyn 17:20

As ren y Chiarn tilgey jeh sluight Israel, as hug eh seaghyn nyn raad, as livrey eh ad gys laueyn ny spooilleyderyn, derrey v’eh dy bollagh er scughey ad ass e hilley.

Psalmyn 106:23

Er shoh dooyrt eh, dy jinnagh eh ad y stroie, er-be dy hass Moses e harvaant reiht kiongoyrt rish ayns y vrishey-magh: dy hyndaa ersooyl e yymmoose hrome, nagh jinnagh eh ad y stroie.

Psalmyn 99:6

Moses as Aaron mastey e haggyrtyn, as Samuel mâroosyn ta geamagh er e Ennym: deïe ad shoh er y Chiarn, as cheayll eh ad.

Raaghyn Creeney 14:35

Ta’n ree goaill taitnys ayns shirveishagh creeney: agh ta e chorree n’oï-syn, t’eh goaill nearey jeh.

Jeremiah 10:18

Son myr shoh ta’n Chiarn dy ghra, Cur-my-ner, neem’s cummaltee yn cheer y slingal magh ’sy tullogh, as nee’m ad y heaghney, dy vod ad gennaghtyn dy vel eh myr shoh.

Jeremiah 11:14

Shen-y-fa ny jean uss guee ass lieh yn phobble shoh, chamoo jean aghin ny padjer y hebbal er nyn son: son cha n’eaisht-ym roo tra nee ad geamagh hym ayns earish nyn seaghyn.

Jeremiah 14:11

Eisht dooyrt y Chiarn rhym, Ny jean uss guee son maynrys y phobble shoh.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Jeremiah 15:19

Shen-y-fa myr shoh ta’n Chiarn dy ghra, My hyndaa-ys oo, eisht ver-ym lhiam oo reesht, as nee oo shassoo kiongoyrt rhym: as my scarrys oo yn mie veih yn sie, bee oo myr y beeal aym’s: lhig dauesyn chyndaa hood’s; agh ny chyndaa uss hucsyn.

Jeremiah 16:13

Shen-y-fa neem’s shiu y heebey magh ass y cheer shoh, gys cheer nagh nhione diu, chamoo shiuish ny nyn ayraghyn; as ayns shen nee shiu jeeghyn joarree y hirveish laa as oie, raad nagh jean-ym foayr y yeeaghyn diu.

Jeremiah 16:5

Son myr shoh ta’n Chiarn dy ghra, Ny gow stiagh ayns thie ny farrarey, chamoo dy yannoo keayney ny dobberan er nyn son: son ta mee er ghoaill ersooyl my hee’s veih’n pobble shoh, ta’n Chiarn dy ghra, eer my chenjallys ghooie as vyghinagh.

Jeremiah 18:20

Nee olk vees er ny chooilleeney son mie? son t’ad er chleiy ooig son m’annym. Cooinee dy hass mish seose kiongoyrt rhyt’s dy loayrt ass y lieh oc, as dy hyndaa ersooyl voue dty yymmoose.

Jeremiah 22:28

Vel y dooinney shoh Coniah ny yalloo brisht tilgit ry-lhiattee? nee saagh brisht eh nagh vel gys veg yn ymmyd; dy vel ad tilgit magh, eshyn as e luight, as ceaut stiagh ayns cheer quaagh daue?

Jeremiah 23:39

Shen-y-fa, cur-jee my-ner, neem’s, dy jarroo neem’s, shiuish y ghoaill ersooyl myr errey, as nee’m shiu y hreigeil, shiu hene, as yn ard-valley hug mee diuish as da nyn ayraghyn, as ver-yms shiu ass my hilley:

Jeremiah 35:19

Shen-y-fa myr shoh ta Chiarn ny armeeyn flaunyssagh, Jee Israel, dy ghra, Cha bee Jonadab mac Rechab laccal dooinney dy hirveish kiongoyrt rhym gys earishyn foddey beayn.

Jeremiah 52:3

Son trooid jymmoose y Chiarn haink eh gy-kione ayns Jerusalem as Judah, derrey v’eh er n’eiyrt ad magh veih e eanish, dy ren Zedekiah girree-magh noi ree Vabylon.

Jeremiah 9:19

Son ta coraa yllaghey er ny chlashtyn veih Zion, Kys ta shin er nyn spooilley! ta cragh hrome er jeet orrin, liorish dy vel shin er hreigeil y cheer, as dy vel nyn gummallyn er hilgey shin magh.

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Ezekiel 22:30

As hir mee son dooinney ny mast’ oc, yinnagh yn cleiy y yannoo seose, as shassoo ’sy doarlish roym’s son y cheer, nagh jinnin eh y stroie: agh cha row fer ry-gheddyn.

Hosea 9:15

As ooilley nyn olkys ayns Gilgal: son shen y raad hug mee dwoaie daue: son olkys nyn ghrogh-yannoo eiyr-yms ad ass my hie, cha der-ym graih daue ny-sodjey: ta ooilley nyn reiltee mee-viallee.

Zechariah 3:3

Nish va Joshua coamrit lesh eaddagh broghe-frytlagh, as hass eh fenish yn ainle.

Deuteronomy 9:26

Ghuee mee, er-y-fa shen, gys y Chiarn, as dooyrt mee, O Hiarn Yee, ny jean dty phobble y stroie, as dty eiraght, t’ou er livrey trooid dty phooar, ad hug oo lhiat magh ass Egypt, lesh laue niartal:

Hebrewnee 9:24

Son cha vel Creest er n’gholl stiagh ayns ny ynnydyn casherick jeant lesh laueyn, ta co-chaslyssyn jeh’n ynnyd firrinagh; agh ayns niau hene, nish dy hassoo ayns fenish Yee er nyn son:

Briwnyn 5:9

Ta my chree lesh leeideilee Israel, ren dy arryltagh chebbal ad-hene mastey’n pobble. Bannee-jee yn Chiarn.

1 Samuel 12:19

As dooyrt ooilley’n pobble rish Samuel, Guee gys y Chiarn dty Yee son dty harvaantyn, nagh vow mayd baase: son harrish as erskyn ooilley nyn beccaghyn elley ta shin er n’yannoo yn olk shoh, dy yeearree dooin ree.

1 Samuel 12:23

Agh er my hon’s, ny lhig eh Jee dy jinnin peccah noi’n Chiarn liorish scuirr dy ghoaill padjer er nyn son: agh nee’m gynsaghey diu yn raad mie as cairagh.

1 Samuel 7:9

As ghow Samuel eayn jeh’n cheyrrey, as heb eh eh son slane oural-losht gys y Chiarn; as deïe Samuel gys y Chiarn ayns lieh Israel; as hug y Chiarn clashtyn da.